Лекция тезистерi және оларға дайындалуға арналған

5 
1 Тақырып: Казақстан Республикасы қылмыстық құқығының 
түсiнiгi, мiндеттерi, жүйесi, қайнар көздерi және қағидаттары 
 
Мақсаты: қылмыстық құқық пәнін құқық саласы ретінде 
қарастыру, қылмыстық заңдардың міндеттерін, жүйесін түсіндіру, 
қылмыстық құқықтың ғылымы қағидаларын зерттеу 
 
Жоспар: 
1.Қылмыстық құқықтың түсiнiгi, мiндеттерi және жүйесi 
2.Қылмыстық құқықтың қайнар көздерi 
3.Қылмыстық құқықтың қағидаттары 
1.Қазақстанның қылмыстық құқығының түсінігі, міндеттері және 
жүйесі. Қылмыстық құқық дегеніміз — құқық саласының негізгі түрлерінің бірі 
ретінде қылмыстық құқық бұзушылықтың түсінігі мен белгілерін, қылмыстық 
құқық бұзушылық үшін қылмыстық жауаптылықтың негізі мен шектерін, 
сондай-ақ қылмыстық жауаптылықтан және жазадан босатудың шарттарын 
анықтайтын құқықтық нормалардын жиынтығы. Сондай-ақ құқықтың тиісті 
саласын зерделейтін ғылым мен оқу пәні де қылмыстық құқық болып 
табылады. Қылмыстық құқық субъектілері (қылмыстық-құқықтық қатынастарға 
қатысушылар) — мемлекет органдары және азаматтар. Мұнда мемлекет 
белсенді рөл атқарады: ол қылмыстық-құқықтық санкцияларды белгілейді және 
қолданады. Азаматтар мен басқа да жеке тұлғалар қылмыс субъектісінің, 
сондай-ақ қажетті қорғаныс, аса қажетті жағдайда және қылмыстық 
жауаптылықты жоққа шығаратын басқа да жағдайларда әрекет ететін тұлғалар 
рөлін атқаруы мүмкін. 
ҚР Қылмыстық құқығында заңды тұлға қылмыс субъектісі бола алмайды, 
ол қылмыстық-құқықтық қатынастарға тек жәбірленуші ретінде ғана қатысады. 
Қылмыстық кұқықтың ерекшелігі мен мазмұны оның алдына қойған 
мiндеттерімен байланыста. Қазақстан Республикасы Қылмыстық кодексінің 2-
бабының бірінші бөлігінде осы кодекстің мынадай міндеттері айқындалған:
- адамның және азаматтың құқықтарын; 
- бостандықтары мен заңды мүдделерін; 
- меншікті; 
- ұйымдардың құқықтары мен заңды мүдделерін; 
- қоғамдық тәртіп пен қауіпсіздікті; 
- қоршаған ортаны; 
- Қазақстан Республикасының конституциялық құрылысы мен аумақтық 
тұтастығын; 
- қоғам мен мемлекеттің заңмен қорғалатын мүдделерін қоғамға қауіпті 
қол сұғушылықтан қорғау; 
- бейбітшілік пен адамзат қауіпсіздігін сақтау; 
- қылмыстық құқық бұзушылықтардың алдын алу.

6 

жүктеу/скачать 0.86 Mb.

Достарыңызбен бөлісу: