«Жануарлар өсіруді, жануарларды, жануарлардан алынатын өнімдер мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын

Қазақстан Республикасы

Үкіметінің

2012 жылғы

« »________

№ қаулысына

9-қосымша

Қазақстан Республикасы

Үкiметiнiң

2012 жылғы 31 тамыздағы

№ 1108 қаулысымен

бекiтiлген

1. Мемлекеттік қызмет стандартының атауы: «Ветеринария саласындағы қызметпен айналысуға лицензияны беру, қайта ресімдеу, лицензияның телнұсқасын беру».

2. Әзірлеуші мемлекеттік орган: Қазақстан Республикасының Ауыл шаруашылық министрлігі.

3. Мемлекеттік қызмет:

‒ Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті (бұдан әрі – Комитет) ветеринариялық мақсаттағы препараттарды өндіруге лицензия беруді;

‒ облыстың (республикалық маңызы бр қаланың, астананың) жергілікті атқарушы органдары (бұдан әрі – жергілікті атқарушы органдар) жануарлардан алынатын өнімдер мен шикізатқа ветеринариялық-санитариялық сараптама жүргізуге лицензия беруді;

‒ www.e.gov.kz «электронды үкімет» веб-порталы арқылы немесе www.elicеnse.kz «Е–лицензиялау» веб-порталы (бұдан әрі – портал) арқылы көрсетіледі.
2. Мемлекеттік қызметті көрсету тәртібі
4. Мемлекеттік қызмет мынадай мерзімде көрсетіледі:

1) мемлекеттік қызмет алушы Комитетке немесе жергілікті атқарушы органға не порталға өтінген сәттен бастап мемлекеттік қызметті көрсету мерзімі:

лицензияны беру үшін – он жұмыс күнінен кеш емес;

лицензияны қайта ресімдеу үшін – жеті жұмыс күні ішінде;

лицензияның телнұсқасын беру үшін – екі жұмыс күні ішінде;

2) қажетті құжаттарды тапсыру кезінде кезекте күтудің жол берілетін ең ұзақ уақыты отыз минуттан аспауы керек;

3) мемлекеттік қызмет нәтижесін алу кезіндегі кезекте күтудің жол берілетін ең ұзақ уақыты отыз минуттан аспауы керек;

4) мемлекеттік қызмет алушы осы стандарттың 9-тармағында айқындалған қажетті құжаттарды тапсырған сәттен бастап лицензияны беру үшін ұсынылған құжаттардың толықтығын тексеру мерзімі – екі жұмыс күні ішінде көрсетіледі.

Егер белгіленген мерзімдерде лицензия және (немесе) лицензияға қосымша не лицензияны және (немесе) лицензияға қосымшаны беруден дәлелді бас тарту берілмеген жағдайда, оларды беру мерзімі аяқталған күннен бастап лицензия және (немесе) лицензияға қосымша берілген деп есептеледі.

5. Көрсетілетін мемлекеттік қызметтің нысаны: электрондық және қағаз.

6. Көрсетілетін мемлекеттік қызмет нәтижесі ветеринария саласындағы қызметпен айналысуға лицензияны (бұдан әрі – лицензия) Комитеттің немесе жергілікті атқарушы органның уәкілетті тұлғасының ЭЦҚ қойылған электрондық құжат нысанында (www.elicinse.kz порталында) беру, қайта ресімдеу, лицензияның телнұсқасын беру не мемлекеттік қызметті көрсетілуден бас тарту туралы дәлелді жауап болып табылады;

Қағаз тасығышта лицензияны алу үшін Комитетке немесе ЖАО-ға тұтынушы өтініш білдірген жағдайда лицензия электрондық форматта рәсімделеді, Комитет немесе ЖАО-ның басқарушысымен қол қойылады және мөрмен куәландырылып шығарылады.

Егер осы қаулыда бекітілген мерзімде лицензия берілмеген және бас тарту туралы дәлелді жауап ұсынылмаған жағдайда, лицензия мерзім күнімен берілді деп есептелінеді және Комитеттің не ЖАО-ның лауазымды тұлғасы жұмыс күн ішінде лицензия береді.

7. Мемлекеттік қызмет ақылы түрде көрсетіледі.

