Microsoft Word Бошкатармокдарслик
жүктеу/скачать 3.03 Mb. Pdf көрінісі
|
| 20.5. Амортизация харажатларининг ҳисоби
Автотранспорт корхоналарида бажарилган иш (кўрсатилган хизмат)лар таннархига бевосита уларнинг юритилишига алоқадор бўлган асосий воситалар ҳамда номоддий активларга ҳисобланган амортизация (эскириш) суммалари киритилади. Ушбу активларга амортизация (эскириш) ҳисоблаш республикамизнинг 5-сон БҲМС «Асосий воситалар» ҳамда 7-сон БҲМС «Номоддий активлар»да назарда тутилган усулларга, яъни бир маромда ҳисоблаш усули, бажарилган иш ҳажмига мутаносиб ҳисоблаш усули, кумулятив усул ҳамда камайиб борувчи қолдиқ қийматдан ҳисоблаш усулига асосан амалга оширилади. Қуйида амортизация (эскириш) ҳисоблаш усулларини автотранспорт корхоналарида қўллашдаги хусусиятларни, уларнинг афзалликлари ва камчиликларини автотранспорт воситалари мисолида кўриб чиқамиз. Бир маромда амортизация (эскириш) ҳисоблаш усулини барча турдаги автотранспорт воситаларига қўллаш мумкин. Бу усулда автотранспорт воситаларининг йиллик амортизация суммаси уларнинг амортизацияланадиган қийматини белгиланган йиллик амортизация меъёрига кўпайтириш ва 100 фоизга бўлиш, ойлик амортизация суммаси эса йиллик амортизация суммасини 12 га бўлиш йўли билан топилади. Мисол. Айтайлик, М-24.9 «Ўзотойўл» автобусининг бошланғич қиймати 18000000 сўм. Тугатиш қиймати 1-ҳолатда 5 фоиз миқдорида белгиланган, 2-ҳолатда эса кўзда тутилмаган. Йиллик амортизация меъёри – 15 фоиз. Демак, ушбу автобуснинг амортизацияланадиган қиймати 1-ҳолатда 17100000 сўмни (18000000- 18000000*5%), 2-ҳолатда эса 18000000 сўмни ташкил этади. Йиллик амортизация суммаси 1-ҳолатда 2565000 сўмни (17100000*15%), 2-ҳолатда эса 2700000 сўмни (18000000*15%) ташкил қилади. Ойлик амортизация суммаси 1-ҳолатда 213750 сўмдан (2565000/12), 2-ҳолатда эса 225000 сўмдан (2700000/12) иборат бўлади. Ҳисоб-китоблардан кўриниб турибдики, бир маромда амортизация (эскириш) ҳисоблаш усулига кўра автотранспорт корхонасида автобуснинг фойдали хизмат муддати охирига келиб 1-ҳолатда 17100000 сўмлик бошланғич қиймати тўлиқ тикланади, 900000 сўмлик қиймати тикланмасдан қолади. 2-ҳолатда эса автобуснинг бошланғич қиймати фойдали хизмат муддати охирида тўлиқ тикланади. АТВларга бир маромда амортизация (эскириш) ҳисоблаш усули айрим камчиликлардан ҳоли эмас. Чунончи, ушбу усулда амортизация (эскириш) АТВлар ҳақиқатда ишлаган ёки ишламаганлигидан қатъий назар ҳисобланади. Ишчи ҳолатда бўлмаган АТВларга амортизация (эскириш)ни бир маромда ҳисоблаб бориш автотранспорт корхоналарида бажарилган иш (кўрсатилган хизмат)лар таннархини ошишига олиб келади. Шу боис ҳам, бу усул фақат АТВлар фойдали хизмат муддати мобайнида доимий ҳолда ишчи ҳолатда ушлаб турилганда тегишли самарани беради. 305 Амортизация (эскириш)ни бажарилган иш (кўрсатилган хизмат)лар ҳажмига мутаносиб ҳисоблаш усулида автотранспорт воситалари амортизацияси (эскириши) уларнинг бир бирлик иш фаолиятига тўғри келадиган амортизация (эскириш) меъёрини ҳақиқатда бажарилган иш (кўрсатилган хизмат)лар ҳажмига кўпайтириш йўли билан топилади. Бунда бир бирлик бажарилган иш (кўрсатилган хизмат) сифатида турли кўрсаткичлар, чунончи 1 км, 1 соат, 1 тонна, 1 т/км, 1 киши/км каби кўрсаткичлар олиниши мумкин. Бажарилган иш (кўрсатилган хизмат)ларнинг ушбу бирликларига тўғри келадиган амортизация (эскириш) меъёрлари қуйидагича топилади: • 1 км босилган масофага тўғри келадиган амортизация (эскириш) меъёри АТВнинг амортизацияланадиган қийматини фойдали хизмат муддати даврида босиб ўтилиши олдиндан белгиланган жами масофа узунлигига бўлиш йўли билан топилади; • 1 соатлик иш фаолиятига тўғри келадиган амортизация (эскириш) меъёри АТВнинг амортизацияланадиган қийматини фойдали хизмат муддати даврида иш вақтининг олдиндан белгиланган жами сонига бўлиш йўли билан топилади; • 1 тонна ташиладиган юк ҳажмига тўғри келадиган амортизация (эскириш) меъёри АТВнинг амортизацияланадиган қийматини фойдали хизмат муддати даврида ташиладиган юкнинг олдиндан белгиланган жами ҳажмига бўлиш йўли билан топилади; • 1 т/км юк айланмасига тўғри келадиган амортизация (эскириш) меъёри АТВнинг амортизацияланадиган қийматини фойдали хизмат муддати даврида юк айланмасининг олдиндан белгиланган жами миқдорига бўлиш йўли билан топилади; • 1 киши/км йўловчи айланмасига тўғри келадиган амортизация (эскириш) меъёри АТВнинг амортизацияланадиган қийматини фойдали хизмат муддати даврида йўловчи айланмасининг олдиндан белгиланган жами миқдорига бўлиш йўли билан топилади. Иш фаолияти ташилган юк ҳажмига қараб ҳисобга олинадиган автотранспорт воситалари бўйича бажарилган иш таннархига киритиладиган амортизация (эскириш) суммаси ҳисобот даврида ҳақиқатда ташилган юк миқдорини 1 тонна ташиладиган юк ҳажмига тўғри келувчи амортизация (эскириш) меъёрига кўпайтириш йўли билан топилади. Мисол. Айтайлик, юк ташишга мўлжалланган КамАз-55102 ўзи тўкгич жүктеу/скачать 3.03 Mb. Достарыңызбен бөлісу:
|