Баяр Күлшат абай шығармаларын интерактивті оқыту әдістемесі 7М01717- «Қазақ тілі мен әдебиеті»
Абай өлеңдерін оқытуда қолданылатын интерактивті тапсырмалар
жүктеу/скачать 1.44 Mb. Pdf көрінісі
|
| 2.2 Абай өлеңдерін оқытуда қолданылатын интерактивті тапсырмалар
Ахмет Байтұрсынов: «Оқытудың үш жағы бар, үшеуі үш нәрсеге тіреледі: біреуі оқу құралдарына, екіншісі ақша-қаражатқа, үшіншісі жақсы мұғалімге», – дейді [48, 141]. Осы үш мәселенің екеуі мұғалімге қатысты айтылған деп есептеймін. Соның бірі білім беруде жаңа педагогикалық технологиялардың негізінде интерактивті әдістерді қолдану. Оқытудың интерактивті формаларын енгізу қазіргі білім беру мекемелерінде білім алушылардың білімін жетілдірудің маңызды бағыттарының бірі болып табылады. Тақырыпты толық ашу үшін алдымен «интерактив, интерактивті оқыту» ұғымдарының мағынасымен танысып алғанымыз дұрыс. «Интерактивті оқыту» ұғымы («interact» – өзара, «act» – әрекет ету) – оқытушы мен білім алушының бірлесе жүзеге асыратын әрекеті негізінде оқытуды білдіреді [49, 27]. Негізгі басымдық «оқытушыға» берілетін, ал оқыту барысындағы басты әрекет «білімді беру, үйрету» болып табылатын дәстүрлі түсініктегі оқытумен салыстырғанда, интерактивті оқыту «оқытушы» мен «оқушының» өзара іс-әрекеттесуін меңзейді, мұндағы басты әрекет – «білімді алу, үйрену», яғни оқушының әрекет барысында білімді өз бетімен игеруі [49, 28]. Интерактивті оқытудың негізгі ұстанымдары: 1) оқу материалын тиімді игеру; 2) білім алушылардың өз бетінше ізденуі; 3) білім алушылардың қызығушылығын ояту; 4) оқытуды өмірмен байланыстыру; 5) білім алушылардың пікірлері мен көзқарастарын қалыптастыру. Интерактивті оқыту міндетті түрде іс-әрекет арқылы жүзеге асырылады, себебі істелген әрекет тыңдалған ақпарат пен көрілген мәліметтен гөрі есте жақсы сақталады. Бұл ретте ұлы Абайдың он тоғызыншы қара сөзіндегі: «Адам ата-анадан туғанда есті болмайды, естіп, көріп, ұстап, тартып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады...» [45, 29], – деген сөздері интерактивті оқытудың бар мәнін ашқандай. Олай дейтін себебіміз, баланы оқытуға белсенді іс-әрекет болғанда ғана нәтиже болады. Белсенді іс-әрекетке себепші болатын әдіс-тәсілдер шығармашылыққа, ізденімпаздыққа жетелейді. Демек, білім алушы білімді дайын күйінде оқытушы түсіндірмесінен алмай, өзінің өмірлік тәжірибесіне сүйену арқылы шығармашылық тапсырмаларды орындау барысында алады. Нәтижесінде білім алушының дүниетанымы кеңейіп, өзіндік пікірі мен көзқарасы қалыптасады. Демек, интерактивтi 39 әдiстiң мақсаты – тек ақпаратты беру ғана емес, білім алушыларға жауаптарды өз бетiнше табу дағдысын меңгерту. Оқытудың интерактивті әдістерінің тиімділігі тәжірибеде дәлелденген көптеген түрлері кездеседі. Қазақстандық білім беру жүйесінде белсенді түрде қолданылып, мұғалімдердің сүйікті құралдарына айналған түрлері де өте көп. Төменде сондай интерактивті әдістердің кейбір түрлеріне тоқтала отырып, Абай өлеңдерін оқытуда қолданудың жолдарын саралайтын боламыз. жүктеу/скачать 1.44 Mb. Достарыңызбен бөлісу:
|