Жұмысты орындаудың тапсырмалары мен нұсқаулары:
«Кесіндінің ұзындығын өлшеу. Сантиметр.» тақырыбына арналған сабақтың мақсаты мен міндеттерін анықтаңыз.
«Сағат, минут» тақырыбын өтуде көрнекі құралды пайдаланудың әдістемесіне талдау жасаңыз.
«Сыйымдылық және көлем» арасындағы байланысқа арналған сабақтың әдіс-тәсілдерін анықтаңыз.
«Аудан, квадрат сантиметр» тақырыбын өтуде оқушылардың іс-әрекетін қалай ұйымдастыруға болады?
Массаның өлшем бірліктері арасындағы қатынасқа арналған өзіндік жұмысты ұйымдастыру әдістемесіне тоқталыңыз.
«Шаманың үлесі және бөлшегі» тақырыбына арналған сабақ үзіндісін дайындап, өткізіңіз.
Шамалар жайлы білімдерін бекіту, білік және дағды қалыптастыру сабағының элементін дайындап, талдаңыз.
№ 12 практикалық жұмыс
Тақырыбы: Сабақта оқушылардың ойлау, танымдық, шығармашылық қабілеттерін дамытумен байланысты іс-әрекетті ұйымдастыру. («Алгебра және геометрия элементтері» тақырыптарын оқыту барысында). Сабақ үзінділерін дайындау, өткізу және талдау.
Мақсаты: 1) Бастауыш мектепте қарастырылатын алгебралық ұғымдар жүйесін оқып-үйрену және талдау; алгебра материалдарын оқытып-үйретудің ретін анықтау; жаттығулар іріктеу және құрастыру. 2) Бастауыш мектепте оқытылатын геометриялық ұғымдар жүйесін оқытып-үйрету; геометрия ұғымдарын қарастыру реті; материалды өтуге дайындау, оны оқытып-үйрету, білімді бекітуге және оқушылардың білімдерін тексеруге арналған тапсырмаларды іріктеу, құрастыру.
Достарыңызбен бөлісу: |
