Білім беру бағдарламасы курс атауы: «Биологияны оқытудағы инновациялық технологиялар және ғылыми зерттеулерде заманауи тәсілдерді қолдану әдістемесі»
Дәріс 10. Биологиядағы зерттеу әдістері: оқушылардың ғылыми-зерттеу жұмыстарын ұйымдастыру және жүргізу әдістемесі Дәріс жоспары
жүктеу/скачать 90.31 Kb.
|
- Бұл бет үшін навигация:
- Дәріс тезисі
- Дәріс 11.
| Дәріс 10. Биологиядағы зерттеу әдістері: оқушылардың ғылыми-зерттеу жұмыстарын ұйымдастыру және жүргізу әдістемесі
Дәріс жоспары: 1. Ғылым және ғылыми зерттеу әдістері мен әдістемесі Ғылымның анықтамасы мен классификациясы 2. Ғылыми зерттеу жұмыстарын жүргізу Ғылыми-зерттеу жұмысының кезеңдері. 3. Ғылыми бағыт, ғылыми мәселе және ғылыми зерттеу жұмысының тақырыбын таңдау және зерттеудің өзектілігін анықтау. 4. Биологиялық зерттеу нысаны, зерттеу мақсаты мен міндеттерін анықтау. Дәріс тезисі: Ғылым табиғат, қоғам және ойлау туралы жаңа білім алуға бағытталған зерттеу саласы болып табылады. Ғылым – рухани мәдениеттің маңызды бөлігі. Ол келесідей өзара байланысты ерекшеліктерімен сипатталады: - табиғат, адам, қоғам туралы объективті және дәйекті білім беру жиынтығы; - жаңа тұрақты білім алуға бағытталған іс-шаралар; - білімнің қалыптасуын, оның дамуын қамтамасыз ететін әлеуметтік институттардың жиынтығы. Сонымен қатар, «Ғылым» термині ғылыми білімнің нақты салаларында да (математика, физика, биология және т.б.) сілтеме ретінде қолданылады. Таным әдісі бойынша ғылым келесідей түрлерге жіктеледі: - материалдық тәжірибе нәтижесінде немесе шындықпен тікелей байланыс арқылы алынған білімді терең зерттейтін эмпирикалық ғылымдар. Эмпирикалық ғылымның басты әдістері –бақылау, өлшеу және тәжірибелер болып табылады. Эмпирикалық деңгейдегі ғылым фактілерді жинаумен, оларды бастапқы жинақтаумен және жіктеумен айналысады. Ғылым тәжірибеге қатысты іргелі және қолданбалы болып бөлінеді. Тақырыпты өз бетімен меңгеруге арналған әдебиеттер (30-31 +қосымша әдебиет 1-8) Дәріс 11. Зерттеу жұмысының жоспарын құру және биологиялық ғылыми зерттеулер әдіснамасы Дәріс жоспары: 1. Ғылыми зерттеулердің әдісі мен әдіснамасы туралы ұғым. 2. Эмпирикалық зерттеу әдістері. 3. Абстрагирлеу, талдау, синтез. Индукция және дедукция, модельдеу. 4. Идеализация, формализация, аксиоматикалық әдіс, гипотеза және болжам, теория 5. Биологияны оқытуда теориялық және тәжірибелік зерттеулер жүргізу жолдары. Дәріс тезисі: Ғылыми зерттеу әдісі– объективті шындықты тану тәсілі. Әдіс ісәрекеттердің, тәсілдердің, операциялардың белгілі бір реттілігін білдіреді. Оқытылатын объектілердің мазмұнына байланысты жаратылыстану әдістері мен әлеуметтік-гуманитарлық зерттеу әдістері ерекшеленеді. Зерттеу әдістері ғылым салалары бойынша жіктеледі: математикалық, физикалық, химиялық, биологиялық, медициналық, әлеуметтік-экономикалық және т.б. Таным деңгейіне байланысты әдістер келесідей болып бөлінеді: эмпирикалық, теориялық және метатеоретикалық деңгейлер. Эмпирикалық деңгей әдістеріне бақылау, сипаттау, салыстыру, есеп, өлшеу, сауалнамалық сұрау, әңгімелесу, тестілеу, эксперимент, модельдеу және т.б. жатады. Теориялық деңгей әдістеріне аксиоматикалық, гипотетикалық, формализация, абстрагирлеу, жалпы логикалық әдістер (талдау, синтез, индукция, дедукция, аналогия) және т.б. жатады. Метатеоретикалық деңгейдің әдістері диалектикалық, метафизикалық, герменевтикалық және т.б. болып бөлінеді. Ғылыми зерттеудің «әдіс» ұғымын және «техника», «процедура» және «әдістеме» ұғымдарын ажырата білу керек. Зерттеу техникасы деп қандай да бір әдісті пайдалану үшін арнайы тәсілдер жиынтығын айтады. Зерттеу процедурасы деп іс – әрекеттердің белгілі бір реттілігін, зерттеуді ұйымдастыру тәсілін айтады. Әдістеме – таным әдістері мен тәсілдерінің жиынтығы. Кез келген ғылыми зерттеу белгілі бір әдістермен және тәсілдермен, белгілі бір ережелер бойынша жүзеге асырылады. Бұл тәсілдердің, әдістер мен ережелердің жүйесі туралы ілімді әдіснама деп атайды. «Әдіснама» ұғымы әдебиетте екі мағынада қолданылады: - қандай да бір қызмет саласында (ғылым, саясат және т.б.) қолданылатын әдістер жиынтығы); - танымның ғылыми әдісі туралы ілім. Тақырыпты өз бетімен меңгеруге арналған әдебиеттер (30-31 +қосымша әдебиет 1-8) жүктеу/скачать 90.31 Kb. Достарыңызбен бөлісу:
|