| Анимация әзірлеуде ескерілетін талаптар
Кез келген анимацияны келесі негізгі принциптерге сай әзірлеу керек:
Уақыт пен қозғалысты бөлу (жіктеу). Уақытты жіктеу орын ауыстыруға ерекше мән беріледі. Орын ауыстыру жылдамдығы бір ғана қозғалыс түрін әртүрлі мағынада бейнелеуі мүмкін.
Уақытты жіктеу және қадамдық орын ауыстыру қызықты әрі шынайы қозғалыс жасаудың негізі болып табылады.
Қадамдық жылжуда аса маңызды роль атқаратын әрекетті күту және әрекеттегі реакция арасында өзара теңдік сақталуы керек.
Өте жай қозғалу қызығушылықты жояды, ал өте тез қозғалу әрекетті түсінбеуге әкеп соқтырады.
Күту. Қозғалыс неғұрлым шынайы әрі динамикалық болу үшін оның алдында күту процедурасының болғаны дұрыс. (мысалы: жүгіру алдында спортсмендер сәр артқа жылжып қатып қалады).
Аяқтау. Қозғалыс кенеттен аяқталмауы керек (мысалы: спортсмендер финиш лентасын қиып өтісімен тоқтап қалмайды, олар жылдамдығын азайтып біртіндеп тоқтайды).
Деформация. Қозғалыс немесе соқтығысу кезінде объектінің аздап болса да формасының өзгеретінін ескеру керек.
Достарыңызбен бөлісу: | 
