Бейорганикалық химия практикумы
жүктеу/скачать 6.08 Mb.
|
| 2. Мыс (І) қосылыстары.
ғ 121 жұмыс. Мыс (І) оксидінің алынуы
Жылы суда 2,5 г мыс (ІІ) сульфатын ерітіп, 1,5 г глюкоза қосыңдар. Ерітіндіні қыздырып, оған 2,5 мл 20% натрий гидроксидін тез арада құйыңдар. Қоспаны араластырып, 1 сағатқа қалдырып қойыңдар. Бөлінген тұнбаны дистилденген сумен жуып, келесі тәжірибеге сақтап қойыңдар. Реакция теңдеуін жазыңдар. ғ 122-жұмыс. Мыс (І) оксидінің қасиеттері
Алынған мыс (І) оксидінің қышқыл және аммиак ерітінділеріне әсерін анықтаңдар. Ол үшін мыс (І) оксидін 4 сынауыққа салыңдар. Бірінші сынауықты қыздыра отырып, оған концентрлі күкірт қышқылын құйыңдар. Байқалған құбылыстарды түсіндіріңдер. Екінші сынауыққа түзіліп отыратын ақ тұнба ерігенше концентрлі тұз қышқылын тамшылатып құйыңдар. Ерітіндіні келесі тәжірибеге сақтап қойыңдар. Үшінші және төртінші сынауықтардағы мыс (І) оксидін 25% аммиак ертіндісімен ерітіп, біреуін тығынмен нығыз жауып, екіншісін ашық күйде қалдырып, екеуін де қатты шайқаңдар. Байқалған құбылыстарды түсіндіріңдер. Реакция теңдеуін жазыңдар. Кешенді мыс (І) аммиакатының құрылысын валенттік байланыс әдісі тұрғысынан қарастырыңдар. ғ 123 жұмыс. Мыс (І) гидроксидін алу және оның қасиеттері
Мыс (І) оксидінің хлорсутекті ерітіндісіне (алдыңғы тәжірибелерде алынған) тамшылатып 20% натрий гидроксидін құйыңдар. Не байқалады? Тұнбадан ерітіндіні сүзіп алып, тұнбаға (тамшылатып) 1-2 мл 10% аммиак ерітіндісін құйыңдар. Не болады? Байқалған құбылыстарды түсіндіріңдер. Бөлінген тұнбаның түсі және құрамы қандай? Тұнбаның еруі немен түсіндіріледі? Реакция теңдеуін жазыңдар. жүктеу/скачать 6.08 Mb. Достарыңызбен бөлісу:
|