Оқулық Қазақстан Республикасының Білім және ғылым министрлігі бекіткен Алматы, 2011 (075. 8)
жүктеу/скачать 6.41 Mb.
|
- Бұл бет үшін навигация:
- 4.4. Жақсарулар. Түзетуші және ескертуші әрекеттер
- 4.5. Статистикалық әдістер
- 4.6. Сәйкес емес өнімді басқару
| 4.3. Бақылау мен сынау дәрежесі
Өнімге бақылау және сынау жүргізу көзбе-көз бекітілуі қажет (мысалы, этикетка, бирка, пломба және т.б. көмегімен). Тексеру критерийлеріне сәйкес келмейтін өнімдер басқаларынан бөлініп алынады. Сондай-ақ осындай бақылауды жүргізуге жауапты мамандарды анықтап, олардың өкілеттілігін бекіту қажет. 4.4. Жақсарулар. Түзетуші және ескертуші әрекеттер Бұл әрекеттер тұтынушылардың кез келген шағымдарына, қызмет көрсетудегі қателерге, сапа бойынша жазбаларға және т.б. негізделеді. Олар сәйкессіздіктің себептерін табуға және өндірілетін өнім немесе көрсетілетін қызметтің бекітілген талаптарға кез келген сәйкессіздігін ескерту мақсатымен процедураларды түзетуге мүмкіндік береді. Ол үшін: – сәйкес емес өнімге жүйелі түрде талдау жүргізу; – өнім мен процесті жетілдіру бойынша шараларды анықтау; – сапасы төмен өнім алу тәуекелділігін болдырмау үшін түзетуші іс-шаралардың орындалуын жүзеге асыру; – түзетуші әрекеттердің әсерлілігіне бақылау жүргізу; – сәйкессіздіктерді жою мақсатымен ережелерге өзгерістер енгізу қажет. 4.5. Статистикалық әдістер Бұл бөлім мекеме өз өнімін өндіру мүмкіндігін растау және осы өнімнің талап етілетін сипаттамаларына қол жеткізу үшін статистикалық әдістерді орнату қажеттігін қарастырады. Статистикалық шешімдерге негізделген әдістер өнімнің өмірлік циклінің барлық сатыларында қолданылады. Жиі қолданылатын статистикалық әдістерге: – гистограммалар; – уақытша қатарлар; – Парето диаграммасы; – себеп-салдар диаграммалары (Исикава); – бақылау парақтары; – бақылау карталары; – шашырау диаграммасы жатады. 4.6. Сәйкес емес өнімді басқару Сәйкес емес өнім деп бекітілген талаптарға жауап бермейтін өнімдерді айтады. Сәйкес емес өнім табылған жағдайда оны басқа өнімдерден бөліп алып, идентификациялау қажет. Сәйкессіздікті басқару бойынша барлық операциялар құжат түрінде рәсімделуі тиіс. Ол: – түзетілмейтін өнімді бағалау, алып тастау, белгілеу, қосымша өңдеу (түзету), жөндеу, жою; – ақаулы өнім бірліктерін тіркеу және оларды мекеме ішінде хабарлау; – тапсырыс берушіні әрекет етуші жүйе туралы ақпараттандыру әрекеттерін жүзеге асыру қажет. Сәйкес емес сападағы өнім тұтынушы талаптарын қанағаттандыру мақсатымен түзетіледі, басқа мақсаттарда пайдалану үшін басқа санатқа ауыстырылады немесе жарамсыз деп танылып, қалдықтар құрамына жатқызылады. жүктеу/скачать 6.41 Mb. Достарыңызбен бөлісу:
|