«Кеден одағына мүше мемлекеттердің аумағынан Қазақстан Республикасының аумағына импорттауға жатқызылатын тауарларды жеңіл, тау-кен металлургия, химия, фармацевтика, ағаш өңдеу өнеркәсібі салаларындағы өнеркәсіптік өңдеуге арналған



Дата03.07.2016
өлшемі92.27 Kb.


Қазақстан Республикасы

Инвестициялар және даму

министрінің

2015 жылғы «___» __________

№ ____ бұйрығымен бекітілген

«Кеден одағына мүше мемлекеттердің аумағынан Қазақстан Республикасының аумағына импорттауға жатқызылатын тауарларды жеңіл, тау-кен металлургия, химия, фармацевтика, ағаш өңдеу өнеркәсібі салаларындағы өнеркәсіптік өңдеуге арналған, сондай-ақ машина жасау және құрылыс индустриясы тауарларын растау туралы қорытынды беру» мемлекеттік көрсетілетін қызмет стандарты


1. Жалпы ережелер


1. «Кеден одағына мүше мемлекеттердің аумағынан Қазақстан Республикасының аумағына импорттауға жатқызылатын тауарларды жеңіл, тау-кен металлургия, химия, фармацевтика, ағаш өңдеу өнеркәсібі салаларындағы өнеркәсіптік өңдеуге арналған, сондай-ақ машина жасау және құрылыс индустриясы тауарларын растау туралы қорытынды беру» мемлекеттік көрсетілетін қызметі (бұдан әрі – мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Инвестициялар және даму министрлігі


(бұдан әрі – Министрлік) әзірлеген.

3. Мемлекеттік қызметті Министрліктің Индустриялық даму және өнеркәсіптік қауіпсіздік комитеті (бұдан әрі – көрсетілетін қызметті беруші) көрсетеді.

Құжаттарды қабылдау және мемлекеттік көрсетілетін қызметтің нәтижелерін беру:

1) көрсетілетін қызметті берушінің кеңсесі;

2) www.еgov.kz, www.elicense.kz «электрондық үкімет» веб-порталы (бұдан әрі – портал) арқылы жүзеге асырылады.


2. Мемлекеттік қызметті көрсету тәртібі


4. Мемлекеттік қызметті көрсету мерзімі:

1) құжаттардың топтамасы тапсырылған күннен бастап, сондай-ақ порталға өтініш берілген кезде – күнтізбелік 15 (он бес) күн;

2) құжаттардың топтамасын тапсыру үшін күтудің рұқсат берілген ең ұзақ уақыты – 20 (жиырма) минут;

3) қызмет көрсетудің рұқсат берілген ең ұзақ уақыты – 15 (он бес) минут.

5. Мемлекеттік қызмет көрсету нысаны: электрондық және (немесе) қағаз түрінде.

6. Мемлекеттік көрсетілетін қызметтің нәтижесі – Кеден одағына мүше мемлекеттердің аумағынан Қазақстан Республикасының аумағына импортталатын тауарларды өнеркәсіптің жеңіл, тау-кен металлургиясы, химия, фармацевтика, ағаш өңдеу салаларындағы өнеркәсіптік өңдеуге арналған, сондай-ақ машина жасау және құрылыс индустриясы тауарларына жатқызуды растау туралы қорытынды (бұдан әрі – қорытынды).

Мемлекеттік қызмет көрсету нәтижесін беру нысаны: электрондық.

Қорытындыны қағаз тасығышта алуға жүгінген жағдайда, мемлекеттік қызмет көрсету нәтижесі электрондық форматта ресімделеді, басып шығарылады және көрсетілетін қызметті берушінің уәкілетті тұлғасының қолымен расталады.

7. Мемлекеттік қызмет жеке және заңды тұлғаларға (бұдан әрі – көрсетілетін қызметті алушы) тегін көрсетіледі.

8. Жұмыс кестесі:

1) көрсетілетін қызметті беруші – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін.

Өтініштерді қабылдау және мемлекеттік қызмет көрсету нәтижелерін беру сағат 13.00-ден 14.30-ға дейінгі түскі асқа үзіліспен сағат 9.00-ден 17.30-ға дейін жүзеге асырылады.

