Абдуллина г. К
І. ТІЛДІҢ АНАТОМИЯЛЫҚ – ФИЗИОЛОГИЯЛЫҚ МЕХАНИЗМДЕРІ
жүктеу/скачать 1.97 Mb. Pdf көрінісі
|
- Бұл бет үшін навигация:
- Теориялық аспектісі
| І. ТІЛДІҢ АНАТОМИЯЛЫҚ – ФИЗИОЛОГИЯЛЫҚ МЕХАНИЗМДЕРІ
1.1 Логопедия тіл кемістіктері және сөйлеу тілінің бұзылуы туралы ғылым саласы «Логопедия» термині грек тілінен («logos» (сөз) және «пайдео» (білім беремін, үйретемін) аударғанда «дұрыс сөйлеуге тәрбиелеу» дегенді білдіреді. Логопедия - сөйлеу тілінің кемістіктерін, оның бұзылу себептерін, болдырмау жолдарын, кемістіктерді әртүрлі жолдармен түзетіп жоюдың тәсілдерін зерттейтін арнайы педагогикалық ғылым. Логопедия сөйлеу тілінің бұзылыстарын анықтау және арнайы оқыту мен тәрбиелеу әдістері арқылы қалыпқа келтіру, түзету, алдын алу туралы ғылым. Логопедия сөйлеу тілі бұзылыстарының себептерін, механизмдерін, белгілерін, ағымын, құрылымын, қалыпқа келтіру жүйесін зерттейді. Логопедия ғылымының пәні сөйлеу тіл бұзылыстарын және тілдік кемістігі бар адамдарды оқыту және тәрбиелеу. Зерттеу объектісі – сөйлеу тіл кемістігі бар адам. Тілдік кемістіктер мәселесін физиологтар, невропатологтар, психологтар, лингвистер және т.б. ғылым салалары да зерттейді. Дегенмен, әр ғылым саласының ғылыми мақсаттары, міндеттері және құралдарының өзіндік ерекшеліктері болады. Логопедияның негізгі мақсаты – ғылыми негізделген жүйені жасау, сөйлеу тілі бұзылған адамдарды оқыту, тәрбиелеу және қайта тәрбиелеу, сондай-ақ сөйлеу бұзылыстары мен кемістіктердің алдын алу. Логопедия арнайы педагогиканың саласы ретінде арнайы ұйымдастырылған білім беру және тәрбиелеу шаралар арқылы алдын алу, түзету және қалыпқа келтірумен айналысады. Қазіргі логопедия мектепке дейінгі логопедия; мектеп логопедиясы; жеткіншектер мен ересектер логопедиясы – құрылымдарын қамтиды. Логопедияның ғылым ретіндегі маңызын анықтай отырып, міндеттерін көрсетуге болады: 1. Тілдік әрекеттің онтогенезін әртүрлі сөйлеу тілі кемістіктерінде зерттеу. 2. Тілдік кемістіктердің себептері мен көріністерін, таралуын айқындау. 3. Балалардағы тілдік кемістіктерінің сипаты мен ерекшеліктерін, тілдік кемістіктердің бала психикасы мен тұлғалық ерекшеліктерінің қалыптасуына әсерін, әртүрлі әрекеттерді меңгерудегі мінез-құлық динамикасын анықтау. 4. Дамуында ауытқулары (ақыл-ой, есту, көру, сөйлеу және тірек-қимыл аппараты) бар балалардың сөйлеу тілінің бұзылуы мен тілдік ерекшеліктерінің қалыптасуын зерттеу. 5. Сөйлеу тілі бұзылуының симптоматикасы мен құрылымдарын, механизмдері мен этиологиясын анықтау. 6. Сөйлеу бұзылыстарын педагогикалық диагностикалау әдістерін жасау. 7. Сөйлеу бұзылыстарын жүйелеу. 5 8. Тілдік бұзылулар мен кемістіктерді қалыпқа келтіру құралдары мен әдістерін, қағидаларын жасау. 9. Сөйлеу бұзылыстарының алдын-алу әдістерін жетілдіру. 10. Логопедиялық көмекті ұйымдастыру шараларын әзірлеу. Көрсетілген міндеттерден логопедияның теориялық және практикалық бағыттылығы анықталады. Теориялық аспектісі – сөйлеу тіл кемістіктерін зерттеу, оларды анықтау, жою және тіл кемістігін алдын алудың ғылыми тұрғыдан дәлелденген әдістерін зерттеу. Практикалық жүктеу/скачать 1.97 Mb. Достарыңызбен бөлісу:
|