I тарау дене шынықтыру жүйесінің міндеттері мен мақсаттары
жүктеу/скачать 0.68 Mb.
|
- Бұл бет үшін навигация:
- Типтік сабақ жоспары Кіріспе бөлім - 5 -10минут. Міндеті
| Сабақтың құрылысы
Дене шынықтыру сабағының негізгі мәселесінің бірі- сабақта шынықтыру құрылысының дұрыс болуы. Күнтүзбек жоспардың дұрыс құрылуы күнделікті жоспардың дұрыс құрылуына негіз болады. Сабақтың құрылысы мұғалімге жаттығуларды дұрыс таңдауға, өтілетін материалды түсіндіруге, денеге түсетін салмақты анықтауға көмектеседі. Сабақтың құрылысы өтетін материал мен сабақтың мақсатына байланысты құрылады. Мақсат орындалу үшін ең алдымен дұрыс таңдалынып алынған материал керек. Соған қарай жаттығуды орындау әдіс – тәсілі анықталады, таңдалады. Дене тәрбиесі сабағының мақсатының орындалуы сабаққа қатусушылардың дене даярлығына байланысты. Ол үшін бала сабаққа психикалық даярлықпен келу керек. Әдетте оқушылардың көтеріңкі көңіл – күй қалпы бірден тыныштық қалыпқа өткізуге рұқсат етілмейді. Сондықтан сабақ құрылысын қарағанда біртіндеп тыныштық қалпына келіп, одан кейін сабақты ұйымшыл түрде бітіретіндей етіп құру қажет. Осы себептен әрбір сабақ жоспары негізгі үш бөлімнен құрылады. Бірінші бөлім – ұйымдастыру кезеңі, оқушыларға күрделі жаттығуларды орындату, дайындау, шартты түрде « кіріспе бөлім» деп аталады. Екінші бөлім – сабақтың негізгі жаттығуларын орындауға бағытталған, шартты түрде « негізгі бөлім» деп аталады. Үшінші бөлім – бұл кезде сабақ ұйымдасқан түрде аяқталады. Шартты түлде « қорытынды бөлім» деп аталады. Сабақты бөлімдерге бөлу салыстырмалы түрде болады. Әрбір бөлім жаттығулары бір – бірімен тығыз байланыста орындалуы керек. Сабақтың мазмұны мен орындалатын жаттығулар бір – бірімен тығыз қарым – қатнаста болуы шарт. Бастауыш сыныптар үшін типтік сабақ жоспары құрылады. Типтік сабақ жоспары Кіріспе бөлім - 5 -10минут. Міндеті: Оқушыларды ұйымдастыру, өтілетін тапсырмамен таныстыру, түсіндіру. Оқушыларға орындайтын жаттығулар мен денеге түсетін салмақ жөнінде түсіндіріп, психикалық тұрғыда даярлау. Мазмұны: сапқа тұру түрі, гимнастикалық орын ауыстыру, дене, қол, аяқ қозғалысымен жүру, жүгіру, секіру жан – жақты дамыту және би жаттығулары, ойындар. Негізгі бөлім 25 – 30минут. Міндеті: Сабақтың басты тапсырмасын орындау жаңа сабақты түсіндіру, білімдерін толықтыру мақсатында өткен сабақты қайталау. Оқушылардың қимыл- қозғалысын, іскерліктерін, жылдамдықтарын, төзімділіктерін дамыту. Мазмұны: Жалпы дамыту жаттығулары, жүру, жүгіру, лақтыру, секіру, өрмелеу, асылу, акробаттық жаттығулары, жылдам қозғалыстарды, ойындарды орындау. Негізгі бөлімге бағдарлама бойынша кез келген материал енгізілуі мүмкін. Қорытынды бөлімі 3-5 минут. Міндеті: Сабақтың негізгі бөлімінде белсенді қызметке түскен ағзаның қосу қалпынан тежелу қалпына ауыстыру. Сабаққа қорытынды жасау, үйге тапсырма беру, ұйымдасқан түрде басқа іс- әрекетке ауысу, яғни ұйымшылдықпен спорт залдан сыныпқа немесе үйлеріне тарату. Мазмұны: Сапқа тұру, жүру, әнмен жүру, ырғақтың би жаттығулары, демалу жаттығулары, жай қимылды ойындар, мұғалімнің қорытынды сөзі, үйге тапсырма. жүктеу/скачать 0.68 Mb. Достарыңызбен бөлісу:
|