Түркілердің бірігуі Ашина руының және Ұлы жағбу атағын иеленген Бумынның (олардың көсемі) басшылығымен жүрді.
Түркілер Алтайдан Хуанхэ жағалауларына жеткен кезде Бумын ордасына 545 жылы Қытай елшілігікеледі. Осы сәттен бастаптүркілер сол заманғы ірі мемлекеттердің бірі ретінде танылып, тарих сахнасына шықты.
Қытаймен бейбіт қарым-қатынас орнатқаннан кейін жужандарға қарсы бас көтере бастайды.
552 жылы Бумын жужандар әскерін талқандайды. Бумын түркі елінің қағаны болып жарияланады.
«Түрік қолбасшысы БумынЖужан қағаны Анағұйға қалай тиісудің жолын іздейді. Ол үшін Анағұй қағанға маған қызын әйелдікке берсін деп елші жібереді. Мұны естіген Анағұй қаған ашуланып, менің есігімдегі темір балқытушы құлым қызымды сұрауға қалай ғана дәті барды деп Бумын қағанды кемсітеді. Түрік қолбасшысының да күткен жауабы осындай болса керек. Ол жәбірленуші ретінде, енді Жужан қағанымен ешбір келісімге келуге болмайды деп шешіп, онымен шайқасудың сәтін күтеді».
Мұқан қаған (553-572 жж.)
Түрiк қағанатының негiзiн қалаушы Бумын қайтыс болғаннан кейін билiкке келген Мұқан қаған жужандарды талқандауды аяқтайды.
Мұқан қаған түркілердiң Орталық Азия мен Оңтүстiк Сiбiрдегi үстемдiгiн бекiттi.
Бұл кезде екі бөлікке бөлініп отырған Қытай елінің билеушілері Мұқан қағанға қымбат бағалы сый-сияпат жасап, өз жақтарына тартуға әрекет жасайды. Солтүстік Қытай мемлекеттеріне салық салды.Қытай түріктерге салық ретінде жылына 100 мың метрге тең жібек матасын төледі.
