Тақырыбы: Маргарин өнімдерінің сапа деңгейін бағалау
Жұмыстың мақсаты:
Органолептикалық және физико-химиялық көрсеткіштері бойынша маргарин өнімдерінің сапасын анықтау
Нәтижелерін ресімдеу
Бақылауға сұрақтарға жауап беру
Маргарин – жоғары дисперсті, сулы-майлы эмульсия. Бұл өнім дәмі, түсі, иісі, консистенциясы, құрамындағы майлардың, ақуыздардың, көмірсулардың мөлшері мен сіңіру қабілеті жағынан сарымайға ұқсайды.
Маргариннің құрамында 82 % төмен емес майлар, 17 % жоғары емес сулар, 1 % көмірсулар, 0,3 % ақуыздар бар. Маргариннің еру температурасы – 27-33 С, сіңірілуі – 94-97 %.
1 Маргариннің органолептикалық көрсеткіштерін анықтау
Маргарин өнімдерінің сапасына қойылатын талаптарының негізгілері: бөтен иіс пен дәмнің болмауы, сары майға ұқсас анық білінетін дәмі мен иістің бар болуы. Маргариннің консистенциясы жеңіл еритін, тығыз және біртекті.
Маргаринді кескен кезде, үсті жалтыраған және құрғақ болуы керек. Боялған маргариндердің түсі біртекті ақшыл-сары болады. Маргариннің будалары езілмеген, заттаңбасы анық және түсінікті жазылуы керек.
Маргариннің сапасының органолептикалық көрсеткіштерін МЕМСТ 976-81 талаптарына сәйкес анықталады.
Түсін анықтау. Қатты маргариннің кесілген жерінің 18 С температурада анықтайды. Маргариннің түсін 30 мл сынаманы стаканға құйып анықтайды. Стақанды ақ қағаздың үстіне қойып, өткен жарықтың көмегімен түсі анықталады.
Иісі мен дәмін анықтау. Дәмін анықтаған кезде өнімнің мөлшері ауыз қуысында толық таралатындай болу керек. Өнімді 20-30 с бойы шайнайды. Иісін органолептикалық тәсілмен 18 С температурада анықтайды.
Консистенциясын анықтау. Консистенциясын маргаринді кескен кездегі күшті салуға, маргариннің құрылымының өзгерілуі мен сақталуына, маргариннің кесілген жерінде ылғалдылықтың бар болуы немесе жоқ болуына байланысты тексереді.
2 Зерттеудің физико-химиялық әдістері
Достарыңызбен бөлісу: |
