КЕСТЕ-4.Телеарналардағы экология тақырыбындағы бағдарламалар көрсеткішіне талдау (2017 жыл)

Кестеде ұсынылғандай бірнеше телеарналардағы («Qazagstan» Ұлттық арнасы, «Хабар» арнасы, Евразия 1-арнасы) экология тақырыбындағы бағдарламалар көрсеткішіне контент талдау (2017 жыл) жасау арқылы негізгі экологиялық мәселелер жаңалықтарда жиі берілетіндігі, ал арнайы экологиялық түйіткілді мәселелер «Мәселе», «Басты тақырып», «Айтуға оңай», «Елден хабар» («Qazagstan» Ұлттық арнасы), «По сути», «Негізінде» («Хабар» арнасы), «Светлая полоса», «Правда», «Апта», «Басты патруль», «Кешкі кездесу» (Евразия 1-арнасы) бағдарламаларында қозғалатындығын бағамдадық.

Сандық көрсеткіштер бойынша:

Телеарналарда экологиялық мәселелерге қатысты 2017 жылы 2614 республикалық, 6858 аймақтық бағдарламалар, ал 2018 жылдың шілде айына дейінгі мәліметтерде 1497 республикалық, 3477аймақтық экологиялық мәселелерге қатысты бағдарламалар жарық көрген.

Жұмысты жазу барысында «Qazagstan» Ұлттық телеарнасындағы 2017 жылы берілген экология тақырыбындағы бағдарламалардың мазмұндық топтамасына назар аудардық. Онда көрерменнің көкейінде жүрген көптеген сұрақтардың жауабын боямасыз, дәлелді сюжеттермен табуға тырысатын, халықты не алаңдатса, сол мәселе деру, терең танымдық тұрғыда талданатын, халықтың қордаланған мәселесін эфир барысында шешіп беруге тырысатын, түйткілді тақырыптардың шешімін оңтайлы табудың жолдарын нұсқайтын, әлеуметтік-сараптамалық жанрға жататын, ұзақтығы 30 минут көлемін қамтитын «Мәселе» бағдарламасында ұсынылған экология тақырыбындағы мәселелер қатары төмендегідей:

– Ағаш пен аң жоғалса жердегі тіршілік тоқтайды.

– Браконьерлер енді қанша жылға сотталады?

– Қара суды үнемдеп пайдаланудың арнайы тәртібі жасалды.

– Табиғатты таза ұстау үшін өзге елдер қандай әдіс-тәсіл қолданады?

– Көшенің ортасына қоқыс лақтырғанадамды көрсеңіз не істейсіз?

Сонымен қатар аталған телеарналарда2016, 2017 жылдары берілген экология тақырыбындағы журналистік зерттеулер де кездеседі.

– Қорғалжын қорығы. Журналистік зерттеу, 2016 жыл.

– Су қоймалары. Журналистік зерттеу, 2017 жыл.

– Аралға араша. Журналистік зерттеу, 2017 жыл.