Жалпы отырысы
жүктеу/скачать 0.68 Mb. Pdf көрінісі
|
| МӘЖІЛІС ОТЫРЫСЫ 2023 жылғы 6 қыркүйек
Стенографиялық есеп 25 Кеше ғана Президент Жолдау жасады. Жолдауды ауыл тұрғындары, өзіміз де қуана қарсы алдық, себебі өндірген өнімді алаңдамай сатамын деген үміт пайда болды. Президент осы тапсырма нақты «Азық-түлік келісімшарт корпорациясы» арқылы іске ассын деп нақты тапсырма берді. Ендеше осы тапсырманы қалай орындайсыздар? «Азық-түлік келісімшарт корпорациясының» сатып алу өнімдерінің номенклатурасы кеңейе ме? Мал өнімдерінің сатылу жағдайы қалай болады? Президентіміз осындай тапсырма берген уақытта ол орындалмаса, бұндай Үкіметтен не күтуге болады? Міне, осы іспеттес біздің бірқатар сұрақтарымыз бар. Егер оны орындай алмайтын болсаңыздар, ұсыныстарымызды да бердік. Жауаптарыңызды күтеміз, ол көңіл көншітерлік болады деген сенімдеміз. Құрметпен «Ауыл» партиясы». ТӨРАҒА. Сөз депутат Тұрғанов Дүйсенбай Нұрбайұлына беріледі. ТҰРҒАНОВ Д.Н. Рақмет, құрметті Төраға. Менің депутаттық сауалым Премьер-Министрдің орынбасары Дүйсеноваға жолданады. «Құрметті Тамара Босымбекқызы! Елдің адами әлеуетін дамыту – Қазақстанның ең маңызды ресурсы, ал болашақтың энергиясы – бүгінгі күннің балалары. Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты Қазақстан халқына Жолдауында адал азамат және тұғырлы тұлға болудың негізі бала кезден қалыптасады деп атап өтті. Қазіргі таңда Қазақстанда 260-қа жуық түрлі мұражайлар мен ғылыми орталықтар бар. Сонымен бірге жұмыс істеп тұрған мұражайлар мен орталықтардың құрамында балаларға арналған бірде-бір ғылыми- техникалық мұражай жоқ. Ал ерте жаста балалар әртүрлі табиғат құбылыстарын түсіндіруді қамтитын сан алуан сұрақтарға жауап алуы, сондай-ақ жаратылыстану ғылымдары бойынша қосымша білімдерді ыңғайлы уақытта қарапайым және қызықты түрде алуы қажет. Балаларға арналған ғылыми орталық құру бұл мәселені шешуге ықпал етеді. Ғылыми орталық 2 мен 16 жас аралығындағы балаларға арналып және оның құрамына инженерия, робототехника, инновация және тағы басқа зертханалар кіруі мүмкін. Орталықтың ашылуы жалпы жұртшылық арасында ғылыми-техникалық сауаттылықты арттыруға, балалардың ғылыми-техникалық білімге деген қызығушылығын оятады. Бұл орталық елдегі адами капиталды дамытуда мультипликативтік нәтиже жасай отырып, дарындылардың ертерек ашылуына, сонымен қатар халықаралық деңгейдегі олимпиадаларда жүлделі орындарды алуға ықпал етеді. Мұндай орталықтар барлық дамыған елдерде бар. Егер осындай орталық Қазақстанда ашылатын болса, бұл посткеңестік мемлекеттер арасындағы алғашқы болмақ. Жоғарыда аталған орталықтардың барлығын «STEAM» бағдарламасына бағытталған білім берудің ортақ бағытын біріктіреді. Балаларға арналған ғылым орталығы «STEAM» біліміне ерекше көңіл бөледі деп жоспарлануда. МӘЖІЛІС ОТЫРЫСЫ 2023 жылғы 6 қыркүйек 26 Стенографиялық есеп Балаларға арналған мұндай ғылыми орталықтар коммерциялық бағытта емес, мемлекет пен демеушілер тарапынан қолдау табу керек. Мемлекет басшысы жер қойнауын пайдаланушыларға ғылым мен техниканы дамытуға кірістің 1 пайызын аудару туралы заңнама талаптарын сақтау қажеттігін айтты. Бұл қаражатты пайдалану ұсынылып отырған бастаманы қаржыландыру көздерінің бірі ретінде қарастыруға болады. Балалар орталығының орналасатын жері ретінде «Экспо» аумағындағы «Нұр- Әлем» павильон-музейін қарастыруға болады. Ол қазіргі кезеңде құрылған «Alem» инновациялық мектебінен, «Astana IT University», «Назарбаев Университеті», «Astana Hub», Жасыл технологиялар орталығы және тағы басқалардан тұратын экожүйеге қосымша болады. Сонымен қатар ғылыми орталық Алматыдағы «Атакент» аумағында орналасуы да мүмкін. Жоғарыда айтылғандарға байланысты болашақ балаларға арналған ғылыми орталықтың қаржыландыру көзін және орналасатын жерін анықтау мәселесін пысықтауды сұраймын. Құрметпен «AMANAT» партиясы фракциясының мүшесі депутат Д. Тұрғанов». Рақмет. ТӨРАҒА. Сөз депутат Мұқаев Дәулет Төлеутайұлына беріледі. МҰҚАЕВ Д.Т. Рақмет, Ерлан Жақанұлы. Менің депутаттық сауалым Қазақстан Республикасы Премьер-Министрінің бірінші орынбасары Роман Васильевичке арналады. Бүгінгі сауалым жыры басылмаған жастарға берілген жалдамалы пәтер жайлы болмақ. «2019 жылы – Жастар жылында жастар қуана қабыл алған жұмысшы жастарға берілген жалдамалы пәтерлер бүгінде жастардың басты мәселесіне айналып отыр. 2019 жылдан бері Астана, Алматы, Шымкент қалаларында жалдамалы пәтерге орныққан жастардың саны 10 мыңға жуықтады. Бұл аудан халқымен парапар екенін ескерсек, назар аударарлық мәселе болып отыр. Иә, бұл жастарға өз баспанасын алуға қаржы жинау мақсатында берілген үлкен мүмкіндік еді. Әйтсе де бұл бағдарламаны қабылдағанда өзге де факторларды ескеруді назардан тыс қалдырған сыңайлы. 2019 жылы жалдамалы пәтер алған жастардың баспананы босатуына да бір жылдан аз уақыт қалды. Бүгінде мегаполистердегі жастардың далада қалу қаупі жоғары. 2019 жылы баспана алған жастар әлемдік пандемиямен қатар келіп, 42 мың 500 теңгеге қарап қалғанын ескерсек, ақша жинау мүмкіндігі болмады. Бағдарлама ең алғашында бес жылға берілсе, кейінгі жылдары үш жылға тағы қысқарды. Бүгінгі таңда елімізде инфляция деңгейі де шарықтап, үй бағасы жылдан-жылға өсті. Шындыққа тура қарасақ, баспанаға қаржы жинаудан, қымбатшылық қыспаққа алып, күнкөріс мәселелері алдыңғы орынға шықты. Бұл біріншіден. |