- Медицина өз дамуында көптеген қателіктер мен адасуларға, жетістіктер мен түңілістерге толы күрделі жол кешкен көне ғылым. Әр дәуір өз білім дең гейінің дамуына сай сан алуан ауруларға көрсетілер дәрігерлік нақты ұсыныстар қалдырып отырған. Көне египет папирусының өзінен-ақ, Рамзес II табытынан әртүрлі ауруларды оның ішінде құлақты емдеу жолдарын табуға болады. Онда «құлақ ауырлығын кетіруге арналған емдік зат» деген рецепт бар. Көмей, мұрын қуысы және құлақ аурулары жайында гиппократ біршама нақтылау мәлімет берген. Ол дабыл жарғағының болатындығын бірінші біліп, оны «өрмекші торындай өте нәзік қабықша» деп сипаттаған. Ол құлақ ауруы кезінде есту жолдарына өсімдік майын тамызу керек деген кеңес береді. Ортаңғы құлақ қабығында ыстық суға, тағы басқаларға шылап алған жұмсақ мақта, дәке, шүберекспен құлақты орап қыздырма (компресс) жасауды да ұсынған. Цельс көз ауруынан гөрі, құлақ ауруы анағұрлым қауіптірек, өйткені ол аурудан адам жиірек өледі деген. Оның еңбектерінде сонымен қатар, есту жолдарындағы бөгде заттарды жуу, бүрку (спринцевание) арқылы немесе арнайы ілмекпен алу сияқты ұсыныстар айтылған.
Пайдаланылған әдебиеттер: - 1.Құлақ, мұрын, тамақ аурулары. Оспанова С.А., Искендирова О.Ж., Калдыгозова Г.Е., Ким Н.П. Шымкент.2007 ж.
- 2. Оториноларингологиядан қысқаша оқу құралы. Төлебаев Р.К., Ерсаханова Б.К., Жусупов Б.З. Астана 2014 ж.
- 3.https://diseases.medelement.com/disease/%D1%81%D1%8B%D1%80%D1%82%D2%9B%D1%8B-%D0%BE%D1%82%D0%B8%D1%82/13152
4. https://www.topdoc.me/almaty/diseases/otit-kazaksha-kylaktyn-kabynuy/
Достарыңызбен бөлісу: |
