Көпбергенова Сәнбибі Сабырбайқызы рефлексивті практик: ТӘжірибе мен нәтиже
-қадам. Зерттеу тақырыбы аясында әдебиеттерге шолу жасау
жүктеу/скачать 7.81 Mb. Pdf көрінісі
|
- Бұл бет үшін навигация:
- 5-қадам. Жинақтау арқылы зерттеу мақалаға айналдыру.
| 4-қадам. Зерттеу тақырыбы аясында әдебиеттерге шолу жасау. Өзіңіздің
зерттеу тақырыбыңызға ұқсас мақала немесе баяндама не зерттеулерді қарап, танысып шығыңыз. Ол сіздің зерттеуіңізге деген ойыңызды тың идеялар мен тапсырмаларға толықтыруға ықпалдырақ болары анық. Іздену арқылы басқа да зерттеушілердің мәселені қалай шешкенін саралайсыз. Өзіңіздің жоспарыңызбен салыстырып, керек тұсын бағыттап қолданасыз. Ол сіздің жұмысыңызды жеңілдетеді. Ойыңызда анализ жасау процесі жүрген сайын, сіздің өз зерттеуіңізге деген сұрақтарыңызға жауап табуға жол ашылады. Әр мұғалім кем дегенде өз проблемасы тақырыбы аясында 3 зерттеу мақала не сабақтардың рефлексиясын қарап шыққан дұрыс. Сол пайдаланған әдебиеттердің міндетті түрде авторын, ол әдебиеттен не мақаладан қай тұсын қолдандыңыз, сілтеме арқылы салып отырыңыз. Ол сіздің басқа әріптестер зерттеу мәдениетіне деген құрметіңіз. Әрі зерттеу мәдениеттілігіңіздің көрінісі. Зерттеу мәдениеті туралы сөз қозғағанда зерттеуге алған сыныбыңыз не оқушыңыз туралы желіге жүктеуде жеке аты жөндері аталмайтынын, фотосуреттер жариялануда рұқсат алу керектігін де ескерерсіз. Сынып алдын ала зерттеу іс- әрекеті қандай мақсатта жүретінінен хабардар болғаны дұрыс. Бұл қарым қатынас мәдениеті де үлкен жауапкершілікті талап етеді. Сіз зерттеу тақырыбыңызға көмек ретінде әдебиеттерге шолу жасауда Google Scholar іздеу жүйесін, EBSCO дерекқорын және «Педагогикалық білімдер қоры» сайтындағы (sk.nis.edu.kz) БСЗ (Білім саласындағы зерттеу) бөлімін қарап шығыңыз. Google желісінен және NIS Conference халықаралық конференциясының ресми сайтынан (conferences.nis.edu.kz) да заманауи зерттеу жұмыстарымен танысуға болады . 5-қадам. Жинақтау арқылы зерттеу мақалаға айналдыру. Зерттеу контекстіне шолу жасау арқылы сіз зерттеуіңіздің қай сынып, қандай мақсатта бастағаныңызды жазасыз. Проблеманы қалай анықтағаныңызды (сауалнама арқылы ма, ТЖБ арқылы ма,қалай анықтадыңыз) Сіз зерттеу мақсатыңыз арқылы неге қол жеткізіңіз келеді. Күтілетін нәтижеңіз үшін нені жоспарладыңыз. Қандай зерттеу сұрағына жауап іздедіңіз. Қалай іздедіңіз? Қандай әдебиеттер оқыдыңыз (өз зерттеуіңізге ұқсас) ол әдебиеттен не зерттеу мақаладан өзіңізге не алдыңыз? Қандай ұқсастықтар мен айырмашылықтарды байқадыңыз? Сабақ жоспарлауда қандай әдіс - тәсілдерге сүйендіңіз? Неліктен? Әдістер сізідң мақсатыңыздың жүзеге асуына қалай ықпал етті. Дұрыс және бұрыс тұсын ашып жазыңыз. Ары қарай қалай жоспарладыңыз, сабақтан соңғы талдау нені өзгертті. Рефлексия жазу уақытыл жүрсе, сіздің жұмысыңыздың 50 пайызы дайын, сол дәлелдерден алынады. Өзіңіздің сұрақтарыңыз бен оқушы жауабын мысалға кестеге салып ықшамдау тиімді. Жоғарыдағы сұрақтарға жауап беріп, «сабақты бақылау» парақшасын толтырып жүріңіз. Оқушы дәптеріндегі жұмыс, постерлер, интервью, сауалннама парағы, бейнежазбалар сіздің зерттеуіңіздің дәлелі. Сіздің сабақты сыни дос пікірімен бақылау арқылы бағалау нені өзгертті, қандай даму бар? Зерттеу сабағы бойынша жоспарыңызды не өзгерді? Неге өзгерді? Зерттеуіңіздің негізгі сәтті, сәтсіз тұсын талдау арқылы болашаққа қандай жоспар қоясыз? Міне осындай сауалдарға жауап жазу арқылы сізде зерттеу мақаласын жинақтайсыз. Қорытындыда сіздің осы зерттеуіңіз оқушыларға не берді? Әріптестеріңізге қалай әсер етті, нені өзгертті? Осы әрекет барысында қандай тәжірибе алдыңыз? Болашаққа нені жоспалар едіңіз? Осы сұрақтарға жауап жазу арқылы сіз зерттеу тақырыбыңызды толық қамтыған рефлексия жазып зерттеу мақалаңыз дайын болады. Есіңізде болсын, зерттеу мақалада кездескен кедергілер мен оны жеңу жолдарына да ашып тоқталып кетіңіз, қателік пен кедергісіз зерттеу болмайды. Қателесу сіздің кәсіби дамуыңызға басқа ой салуы да ықтимал. Қазіргі таңда оқу сапасын арттыруда кез келген мұғалім уақытын тиімді пайдаланып, туындаған проблеманы шешудің оңтайлы жолы – іс-әрекетті зерттеуі керек. Іс-әрекетті зерттеу мұғалімнің кәсіби дамуын дамытып, зерттеу мәдениетін қалыптастырады. Үнемі зерттеу жүргізу мұғалімді шын зерттеушіге, бақылаушыға, сарапшыға бейімдейді. Сыни дос болу да тәжірибе алмасып, кәсіби өсуге бағыттайды. Іс-әрекетті зерттеу арқылы жазылған зерттеу мақалаңызды сіз облыстық қана емес, республикалық, халықаралық деңгейдегі конференцияларда, семинарларда бөлісіп, тәжірибе аламаса аласыз. Ал іс-әрекетті зерттеу оқу сапасын арттырып, мұғалімді қолжетімді нәтижеде сабақ процесін басқара алуына үйрететін бірден бір амал әрекет. Маңғыстау кәсіби даму институтының аға оқытушысы жүктеу/скачать 7.81 Mb. Достарыңызбен бөлісу:
|