-2011 жылдардағы ЖІӨ құрылымының өзгеруі

2011 жылдың қорытындысы бойынша ЖІӨ-нің жалпы құрылымында тауарлар өндірісінің үлес салмағы, 2010 жылмен салыстырғанда 45,1%-дан 43,5%-ға дейін төмендеп, көрсетілетін қызметтердің үлесі 51,7%-дан 51,8%-ға дейін арта түскен.

ЖІӨ құрылымындағы өнеркәсіптің үлес салмағы 2010 жылмен салыстырғанда 1,2%-ға төмендеп, 31,7%-ды құрады.

Есепті кезеңде экономиканың шикізаттық бағытқа қарай ойысу үрдісі нығая түскен.

Мәселен, Қазақстан Республикасын Үдемелі индустриялық-инновациялық дамытудың 2010-2014 жылдарға арналған мемлекеттік бағдарламасының (бұдан әрі - ҮИИДМБ) іс-шараларын іске асыру жөніндегі статистикалық деректерге сәйкес, барлық құраушы секторлары бойынша өнеркәсіптің үлесі азайған тұста, тек тау-кен өндіруші өнеркәсіпте ғана өсім байқалуда, өнеркәсіп құрылымындағы оның үлесі 3,1%-ға ұлғайып, 64,2% болды, шикі мұнай мен табиғи газды өндірудің көлемі 3,5%-ға өсіп, 54,7%-ды құрады.

Бұл республикалық бюджет кірістерінің шикізаттық сектордан түсетін түсімдерге деген тәуелділігін күшейтуге әсер етті (2010 жылғы 56,7%-дан 2011 жылы 60,1%-ға дейін), сонымен бірге шикізаттық емес сектордан түсетін салықтық түсімдердің үлесі 3,4%-ға төмендеген.

Өз кезегінде, республикалық бюджет шығыстарының көлемі ұлғайып келеді, алайда олардың мультипликативтік әсері барабар деңгейге жетіп отырған жоқ.

Мемлекеттік және салалық бағдарламаларды, соның ішінде ҮИИДМБ-ны іске асыруға бөлінген қаражатты пайдаланудың сенімді тетігі болмағандықтан, әрі басқа да себептерге байланысты, аталмыш қаржы тиімсіз игерілуде (Есептің 3.1.2-бөлімін қараңыз).

4-кесте

2009-2011 жылдардағы өнеркәсіптің құрылымы

Р/с №	Көрсеткіш атауы	2009 жыл	2010 жыл	2011 жыл
1	Өнеркәсіп, соның ішінде:	100,0	100,0	100,0
2	-тау- кен өндіру өнеркәсібі, %, соның ішінде:	60,3	61,3	64,2
3	шикі мұнай мен табиғи газды өндіру	50,9	51,2	54,7
4	- өңдеуші сектор, %	32,3	31,7	29,4
5	- электрмен жабдықтау, сумен жабдықтау, %	7,4	7,0	6,4