Монография / Аида Сағынтаева, Әсел Қамбатырова, Лаура Қарабасова
жүктеу/скачать 2.17 Mb. Pdf көрінісі
|
| 9.3-кесте
Сапалық деректерді талдауға арналған компьютерлік бағдарламалар Бағдарламалардың көптігіне қарамастан, авторлар (Cohen et al., 2011; Creswell, 2009) әлеуметтік ғылымдар саласында айтарлықтай жиі қолданылатын мынадай төрт түрін бөліп көрсетеді: • QSR NVivo (http://www.qsrinternational.com/). NVivo – QSR International әзір- леген сапалық деректерді талдау бағдарламасы. NVivo зерттеушілерге сұхбат, сұрақтарға ашық жауап беру, журнал мақалалары, әлеуметтік желілер және шағын немесе кең көлемдегі деректерді терең талдауды қажет ететін веб-кон- тент сияқты құрылымдалмаған немесе сапалық деректерді жүйелеуге, талдауға және идеялар табуға көмектеседі. • MAXQDA (http://www.maxqda.com/). MAXQDA – әлемдегі сапалық және аралас деректерді талдаудың жетекші бағдарламалық құралы және Windows пен Mac үшін бірдей мүмкіндік ұсынатын жалғыз жетекші бағдарламалық құрал. Бұл осы саладағы жан-жақты бағдарламаның бірі, оны әлемнің 150-ден астам елінің мыңдаған зерттеушілері пайдаланады. • Atlas.ti (http://www.atlasti.com). ATLAS.ti – негізінен, сапалық зерттеулерде не- месе сапалық деректерді талдауда жұмсалатын компьютерлік бағдарлама. Ол зерттеушіге кодтаумен қатар мәтіндік, графикалық, дыбыстық және визуалды деректердің файлдарын ұйымдастыруға мүмкіндік береді. • HyperRESEARCH (http://www.researchware.com/) – Mac және Windows үшін қол- жетімді бағдарлама. Деректерді кодтау, шығарып алу, теория құру және талдау үшін қолдануға оңай бағдарламалық құрал. 209 Назарбаев Университеті Жоғары білім беру мектебі 4-қадам. Зерттеу орнын немесе адамдарды, сондай-ақ кате- горияларды немесе тақырыптарды сипаттау үшін кодтау үдерісін пайдалану. Сипаттамада зерттеуге қатысатын адамдар туралы, зерттеу орнындағы немесе зерттеу орнындағы оқиғалар туралы то- лық ақпарат беріледі. Зерттеушілер кодтарды осы аталған сипатта- ма үшін жасай алады. Ол кейс-стадиге, этнографиялық және білім беру зерттеу жобаларына жан-жақты сипаттама әзірлеу кезінде өз пайдасын тигізеді. Содан кейін тақырыптардың немесе категори- ялардың санын қысқарту үшін кодтауды пайдалану, бұл зертте- ушіге көп кодтардың санын қысқартып, шамалы тақырыптарды немесе категорияларды әзірлеуге мүмкіндік береді (Linneberg & Korsgaard, 2019). Аталған тақырыптар сапалық зерттеулердің ба- сты нәтижелері болып табылады. Ол көбінесе зерттеу нәтижелері туралы айдарлар жасауда қолданылады. Олар жеке тұлғалардың түрлі көзқарасын көрсетіп, дәйексөздермен және нақты дәлелдер- мен расталуы керек (төмендегі 1-мысалды қараңыз). Тақырыптар әрбір дербес жағдайға және түрлі жағдайларға (кейс-стади секілді) байланысты талданады. Күрделі сапалық зерттеулер тақырыпты сипаттап, айқындау шеңберінен шығып, тақырыптардың арасын- дағы өзара күрделі байланысты қамтиды (Creswell, 2009). жүктеу/скачать 2.17 Mb. Достарыңызбен бөлісу:
|