I. 2015-2017 жылдарға арналған Қармақшы ауданының әлеуметтік-экономикалық дамуының негізгі көрсеткіштері

2015 жылы ағымдағы нысаналы  трансферттермен аудан бюджетіне ҰОС ардагерлері мен мүгедектеріне, ҰОС жылдары қаза болған жауынгерлердің қайта некеге тұрмаған жесірлеріне, Екінші дүниежүзілік соғысы жылдарындағы концлагердің бұрынғы кәмелетке толмаған тұтқындарына, мінсіз әскери қызметі үшін бұрынғы КСРО ордендерімен және медальдарымен марапатталған еңбеккерлеріне сауықтыруға біржолғы материалдық көмекке және Ұлы Отан соғысы жылдары тылда 6 айдан кем емес еңбек еткен еңбеккерлеріне коммуналдық қызметтерді өтеуге 35,0 млн. теңге, өңірге қажет мамандықтар бойынша әлеуметтік тұрғыдан халықтық осал тобы қатарынан білім алушы студенттерге әлеуметтік көмек көрсетуге 18,7 млн теңге, туберкулезбен тұрақты емделіп жүрген науқастарға әлеуметтік көмекке – 12,4 млн теңге, лейкоз және анемия ауруларымен ауыратын балаларға әлеуметтік комекке – 1,1 млн теңге бөлінді.

Ағымдағы жылы «Жұмыспен қамту-2020» бағдарламасына республикалық бюджеттен нысаналы трансферттер бөлінуде.

Бірінші бағыт. 

Жұмыспен қамту 2020 жол картасы шеңберінде білім беру ұйымдарының ғимараттарын күрделі жөндеуден өткізуге Жосалы кентіндегі №105 орта мектеп ғимаратын күрделі жөндеуге - 66899 мың теңге бөлініп, 12 жаңа жұмыс орындарын ашу жоспарланса, 12 адам нақты жіберілді, Жосалы кентіндегі №2 "Жұлдыз" балабақшасы ғимаратын күрделі жөндеуге 20958 мың теңге бөлініп, 4 жаңа жұмыс орны ашу жоспраланса, 6 адам нақты жолданды.

2014 жыл «Байқоңыр» әлеуметтік-кәсіпкерлік корпорациясының ұйымдастырған конкурсына «Наурыз-Орда» ЖШС, «Нұр-рай» ЖШС қатысып, 117,0 млн теңгені 45 азаматқа шағын несие беру арқылы толығымен игерді.

2015 жылға Кәсіпкерлік негіздерін оқыту мақсатында 50 азаматты оқыту жоспарлануда.

2015 жылға шағын несиелендіруге 225,5 млн теңге қаржы қаралуда.

2014 жылы «Жұмыспен қамту - 2020» бағдарламасын іске асыру жөніндегі аудандық комиссиясының шешімімен «Кәсіптік даярлау және қайта даярлау», «Біліктілігін арттыру» курстары бойынша барлығы 149 азаматтың өтініштері қанағаттандырылды.

Кәсіптік даярлау курсы бойынша 90 азамат арнаулы оқу орындарына түсіп, оқуда.

Қайта даярлау 2 айлық оқу орындарына 40 азамат жолданды, 19 азамат біліктіліктерін арттырды.

2014 жылы 240 адамға мекемелерге жолдама беріліп, 19 285 мың теңге бөлініп, 96 пайызға игерілген.

2015 жылға Әлеуметтік жұмыс орындарына 49 азаматты қамтуға Республикалық бюджеттен бөлінген қаражат барлығы 11 402 мың теңге.

Жыл басынан бері Әлеуметтік жұмыс орындарын құруға 41 кәсіпкерлік субъектілерінің тізімі бекітілген.

2015 жылы 26 азаматты мекемелерге жастар тәжірибесі арқылы жұмысқа орналастырылатын болады. Оған республикалық бюджеттен 5350 мың теңге қаралған.

2015 жылы облыстық және аудандық бюджеттен қаржылар бөлінді:

* Қармақшы ауданы Жосалы кентінде мұражай және кітапхана нысаны құрылысын аяқтауға 136,7 млн теңге;

* Қармақшы ауданы Жосалы кентіндегі Аудандық мәдениет үй ғимаратының қасбетін күрделі жөндеу жұмыстарын жүргізуге 25,0 млн. теңге.

Ауданда 9 спорт алаңы, 5 стадион, 21 спорт залы, 1 дене сауықтыру кешені орналасқан.

2015 жылы облыстық және аудандық бюджеттен қаржылар бөлінді:

* "Қармақшы ауданы Төретам кентіндегі дене шынықтыру-сауықтыру кешені құрылысының" мемлекеттік сараптамадан өткізілген жоба-сметалық құжаттамасын әзірлеуге 6,1 млн.теңге;

* «Қармақшы ауданы Ақай елді мекеніндегі дене шынықтыру-сауықтыру кешенінің құрылысы» жобасының мемлекеттік сараптамадан өткізілген жобалық-сметалық құжатын әзірлеуге 4,7 млн.теңге;

* Жосалы кентіндегі денешынықтыру сауықтыру кешеніне ағымдағы жөндеу жұмыстарын жүргізуге 16,0 млн теңге.

Ауыл шаруашылығы
Қармақшы ауданының егін шаруашылығы саласын субсидиялауға 2015 жылы республикалық және облыстық бюджеттен барлық бағыттар бойынша 603,5 млн. теңге бөлінді.

Соңғы жылдары басым ауыл шаруашылығы дақылдарын қолдау шараларының негізінде күріштің, майлы дақылдардың, жем-шөптік дақылдардың, жеміс-жидектің, бақша дақылдарының, қорғалған топырақтағы көкөністердің егіс көлемі мен өндірілген өнім көлемі артып, елді отандық өнімдермен қамтамасыз ету мәселесін шешілуде. Ауыл шаруашылығы дақылдарының көлемі 22,0 мың гектарға орналастырылды, оның ішінде аймақтың негізгі дақылы күріштің егіс көлемі 15,4 мың гектарды құрады.

2015 жылы Жосалы кентінде 2 жерде мал тоғыту ваннасын орналастыруға аудандық бюджеттен 1,4 млн теңге қарастырылған.

Сонымен қатар 2015 жылы облыстық бюджеттен Қармақшы ауданның Төретам кентіне кіреберіс (Батыс Еуропа-Батыс Қытай жолынан) 2,450 шақырым жолына орташа жөндеуге жобалау-сметалық құжаттамасы мен ведомстволық сараптамасын әзірлеуге 700 мың теңге, Қармақшы ауданындағы Ақай елді мекеннің артындағы Сырдария өзені арқылы өтетін көпір құрылысы жобасының мемлекеттік сараптамадан өткізілген жоба-сметалық құжаттамасын әзірлеуге 16,4 млн теңге бөлінді.