Microsoft Word Бошкатармокдарслик
жүктеу/скачать 3.03 Mb. Pdf көрінісі
|
|
Тф = (Тх – Тр) х Мц Бу ерда: Тф – бир бирлик маҳсулот режа ва ҳақиқий таннархлари ўртасидаги фарқ суммаси; Тх – бир бирлик маҳсулотнинг ҳақиқий таннархи; Тр – бир бирлик маҳсулотнинг режа таннархи; Мц – етиштирилган маҳсулотнинг миқдори. Режа таннарх ва ҳақиқий таннарх ўртасидаги фарқ суммаси мос равишда ишлаб чиқариш харажатлари счётларида «қизил ёзув» ёки «қўшимча ёзув» усуллари бўйича акс эттирилади. Бунда режа таннархи ҳақиқий таннархдан юқори бўлган ҳолларда «қизил ёзув» усули, режа таннархи ҳақиқий таннархдан паст бўлганда эса «қўшимча ёзув» усулидан фойдаланилади. Қизил ёзувлар ёки қўшимча ёзувларни қайси корреспонден- цияланадиган счётларга берилишини аниқлашда олинган маҳсулотларнинг тўлиқ сотиб юборилганлиги, ишлатилганлиги ҳамда омборда тайёр маҳсулот сифатида сақланаётганлиги эътиборга олиниши керак. Чунончи, олинган наслнинг режа таннархи ва ҳақиқий таннархи ўртасидаги фарқ суммалари бевосита 1110 «Ўстиришдаги ва боқувдаги моллар» счётига, тўлиқ сотиб юборилган маҳсулотлар бўйича режа таннарх ва ҳақиқий таннарх ўртасидаги фарқ суммалари бевосита 9130 «Сотиш таннархи» счётига, қисман сотилган маҳсулотлар бўйича ушбу фарқ уларнинг сотилган ва омборда сақланаётган қисмларини акс эттирувчи счётлар ўртасида тақсимланиши лозим. Бухгалтерия ҳисобининг комбинациялашган шаклида чорвачилик ишлаб чиқариш харажатлари ҳисоби қуйидаги махсус реестрларда юритилади: -«Ҳисобот даври харажат (сарф)ларини ҳисобга олиш қайдномаси»; -«Чорвачилик маҳсулотларини ишлаб чиқариш харажатлари ва маҳсулот чиқишини ҳисобга олиш қайдномаси». 188 13.4 .... Чорвачилик маҳсулотлари таннархини аниқлаш усуллари Чорвачиликдан олинган маҳсулотлар асосий ва ёрдамчи маҳсулотларга бўлинади. Чорвачилик тармоғида асосий маҳсулот деганда чорвачиликнинг ихтсослашган соҳасини юритишда олиниши бош мақсад қилиб олинган маҳсулот тури тушунилади. Чунончи, қорамолчиликда бош маҳсулот бўлиб гўшт, сут, насл (бузоқ), ўсган вазн ҳисобланади. Паррандачиликда тухум ва парранда гўшти бош маҳсулот ҳисобланади. Қўйчиликда бош маҳсулот бўлиб олинган қўзи ва жун ҳисобланади. Чорвачилик соҳасида ёрдамчи маҳсулот деганда асосий маҳсулот билан бир вақтда олинадиган, аммо хусусиятига кўра иккинчи даражали маҳсулот тушунилади, масалан гўнг, пат, қил, тери ва бошқалар. Чорвачиликда унинг ҳар соҳаси, бу соҳаларнинг алоҳида йўналишларида калькуляция объекти бўлиб турли маҳсулотлар ҳисобланади. Қуйида чорвачиликнинг айрим соҳалари ва йўналишларида маҳсулот таннархини аниқлаш усуллари ва тартибига тўхталамиз. Сут йўналишидаги йирик шохли қорамолчилик. Сут йўналишидаги йирик шохли қорамолчилик соҳасида калькуляция объекти бўлиб сут ва насл (бузоқ) ҳисобланади. Бу соҳада таннархни калькуляция қилиш бирлиги бўлиб 1 центнер сут ҳамда бир бош насл (бузоқ) ҳисобланади. Ушбу маҳсулотларнинг таннархини иккита усулда аниқлаш мумкин: жүктеу/скачать 3.03 Mb. Достарыңызбен бөлісу:
|