Дәріс тезистері
1. Өндіріс факторлары - бұл өндіріс процесіне ресурстардың алуан түрлерін шынайы түрде біріктіруді білдіреді.
Өндірісті жүзеге асыру үшін әртүрлі ресурстар қолданылады. Сол ресурстар өндірістік үрдіске тартыла отырып өндіріс факторлары формасына ие болады. Ресурстар бір-бірімен өзара байланысты, олардың комбинациясы жағдайында ғана факторларға айналады, сондықтан да өндіріс — алуан түрлі факторлардың өзара байланысты әрекеттерінің бірлігі болады.
Өндіріс факторлары:
1) еңбек өндіріске тартылатын жұмыс күшінің жиынтығы ретінде; Еңбек - бұл материалдық және рухани игіліктер мен қызметтерді жасау туралы адамдардың бір мақсаттағы қызметтері. Еңбек – адамның ақыл- ойы және дене қызметтері. Тұтыну құнын жасайтын еңбек нақты еңбек деп аталады. Адамның жұмыс күші шығындарынан тәуелсіз еңбек абстрактылы еңбек деп аталады. Оған мысалы, адамның еңбек ету кезіндегі жұмсаған энергиясы, ойлауы жатады. Еңбек рыногы осы еңбек заттары мен еңбек кұралдарын қолдана алатын адамдардың білімі мен біліктілігі арқылы сипатталады.
Еңбек заты - өндірістік процесте адам ықпалына ұшырайтын, адам еңбегі бағытталатын объектілер, ол өз кезегінде соңғы өнім болып табылады.
Достарыңызбен бөлісу: |