Мемлекеттік көрсетілетін қызмет алдын ала жазылусыз және жеделдетіп қызмет көрсетусіз кезек тәртібімен көрсетіледі.

2) портал – тәулік бойы, жөндеу жұмыстарын жүргізуге байланысты техникалық үзілістерді қоспағанда (Қазақстан Республикасының еңбек заңнамасына сәйкес демалыс және мереке күндері, жұмыс уақыты аяқталғаннан кейін көрсетілетін қызметті алушы жүгінген кезде, өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады).

9. Мемлекеттік қызмет көрсету үшін қажетті құжаттардың тізбесі:

1) көрсетілетін қызметті берушіге:

осы мемлекеттік көрсетілетін қызмет стандартына қосымшаға сәйкес нысан бойынша қорытынды беру туралы өтiнiш;

мәмiле жасалғандығын растайтын құжаттың, оған қосымшалардың және (немесе) толықтырулардың (келiсiмшарт, шарт) көшiрмесi (өтiнiш берушiнiң мөрiмен куәландырылған);

тауарлардың және Кеден одағы сыртқы экономикалық қызметінің Тауар номенклатурасына (бұдан әрі – КО СЭҚ ТН) сәйкес он белгі деңгейіндегі олардың өнеркәсіптік өңделген өнiмдерiнiң атауын және жіктелуін растайтын құжаттың көшiрмесi (өтiнiм берушiнiң мөрiмен куәландырылған);

тауарларды өнеркәсіптік өңдеу жөнiндегi операцияларды (технологиялық процеске негiзделген), оларды жасау тәсiлдерiн, тауарларды сәйкестендiру тәсiлдерiн, сондай-ақ тауарларды өңдеу бойынша мерзiмдерді қоса алғанда, өнеркәсіптік өңдеу өнiмдерiнің шығу нормаларын есептеу кестесi;

салық төлеуші ретінде салық органына тіркеу есебіне қою туралы куәліктің көшірмесі;

өтініш беруші әрекетсіз салық төлеуші деп танылмағаны туралы салық органының растауы;

2) порталға:

осы стандартқа қосымшаға сәйкес нысан бойынша қорытынды беру туралы өтініш көрсетілетін қызметті алушының электрондық цифрлық қолтаңбасымен (бұдан әрі – ЭЦҚ) куәландырылған электрондық құжат нысанында;

мәмiле жасалғандығын растайтын құжаттың, оған қосымшалардың және (немесе) толықтырулардың (келiсiмшарт, шарт) электрондық көшiрмесi, өтiнiш берушiнiң мөрiмен куәландырылған;

тауарлардың және КО СЭҚ ТН-ға сәйкес он белгі деңгейіндегі олардың өнеркәсіптік өңделген өнiмдерiнiң атауын және жіктелуін растайтын құжаттың электрондық көшiрмесi (өтiнiм берушiнiң мөрiмен куәландырылған);

тауарларды өнеркәсіптік өңдеу жөнiндегi операцияларды (технологиялық процеске негiзделген), оларды жасау тәсiлдерiн, тауарларды сәйкестендiру тәсiлдерiн, сондай-ақ тауарларды өңдеу бойынша мерзiмдерді қоса алғанда, өнеркәсіптік өңдеу өнiмдерiнің шығу нормаларын есептеу кестесiнің электрондық көшірмесі.

Көрсетілетін қызметті беруші жеке басын куәландыратын құжаттар, заңды тұлғаны, дара кәсіпкерді мемлекеттік тіркеу (қайта тіркеу) туралы мәліметтерді «электрондық үкіметі» шлюзі арқылы тиісті мемлекеттік ақпараттық жүйелерден алады.

Егер Қазақстан Республикасы заңдарымен өзгеше көзделмесе, көрсетілетін қызметті беруші мемлекеттік қызметтерді көрсеткен кезде ақпараттық жүйелердегі, заңмен қорғалатын құпияны құрайтын мәліметтерді пайдалануға көрсетілетін қызметті алушының келісімін алады.

