Лекция. Саясаттану ғылым және оқу пәні ретінде жоспары
Саясаттану оқулықтарында идеологияның мына қызметтері атап көрсетілген
жүктеу/скачать 287.18 Kb.
|
| Саясаттану оқулықтарында идеологияның мына қызметтері атап көрсетілген:
1. танымдық қызметi, ол арқылы саяси жүйенi, саяси өмiрдi танып бiлемiз; 2. бағдарламалық қызметi, ол қоғам, әлеуметтiк даму, саяси тұлға, билiк т.б. туралы түсiнiк берiп, адамдардың iс-әрекетiне бағдар берiп отырады; 3. жұмылдыру, iске тарту қызметi, жоғары құнды идеяларды, мақсат-мүдделердi айқындап, оның жүзеге асырылуына түрткi болу, әлеуметтiк топтарды жұмылдыру, рухтандыру; 4. амортизациялық қызметi, саяси iс-әрекеттi түсiндiру, әлеуметтiк шиеленiстердi бәсеңдету, әлеуметтiк топтарды ортақ мақсатқа тарту; 5. бағалау қызметi, халық санасында қоғамның дамуына баға берерлiк жағдай жасайды, үстемдiк етiп отырған қоғамдық тәртiп туралы белгiлi бiр көзқарасты тудырып, қалыптастырады. Саяси идеологияның әрекет ету деңгейi де әртүрлi болып табылады: теориялық-концептуалды, белгiлi бiр таптың құндылықтары мен идеалдарын ашатын немесе қандай да бiр саяси даму мақсатын ұстанатын басты ережелердi қалыптастыру; бағдарламалық-саяси, әлеуметтiк-философиялық қағидалар мен идеалдар саяси элита бағдарламасына, ұрандары мен талаптарына айналады, сөйтiп басқарушылық саяси шешiм қабылдаудың нормативтiк негiздерi және азаматтардың саяси iс-әрекетiнiң стимулдары қалыптасады; өзектендiрiлген, яғни азаматтардың аталған идеологияның мақсаты мен қағидаларын игеруiн, оны саяси iске және әрекетке айналдыру деңгейiн сипаттайды. Көптеген батыстық теоретик-саясаткерлер үшiн идеология дегенiмiз: әлем туралы ғылыми емес бiлiм, ол адамдар санасын манипуляциялаудың техникалық құралдарының немесе саяси насихаттау саласындағы психологиялық техникалардың жиынтығы; жалған сана, қоғамның үстемдiк етушi күшi мен оған деген көзқарастардың арасындағы қатынастың қоғамдық негiзiн жоққа шығару, үгіт-насихатпен табысу; тұжырымдар, идеялар жиынтығы, қандай да бiр саяси жүйедегi көсемдердiң басшылығын ақтау мақсатындағы жеке адамдар мен халықтың қабылдаулары; көптүрлілік, белгiлi бiр әлеуметтiк топтардың әлеуметтiк бiлiмдерiнiң немесе құндылықтық бағдарларының әр түрлiлiгi. Сонымен Батыс әдебиеттерiнде идеология проблемесына екi көзқарас қалыптасқан: 1) идеологияны жалған сана, субъективтi ойлау деп түсiну; 2) идеологияның құралдық-қолданбалы жағына үлкен мән беру. жүктеу/скачать 287.18 Kb. Достарыңызбен бөлісу:
|