Дипломдық жобаны орындау және рәсімдеу бойынша әдістемелік нұСҚаулық
жүктеу/скачать 346.83 Kb.
|
| 3 Кеңес беруді ұйымдастыру
Дипломдық жобаны орындау кезінде студенттер дипломдық жоба жетекшісі мен оқытушы-кеңесшілердің қажетті кеңесін алуы керек. Дипломдық жобаның жетекшісі: 1) дипломдық жобаны орындау үшін тапсырма береді; 2) білім алушыға дипломдық жобалаудың барлық кезеңінде күнтізбелік жұмыс кестесін әзірлеуге көмек көрсетеді; 3) білім алушыға қажетті негізгі әдебиеттерді, анықтамалық материалдарды, үлгілік жобаларды және тақырып бойынша басқа да көздерді ұсынады; 4) дипломдық жобалау кезінде студенттің дипломдық жобаны орындаудың күнтізбелік кестесін сақтауына ағымдағы бақылауды жүзеге асыратын кеңес беру кестесін белгілейді; 5) диплом жобасының барлық бөлімдерінің көлемін белгілейді және бітіруші мен кеңес берушінің жұмысын үйлестіреді. Әрбір студент жұмыстың жекелеген мәселелері бойынша оқытушы-кеңесшілердің тегі бойынша танысуы тиіс. Кеңес берудің негізгі міндеті – студенттерді тапсырманы дұрыс орындауға бағыттау, нақты мәселелерді шешу, анықтамалық, нормативтік және қосымша техникалық әдебиеттерді қолдану, тәжірибеден өту кезінде алынған біліктілік пен дағды дербестігін дамыту. Әрбір кеңесшіге қажет: − студенттерге нұсқау беру және оның әрбір тапсырмасын түсіндіру; − дипломдық жобаның бөлімдерін орындауға нақты қағиданы беру; − әр студентке әр бөлім материалының көлемі мен үлестірілуін анықтау; − түсіндірме жазбаның бөлімдерін орындау мерзімімен анықтау. Бітірушілердің әрқайсысына есеп беру сәтіндегі орындалу пайызын көрсете отырып, бөлім бойынша есеп беру кестесін тапсыру ұсынылады. Жеке кеңес берулерді басқа студенттердің қатысуымен әңгімелесу түрінде өткізу ұсынылады, бұл студенттерді дипломдық жобаны орындау бойынша жалпы талаптармен таныстыруға, қайталауды болдырмауға және жобаны орындау кезіндегі қателерді талдауға мүмкіндік береді. Кеңес беру толық болуы керек, бірақ белгілі және жеткілікті қарапайым жеке материалды талқылауды болдырмауы керек. жүктеу/скачать 346.83 Kb. Достарыңызбен бөлісу:
|