Көрсетілетін қызметті алушы барлық қажетті құжаттарды тапсырған кезде:

1) көрсетілетін қызметті берушіге (қолма-қол не пошта арқылы) – көшірмесінде құжаттардың топтамасын қабылдау уақыты мен күнін көрсете отырып, көрсетілетін қызметті берушінің кеңсесінде тіркеу туралы белгі қағаз тасығыштағы өтініштің қабылданғанын растау болып табылады;

2) портал арқылы – көрсетілетін қызметті алушының «жеке кабинетінде» мемлекеттік көрсетілетін қызмет нәтижесін алатын күнді көрсете отырып, мемлекеттік қызмет көрсету үшін сұрау салудың қабылдануы туралы мәртебе көрсетіледі.




3. Мемлекеттік қызмет көрсету мәселелері бойынша орталық
мемлекеттік органның, көрсетілетін қызметті берушінің және
(немесе) олардың лауазымды тұлғаларының шешімдеріне, әрекеттеріне (әрекетсіздігіне) шағымдану тәртібі


10. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды тұлғаларының шешімдеріне, әрекеттеріне (әрекетсіздігіне) шағымдану: шағым Қазақстан Республикасы, 010000, Астана қаласы, Қабанбай батыр даңғылы, 32/1, «Транспорт Тауэр» ғимараты, № 1711 кабинеті мекенжайы, 8 (7172) 75 48 62, 75 48 60 телефоны бойынша көрсетілетін қызметті беруші басшысының атына не Қазақстан Республикасы, 010000, Астана қаласы, Қабанбай батыр даңғылы, 32/1, «Транспорт Тауэр» ғимараты, № 1012 кабинеті мекенжайы, 8 (7172) 75 43 22, 45 43 23 телефоны бойынша Министрлік басшысының атына беріледі.

Шағым жазбаша нысанда пошта арқылы не көрсетілетін қызметті берушінің немесе Министрліктің кеңсесі арқылы қолма-қол беріледі.

Шағымды қабылдаған адамның тегі мен аты-жөні, берілген шағымға жауапты алу орны мен мерзімі көрсетіле отырып, көрсетілетін қызметті берушінің немесе Министрліктің кеңсесінде оның тіркелуі (мөртабан, кіріс нөмірі мен күні) шағымның қабылданғанын растау болып табылады. Тіркелгеннен кейін шағым жауапты орындаушыны айқындау және қажетті шараларды қабылдау үшін көрсетілетін қызметті берушінің немесе Министрліктің басшысына жіберіледі.

Көрсетілетін қызметті берушінің немесе Министрліктің атына келіп түскен көрсетілетін қызметті алушының шағымы ол тіркелген күннен бастап бес жұмыс күні ішінде қаралуы тиіс. Шағымды қарау нәтижелері туралы дәлелді жауап көрсетілетін қызметті алушыға пошта арқылы жіберіледі не көрсетілетін қызметті берушінің немесе Министрліктің кеңсесінде қолма-қол беріледі.

Шағымдану тәртібі туралы ақпаратты бірыңғай байланыс орталығының 1414 телефоны бойынша алуға болады.

«Жеке кабинеттен» шағымды портал арқылы көрсетілетін қызметті алушыға жіберген кезде көрсетілетін қызметті беруші өңдеу (жеткізу, тіркеу, орындау туралы белгілер, шағымды қарау немесе қараудан бас тарту туралы жауап) барысында жаңарып тұратын жүгіну туралы ақпарат қолжетімді болады.

Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы мемлекеттік көрсетілетін қызмет сапасын бағалау және бақылау жөніндегі уәкілетті органға шағыммен жүгіне алады.

Көрсетілетін қызметті алушының мемлекеттік көрсетілетін қызмет сапасын бағалау және бақылау жөніндегі уәкілетті органның атына келіп түскен шағымы тіркелген күнінен бастап он бес жұмыс күні ішінде қаралуға тиіс.


11. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушының Қазақстан Республикасының заңнамасында белгіленген тәртіпте сотқа жүгінуге құқығы бар.

4. Мемлекеттік көрсетілетін қызметті, оның ішінде электрондық
нысанда көрсету ерекшеліктері ескеріле отырып қойылатын
өзге де талаптар


12. Мемлекеттік қызмет көрсету орнының мекенжайлары көрсетілетін қызметті берушінің www.mid.gov.kz интернет-ресурсында орналасқан, «Мемлекеттік көрсетілетін қызметтер» бөлімі.

13. Көрсетілетін қызметті алушының ЭЦҚ болған жағдайда, мемлекеттік көрсетілетін қызметті электрондық нысанда портал арқылы алуына мүмкіндігі бар.

