Microsoft Word Бошкатармокдарслик
жүктеу/скачать 3.03 Mb. Pdf көрінісі
|
| 22.2. Автотранспорт корхоналарида мажбурий ажратмалар,
йиғимлар ва ушланмаларнинг ҳисоби Умумдавлат солиғларини тўловчи автотранспорт корхоналари бошқа тармоқ корхоналари сингари солиқ тўловларидан ташқари давлатнинг бюджетдан ташқари мақсадли фондларига мажбурий ажратма ва ушланмаларни амалга оширадилар. Давлатнинг мақсадли фондларига мажбурий ажратма ва ушланмаларнинг ҳисоб-китоблари тасдиқланган шаклларда тузилади ва белгиланган муддатларда давлат солиқ идораларига тақдим этилади. Ушбу ҳисоб-китоб маълумотлари давлатнинг мақсадли фондларига мажбурий ажратма ва ушланмаларни бухгалтерия ҳисобида акс эттиришга асос бўлади. Пенсия фонди, Республика йўл фонди ва мактаб таълимини ривожлантириш фондига бажарилган ишлардан олинган соф тушумга нисбатан мос равишда белгиланган ставкаларда ҳисобланган мажбурий ажратмалар суммаси ҳисобот ойида ҳисобда қуйидагича акс эттирилади: Дебет 9430 «Бошқа операцион харажатлар» Кредит 6520 «Давлатнинг мақсадли фондларига тўловлар» Пенсия фондига ҳисобот даврида ҳисобланган иш ҳақи фондига нисбатан белгиланган ставкада ҳисобланган мажбурий ажратма суммаси ҳисобда қуйидагича акс эттирилади: Дебет Харажат счётлари (2010, 2310, 2510, 9410, 9420, 9210, 0810) Кредит 6520 «Давлатнинг мақсадли фондларига тўловлар» 341 Ходимларга ҳисобланган иш ҳақидан пенсия фондига белгиланган ставкада мажбурий ушланманинг ушлаб қолиниши ҳисобда қуйидагича акс эттирилади: Дебет 6710 «Ходим билан иш ҳақи бўйича ҳисоблашишлар» Кредит 6520 «Давлатнинг мақсадли фондларига тўловлар» Республика йўл фондига сотиб олинган янги автотранспорт воситалари учун тўланган мажбурий йиғим суммаси 5-сон БҲМС «Асосий воситалар»га мувофиқ уларнинг бошланғич қийматига киритилади ва ҳисобда қуйидагича акс эттирилади: Дебет 0820 «Асосий воситаларни сотиб олиш» Кредит 6520 «Давлатнинг мақсадли фондларига тўловлар» Давлатнинг мақсадли фондларига мажбурий ажратма ва ушланмаларнинг ўтказиб берилиши ҳисобда қуйидагича акс эттирилади: Дебет 6520 «Давлатнинг мақсадли фондларига тўловлар» Кредит 5110 «Ҳисоб-китоб счёти» Ягона солиқ тўлови режимида фаолият кўрсатаётган автотранспорт корхоналари юқорида номлари келтирилган ушбу мажбурий ажратмаларнинг тўловчилари ҳисобланмайдилар. жүктеу/скачать 3.03 Mb. Достарыңызбен бөлісу:
|