Директорлар кеңесін қалыптастыру

3.1.3. Директорлар кеңесінің құрылымы және оның комитеттері

106. Аса маңызды мәселелерді қарау және Директорлар кеңесіне ұсынымдарды әзірлеу үшін тұрақты жұмыс істейтін, төмендегі мәселелерді қарайтын Қоғамның Директорлар кеңесінің Комитеттері құрылады.

1. 
   Ішкі аудиттің;
   
2. 
   Кадр және сыйақы;
   
3. 
   Стратегиялық жоспарлау;
   
4. 
   Әлеуметтік мәселелер;
   
5. 
   Қоғамның ішкі құжаттарымен қарастырылған басқа мәселелер.
   

107. Комитеттерді Директорлар кеңесі Директорлар кеңесінің мүшелерінен және нақты комитетте жұмыс істеу үшін қажетті кәсіби білімі бар сарапшылардан құрады. Комитеттер мүшелерінің өкілеттік мерзімдері Директорлар кеңесінің мүшелері ретіндегі олардың өкілеттік мерзімдеріне сәйкес келеді.

Басқарма төрағасы Директорлар кеңесі комитетінің төрағасы бола алмайды.

108. Қоғамның Директорлар кеңесінің шешім қабылдаудың сапалы деңгейін арттыру мақсатында Холдингтің жылдық бюджеті шеңберінде Директорлар кеңесі немесе оның комитеттері қарайтын мәселелер бойынша консультанттарды, оның ішінде халықаралық консультанттарды тарту үшін қаражат қарастырылуы мүмкін.

109. Қоғамның Директорлар кеңесінің комитеттерін қалыптастыру және олардың жұмыс жасау тәртібі, өкілеттіктері Қоғамның Директорлар кеңесі бекітетін Қоғамның ішкі құжаттарында айқындалады.

 

3.1.4. Директорлар кеңесінің қызметін ұйымдастыру

110. Директорлар кеңесінің қызметі ақылға қонымдылық, тиімділік, адалдық, ұждандылық, жауапкершілік және ұқыптылық қағидаттарына негізделеді.

111. Директорлар кеңесінің отырыстары оңтайлылық, тиімділік және тұрақтылық қағидаттарын ескере отырып, оның өкілеттік мерзімі басталғаннан бастап жыл сайын жасалатын жоспарға және кестеге сәйкес өткізіледі. Директорлар кеңесі жылына кемінде алты рет отырыс өткізуі тиіс.

112. Директорлар кеңесі қызметінің тәртібі Қоғамның ішкі құжатымен реттеледі.

113. Директорлар кеңесі өз отырыстарының егжейлі-тегжейлі хаттамаларын жүргізеді, онда тиісті түрде барлық мәселелердің талқылануы тіркеледі. Хаттамаға Директорлар кеңесінің төрағасы және Корпоративтік хатшы қол қояды. Корпоративтік хатшы қажет жағдайда, Директорлар кеңесінің отырыстарының стенограммасын жүргізуді ұйымдастырады. Корпоративтік хатшы директорлар кеңесінің барлық маңызды шешімдерді қабылдауын көрсететін стенограмманы сақтайды.

114. Директорлар кеңесінің отырыстарын өткізу дауыс берудің нақты нысанын таңдау негіздемесі бар іштей немесе сырттай дауыс беру нысандарында жүзеге асырылады, бұл ретте сырттай дауыс беру нысанымен өткізілетін отырыстың саны азайтылған болуы тиіс.

115. Айрықша жағдайларда директорлар кеңесі отырысының екі нысанын үйлестіруге болады. Бұл директорлардың біреуі немесе бірнешеуі (30 %-дан артық емес) директорлар кеңесінің отырысына қатысу мүмкіндігі болмаған және қаралатын мәселелер бойынша шешім қабылдауға өз көзқарасын жазбаша нысанда ұсыну арқылы қатысқан жағдайларға қатысты.

116. Директорлар кеңесінің қарауына шығарылған мәселе бойынша мүддесі бар директор осы мәселе бойынша талқылауға және дауыс беруге қатыспайды, ол туралы директорлар кеңесі отырысының хаттамасында тиісті жазба жасалады.

Қоғам заңнамаға сәйкес директорлардың сыйақы мөлшері туралы мәліметті ашады. Есепті кезеңге директорлар сыйақысының мөлшері туралы мәлімет жалғыз акционер үшін дайындалатын жылдық есепте міндетті түрде ашылуға тиіс.

117. Директорлар кеңесі Қоғамның қаржылық-экономикалық жай-күйіне, оның басым бағыттарының сақталуына және Қоғам қызметіндегі көрсеткіштеріне тұрақты мониторинг жүргізуге және Қоғамның басқа органдары және лауазымды тұлғаларымен тұрақты байланыс жасауға тиіс.

118. Директорлар кеңесінің бұрынғы мүшелерінің Директорлар кеңесі құрамындағы қызметін тоқтатқаннан кейін Қоғам туралы құпия ақпаратты жарияламауы бойынша мерзімінің өтуі 5 (бес) жылды құрайды.

119. Қоғамның жылдық есебі құрамына кіретін және Жалғыз акционерге берілетін Директорлар кеңесінің жылдық есебінде мынадай ақпарат көрсетілуі тиіс, бірақ осымен шектелмейді:

1) Қоғамның жүргізген жұмысы туралы;

2) Қоғамның қаржылық-шаруашылық қызметі жоспарының көрсетіштерін орындау туралы;

3) қызметтің түйінді көрсеткіштеріне қол жеткізу туралы;

4) Қоғам қызметіндегі басым бағыттары мен көрсеткіштерін сақтау бойынша Директорлар кеңесі қабылдаған шаралар туралы;

5) Қоғамның тәуекелдерді және ішкі бақылаудың басқа элементтерін басқару процесінің ағымдағы жай-күйі және тәуекелдерді басқару бойынша Қоғамның ішкі рәсімдерін жетілдіру бойынша жүзеге асырылған іс-шаралар туралы.