14. Көрсетілетін қызметті алушының мемлекеттік қызметті көрсету тәртібі мен мәртебесі туралы ақпаратты порталдағы «жеке кабинеті» арқылы, сондай-ақ мемлекеттік қызмет көрсету мәселелері жөніндегі бірыңғай байланыс орталығы арқылы қашықтықтан қол жеткізу режимінде алуға мүмкіндігі бар.

15. Мемлекеттік қызмет көрсету мәселелері бойынша анықтама қызметінің байланыс телефондары: 8 (7172) 75 48 62, 75 48 60. Мемлекеттік қызмет көрсету мәселелері жөніндегі бірыңғай байланыс орталығы: 1414.

«Кеден одағына мүше мемлекеттердің

аумағынан Қазақстан Республикасының

аумағына импортталатын тауарларды

өнеркәсіптің жеңіл, тау-кен металлургиясы,

химия, фармацевтика, ағаш өңдеу

салаларындағы өнеркәсіптік

өңдеуге арналған, сондай-ақ машина

жасау және құрылыс индустриясы

тауарларына жатқызуды растау

туралы қорытынды беру»

мемлекеттік көрсетілетін қызмет

стандартына қосымша

Нысан
_________________________________________
(көрсетілетін қызметті берушінің толық атауы)
_____________________________________________
(мемлекеттік көрсетілетін қызметті көрсетілетін қызметті алушының толық атауы)
Мекенжайы ____________________________________
(индекс, қала, аудан, облыс, көше, үйдің №, телефон)
Көрсетілетін қызметті алушының деректемелері ___________________
(ЗТ/ЖК мемлекеттік тіркеу туралы куәлік №, Бизнес сәйкестендіруші нөмір, Жеке сәйкестендіру нөмір)


Импортталатын тауарларды өнеркәсiптiк өңдеуге арналған тауарларға жатқызуды растау туралы қорытынды беру туралы
өтініш


2001 жылғы 12 маусымдағы «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 249-бабына және Қазақстан Республикасы Үкіметінің 2010 жылғы 31 желтоқсандағы № 1518 қаулысымен бекітілген Кеден одағына мүше мемлекеттердiң аумағынан Қазақстан Республикасының аумағына импортталатын, өнеркәсiптiк қайта өңдеуге арналған тауарлардың тiзбесiн және көрсетiлген өнеркәсiптiк қайта өңдеу кезiнде алынған дайын өнiмнiң тiзбесiн, сондай-ақ осындай тауарларды импорттайтын Қазақстан Республикасы салық төлеушiлерiнiң тiзбесiн айқындау қағидаларына сәйкес қорытынды беруді сұраймыз.

Қағаз тасығышта ______ (егер қағаз тасығыштағы куәлік алу кажет болса, ондай жағдайда Х белгісін қою керек).

Ақпараттық жүйелердегі заңмен қорғалатын құпияны құрайтын мәліметтерді пайдалануға келісемін.

_____________ ______________________________________


(қызметті алушының қолы) (Т.А.Ә.А.)
Каталог: sites -> default -> files -> pages
pages -> Регламенті Негізгі ұғымдар Осы «Спорт құрылыстарына санаттар беру»
pages -> Оңтүстік Қазақстан облысының 2014 – 2018 жылдарға арналған әлеуметтік-экономикалық даму болжамы Кіріспе
pages -> 2. Мақсаттарға жету және іс-шараларды орындау
pages -> 2015 жылдың 9 айға су көлігі қызметіне талдау Теңіз көлігі
pages -> Бағдарламасы Бағдарламаның паспорты Атауы
pages -> Бәйдібек ауданының 2015-2017 жылдарға арналған Азаматтық бюджеті
pages -> Облыстың 2013-2014 жылдарға арналған әлеуметтік-экономикалық дамуының негізгі көрсеткіштері
pages -> «Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің қаулы жобасына анықтама-негіздеме
pages -> Қаулы жобасына ТҮсіндірме жазба
pages -> Қазақстан Республикасы Үкіметінің кейбір шешімдерінің күші жойылды деп тану туралы


Достарыңызбен бөлісу:


©dereksiz.org 2019
әкімшілігінің қараңыз

    Басты бет