Мемлекеттік қызметті көрсету (лицензияны беру, қайта ресімдеу, лицензияның телнұсқасын беру) үшін мемлекеттік қызмет алушы жеке қызмет түрлерімен айналысы құқығы үшін бюджетке 6 айлық есептік көрсеткіш мөлшеріндегі лицензиялық жарнаны қолма қол ақшалай немесе қолма-қол ақшасыз тәсілмен төлейді.

Портал арқылы лицензияны алуға электронды сұрау салу берілген жағдайда төлем «электрондық үкіметтің» төлем шлюзі арқылы жүзеге асырылуы мүмкін.

8.Жұмыс және мемлекеттік қызметті көрсету жұмыс кестесі:

1) Комитетте – жұмыс күндері сағат 13.00-ден 14.00-ға дейінгі түскі үзіліспен сағат 9.00-ден 18.30-ға дейін, демалыс күндері: сенбі, жексенбі және мереке күндері. Қабылдау алдын ала жазылусыз және жеделдетілген қызмет көрсетусіз кезек тәртібімен жүзеге асырылады.

2) жергілікті атқарушы органдарда – жұмыс күндері сағат 13.00-ден 14.00-ге дейінгі түскі үзіліспен сағат 9.00-ден 18.00-ге дейін, демалыс күндері: сенбі, жексенбі және мереке күндері. Қабылдау алдын ала жазылусыз және жеделдетілген қызмет көрсетусіз кезек тәртібімен жү еге асырылады.

3) порталда – тәулік бойы.

9. Мемлекеттік қызметті алу үшін тұтынушы мынадай құжаттарды ұсынады:

Комитет немесе ЖАО-да:

1) лицензияны беру үшін:

1-1) осы стандартқа 2-қосымшаға сәйкес белгіленген үлгідегі өтініш (бұдан әрі – Өтініш);

1-2) тұтынушының жеке басын куәландыратын құжат - жеке тұлға үшін;

1-3) тұтынушы өкілдің үндеуі кезінде – өкілдікке өкілдігін куәландыратын құжат және уәкілетті өкілдің жеке басын куәл андыратын құжат;

1-4) заңды тұлғаның мемлекеттік тіркеу туралы куәлік* немесе анықтама – заңды тұлға үшін;

1-5) жеке кәсіпкердің мемлекеттік тіркеу туралы куәлік – жеке кәсіпкер үшін;

1-6) салық органында есепке қою туралы куәлік (салыстырып тексеру үшін түпнұсқасы ұсынылмаған жағдайда нотариалды куәландырылған);

1-7) жеке қызмет түрлерімен айналысу құқығы үшін лицензиялық жарнаның бюджетке төленгенін растайтын құжаттың (салыстырып тексеру үшін түпнұсқасы ұсынылмаған жағдайда нотариалды куәландырылған) көшірмесі.

Осы стандартқа 2-қосымшада көрсетілген біліктілік талаптарына сәйкес құжаттар мен мәліметтер;

Уәкілетті лауазымды тұлғаның ЭСҚ куәландыратын электрондық құжат формасында Портал арқылы сәйкес келетін мемлекеттік ақпараттық жүйеден олардағы ақпарттарды алу мүмкіндігі кезінде жеке басын куәландыратын құжат, заңды тұлғаның мемлекеттік тіркеу туралы куәлік, салық органында есепке қою туралы куәлік, жеке кәсіпкердің мемлекеттік тіркеу туралы куәлік қажет емес.

2) лицензияға қосымшаны алу үшін:

2-1) өтініш;

3) лицензияны және (немесе) лицензияға қосымшаны қайта ресімдеу үшін:

3-1) өтініш;

3-2) жеке қызмет түрлерімен айналысу құқығы үшін лицензиялық жарнаның бюджетке төленгенін растайтын құжаттың көшірмесі;

4) лицензияның және (немесе) лицензияға қосымшаның телнұсқасын алу үшін:

4-1) өтініш;

4-2) жеке қызмет түрлерімен айналысу құқығы үшін лицензиялық жарнаның бюджетке төленгенін растайтын құжаттың көшірмесі;

Құжаттарды қабылдау кезінде Комитеттің немесе ЖАО-ның жұмысшысы көшірмемен түпнұсқаның түпнұсқалылығын немесе тұтынушыға түпнұсқаны қайтарғаннан кейін электрондық түрде жаңғыртылған құжаттармен салыстырып қарайды.

