Microsoft Word Бошкатармокдарслик
жүктеу/скачать 3.03 Mb. Pdf көрінісі
|
| 1.Сотишдан олинган фойда ёки зарар (Фс ) ёки (Зс)
Фс (Зс) = Ст –Тс, мос равишда Фс = агар Ст > Тс , Зс = агар Ст< Тс Бу ерда: Ст – қишлоқ хўжалик маҳсулотларини сотишдан олинган соф тушум; Тс –қишлоқ хўжалик маҳсулотларининг сотиш таннархи. 2. Асосий фаолиятдан олинган фойда ёки зарар (Фаф) ёки (Заф) Фаф (Заф) = Фс (Зс) – Дх + Бод Бу ерда: Дх- давр харажатлари; Бод – асосий фаолиятдан олинган бошқа операцион даромадлар. 3.Умумхўжалик фаолиятидан олинган фойда ёки зарарлар (Фух) ёки (Зух) Фух (Зух) = Фаф (Заф) + Фмф – Змф Бу ерда: Фмф – молиявий фаолиятдан олинган фойда; Змф - молиявий фаолиятдан кўрилган зарарлар. 4.Солиқгача фойда ёки зарарлар (Фст) ёки ( Зст) Фст (Зст) = Фух (Зух) + Фф –Фз Бу ерда: Фд –фавқулотдаги фойда; Фз – фавқулотдаги зарарлар 5.Соф фойда ёки соф қопланмаган зарарлар (Сф) ёки (Сз) Сф (Сз) = Фст (Зст) –Дс Бу ерда: Дс – фойдадан олинадиган солиқлар - фойда солиғи, инфраструктурани ривожлантириш солиғи, ягона солиқ (бошқа фаолият турлари билан шуғулланувчи қишлоқ хўжалик корхоналари учун). 209 Якуний молиявий натижаларни ифодаловчи фойда (зарар) кўрсаткичларининг йиғма ҳисоби 9910 «Молиявий натижа» счётида юритилади. Ушбу счётнинг кредитида барча турдаги даромадлар, кредитида эса сотиш таннархи, даврх харажатлари, молиявий фаолиятга доир харажатлар, фавқулотдаги зарарлар ҳамда фойданинг ишлатилиши акс эттирилади. Ҳисобот даври охирида бу счётнинг кредит ва дебет оборотлари суммасини ўзаро таққослаш асосида якуний молиявий натижа аниқланади. Агар кредит оборот суммаси дебет оборот суммасидан катта бўлса, бу ҳисобот даврида олинган соф фойдани, агар кредит оборот суммаси дебет оборот суммасидан кичик бўлса, бу ҳисобот даврида кўрилган жами зарарни билдиради. Ҳисобот даврида олинган соф фойданинг ёпилишига қуйидаги бухгалтерия ёзуви берилади: Дебет 9910 «Молиявий натижа» Кредит 8710 «Ҳисобот йилининг тақсимланмаган фойдаси (зарари)». Ҳисобот даврида кўрилган жами зарарнинг ёпилишига қуйидаги бухгалтерия ёзуви берилади: Дебет 8710 «Ҳисобот йилининг тақсимланмаган фойдаси (зарари)». Кредит 9910 «Молиявий натижа» Ҳисобот йилининг тақсимланмаган фойдаси қишлоқ хўжалик корхонаси пайчилари йиғилиши қарорига асосан улар ўртасида тақсимланиши, шунингдек ўтган йилларнинг фойдаси таркибида корхонада қолдирилиши мумкин. Ушбу хўжалик операциялари ҳисобда қуйидагича акс эттирилади. а) ҳисобот йилининг тақсимланмаган фойдасини пайчилар ўртасида тақсимланишига: Дебет 8710 «Ҳисобот йилининг тақсимланмаган фойдаси (зарари)». Кредит 6610 «Таъсисчиларга дивидендлар бўйича қарз». б) ҳисобот йилининг тақсимланмаган фойдасини ўтган йиллар фойдасига киритилишига: Дебет 8710 «Ҳисобот йилининг тақсимланмаган фойдаси (зарари)». Кредит 8720 «Ўтган йилларнинг тақсимланмаган фойдаси (зарари)». Ҳисобот йилининг жами зарари ўтган йилларнинг тақсимланмаган фойдаси, шунингдек резерв капитали эвазига қопланиши мумкин: Ушбу хўжалик операциялари ҳисобда қуйидагича акс эттирилади. а) ҳисобот йилининг жами зарарининг ўтган йиллар тақсимланмаган фойдаси ҳисобидан қопланишига: Дебет 8720 «Ўтган йилларнинг тақсимланмаган фойдаси (зарари)». Кредит 8710 «Ҳисобот йилининг тақсимланмаган фойдаси (зарари)». б) ҳисобот йилининг жами зарарининг резерв капитали ҳисобидан қопланишига: Дебет 8820 «Резерв капитали». Кредит 8710 «Ҳисобот йилининг тақсимланмаган фойдаси (зарари)». |