Онтуганова шынар шералиевна
жүктеу/скачать 6.99 Mb. Pdf көрінісі
|
| амал-тәсілдер
арқылы бастауыш мектеп оқушыларының ойы мен тілін дамыта оқытудың құрылымдық-мазмұндық моделі өзара тығыз байланыстағы мотивациялық-мақсаттылық, мазмұндық-іс- әрекеттік, бағалаушылық-рефлексивті компоненттерден түзілген өлшемдері мен көрсеткіштерінің жиынтығын құрайды және жоғары, орта, төмен деңгейлерінің өзара байланысы негізінде құрылды; 5. Логикалық амал-тәсілдер арқылы бастауыш мектеп оқушыларының ойы мен тілін дамыта оқытудың әдістемелік жүйесі: бастауыш сынып мұғалімдеріне арналған «Логика элементтерін бастауыш білім беруде қолдану» атты 24 сағат көлеміндегі ғылыми-әдістемелік семинар бағдарламасы; 3-сынып оқушыларына арналған «Логикалық сауаттылық» факультативтік курс бағдарламасы және «Логикалық амал-тәсілдер арқылы бастауыш мектеп оқушыларының ойы мен тілін дамыта оқыту негіздері» атты оқу-әдістемелік құрал дайындалды. Математика сабағында бастауыш мектеп оқушыларының ойы мен тілін дамытуда логикалық амал-тәсілдерді қолдану маңызды рөл атқарады. Мәселені шешу кезінде талдау мен жинақтау, нақтылау, абстракциялау, салыстыру сияқты логикалық амалдар, сондай-ақ дәйекті ой қорыту, сұрақтарды дәл және бір мағыналы тұжырымдай білу шешуші мәнге ие. Біз арнайы әзірлеген Логикалық тапсырмалардың мақсаты – балалардың психикалық белсенділігін барынша арттыру, оқу үдерісін жандандыру, ең бастысы, жалпыға бірдей логикалық амалдарды қалыптастыру арқылы ойы мен тілін дамыту. Тапсырмаларды орындауда балалар қызығушылығы артты: олар сабақта белсендірек жұмыс жасады, мұғалімнің тапсырмаларын тез орындады, дұрыс нәтижеге келуге, мәселені шешуге тырысты. Іс-әрекет барысында балалардың өз бетімен ойлау әдеті дамып, балалардың зейіні, білімге деген құштарлығы мен сөздік қоры молайды. Эксперимент нәтижелерін салыстырмалы талдау эксперименттік топтағы оқушыларды оқытуда білім үдерісіне логикалық амал-тәсілдерді қолдану бастауыш мектеп оқушылараның ойы мен тілінің дамуының оң динамикасын 190 куәландырды. Эксперименттік жұмыс барысында алға қойылған болжам толық және негізді түрде дәлелденді. Алайда, бұл зерттеу нәтижелері мен тұжырымдар қарастырылып отырған мәселенің толық шешімі бола алмайтынын айта кетіп, зерттеу нәтижесі бойынша мынадай ұсыныстар жасаймыз: - зерттеу жұмысы нәтижелері оқу-оқыту үдерісінде логика элементтерін оқу үдерісіне ендіруге байланысты зерттеу жұмыстарында, болашақ мұғалімдерді дайындауда және мұғалімдердің біліктілігін арттыру курстарында қолданыс табуы мүмкін. - «Логика элементтерін бастауыш білім беруде қолдану» атты ғылыми- әдістемелік семинардың негізгі мазмұны республикалық деңгейде бастауыш сынып мұғалімдерінің қысқамерзімді біліктілігін арттыру курсына дайындалатын білім беру бағдарламаларының құрамына енгізілсе; - «Логикалық сауаттылық» факультативтік курс бағдарламасының мазмұнын бастауыш мектептердің 3-сыныбына өткізуді ұйымдастыру жолға қойылса; - ЖОО-дағы бастауыш білім беру бағдарламасы бойынша дайындалған дипломдық жоба өнімдерінде логикалық амал-тәсілдер арқылы баланың ойы мен тілін дамыта оқыту мәселесіне байланысты тақырыптар қамтылса; Зерттеу мәселесі көкейкестілігімен қоса күрделі болғандықтан, оны толықтай қамтыдық деуге болмайды. Сондықтан диссертацияда келтірілген нәтижелер мен қорытындылар қарастырылып отырған мәселені шешудің алғашқы сатысы деп білеміз. |