Порталда:

1) лицензияны алу үшін:

1-1) тұтынушының ЭСҚ куәландыратын электрондық құжаттар формасында өтініш;

1-2) тұтынушының жеке басын куәландыратын құжат - жеке тұлға үшін;

1-3) жеке кәсіпкердің мемлекеттік тіркеу туралы куәлік – жеке кәсіпкер үшін;

1-4) заңды тұлғаның мемлекеттік тіркеу туралы куәлік– заңды тұлға үшін;

1-5) салық органында есепке қою туралы куәлік;

1-6) лицензиялық жарнаның бюджетіне ЭҮТШ арқылы төлеу туралы ақпарат.

Осы Стандартқа 2-қосымшада көрсетілген біліктілік талаптарға сәйкес құжаттар мен мәліметтер;

Уәкілетті лауазымды тұлғаның ЭСҚ куәландыратын электрондық құжат формасында Портал арқылы мемлекеттік ақпараттық жүйеде құралатын жеке басын куәландыратын, заңды тұлғаның мемлекеттік тіркеу туралы куәлік, жеке кәсіпкердің мемлекеттік тіркеу туралы куәлік, салық органында есепке қою туралы куәлік, лицензиялық жарнаның бюджетіне ЭҮТШ арқылы төлеу туралы ақпарат құжаттық мәліметтерін Комитет немесе ЖАО алады.

2) лицензияға қосымшаны алу үшін:

2-1) тұтынушының ЭСҚ куәландыратын электрондық құжаттар формасында өтініш;

Осы Стандартқа 2-қосымшада көрсетілген біліктілік талаптарға сәйкес құжаттар мен мәліметтер.

Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін қолданыста болады.

10. Лицензиар өтініш берушінің (лицензиаттың) құжаттарын алған сәттен бастап екі жұмыс күні ішінде ұсынылған құжаттардың толықтығын тексеруге міндетті. Ұсынылған құжаттардың толық емес фактілері анықталған жағдайда лицензиар аталған мерзімде өтінішті одан әрі қараудан жазбаша дәлелді түрде бас тартады.

Мемлекеттік қызмет көрсетуден бас тарту үшін:

1) қызмет түрімен айналысуға осы субъектілер санаты үшін Қазақстан Республикасының заңдарымен тыйым салынуы;

2) қызмет түріне лицензия беруге өтініш берілген жағдайда жеке қызмет түрімен айналысу құқығы үшін лицензиялық жарнаның төленбеуі;

3) мемлекеттік қызмет алушының біліктілік талаптарына сәйкес болмауы;

4) мемлекеттік қызмет алушыға лицензияны беру тиісті мемлекеттік органмен келісілмеуі;

5) мемлекеттік қызмет алушыға қатысты оған жеке қызмет түрлерімен айналысуға тыйым салатын заңды күшіне енген сот үкімінің болуы;

6) сот орындаушысы ұсынымының негізінде соттың мемлекеттік қызмет алушыға лицензия алуға тыйым салуы;

7) сұралатын электрондық ақпараттық ресурсқа қатысты қол жетімділікке шектеу қойылады және сұранысты жіберген тұлға сұралатын электрондық ақпараттық ресурсқа қолжетімділік құқығына ие болмауы;

8) сұралатын электрондық ақпараттық ресурсқа ие еместігі және оған оның кімнің иелігінде екендігінің белгісіздігі;

9) сұраныстың мәнін нақтылаған кезде, сұрап отырған тұлғаның тап қандай электрондық ақпараттық ресурсты беру туралы қолдау көрсетіп отырғанын анықтау мүмкін болмауы;

10) шығындар төлемі Қазақстан Республикасының заңнамасында немесе шартта көзделмеген жағдайда, электрондық ақпараттық ресурсты сұрап отырған тұлға сұранысты орындау шығынын төлемеуі негіз болып табылады.

Мемлекеттік қызметті тұтынушы мемлекеттік қызметті көрсетуден бас тарту туралы дәлелді жауапты Аумақтық инспекциядан немесе электрондық құжат нысанында «порталдағы жеке кабинеттен» алады.