Пациентті клиникалыќ тексеру єдістері
жүктеу/скачать 250.6 Kb.
|
- Бұл бет үшін навигация:
- Артериялық пульстің пальпациясы.
- Жүрек перкуссиясы
| Жүректің пальпациясы
Оң қолдың алақанын жүрек тұсына көлденең қойып жүрек ұшы соққысын зерттейміз, оның орналасуын, көлемін, биіктігін және күшін анықтаймыз. Қалыпты жағдайда 5 қабырға аралықта 1-2 см бұғана орта сызығынан ішке қарай орналасады. Митральды стенозда кеуде сарайында жүрек ұшы тұсында діріл байқалады оны «мысық пырылы» деп атаймыз. Артериялық пульстің пальпациясы. Артериялық пульс деп ырғақты түрде артерия қабырғасының систолаға сәйкес кеңіп диастолаға сәйкес басылуын айтады. Пульстің пайда болуы артерия ішіндегі қысымның өзгерісіне байланысты. Қалыпты жағдайда артерия қабырғасының кеңіп тарылуы көзге көрінбейді, соңдықтан оны тексеріп білетін негізгі жол – пальпация тәсілі. Пульсті көбінесе білек артериясын тексеру арқылы зерттейді, келесі қасиеттерін анықтайды: ырғағы, жиілігі, тығыздығы, толықтығы, шамасы. Қалыпты жағдайда пульс ырғақты, минутына 60 – 80 рет, тығыз, толық. Экстрасистолияда кейбір пульс толқындары анықталмай пауза болып қалады. Жыпылықтау аритмияда пульс толқындарының ырғағы бұзылады. Пульс жиілесе - тахикардия дейді, ал сиресе - брадикардия. Пульс жиілігі жүрек жиырылуынан қалыңқы болса оны «пульс дефициті» дейді. Артериальды гипертонияда пульс тығыз болады, артериальды гипотонияда – жұмсақ, әлсіз болады. Толықтығына қарай толық және әлсіз пульс болып бөлінеді және әлсіз пульстің қылдай пульс деген түрі болады, ол жүректің өте әлсіреуін білдіреді. Жүрек перкуссиясы Жүрек тығыз мүшелерге жататындықтан перкуссияда тынық дыбыс береді. Перкуссия тәсілімен жүректің кеуде сарайының алдыңғы бетіне түсетін проекциясын анықтайды. Жүректің кеуде сарайының алдынғы жағында жатқан бөлшегінің бір шамасы өкпе шеттерімен жабулы. Оның тек кішкене аймағы өкпе шеттерімен жабылмайды. Жүректің өкпемен жабылмаған жері перкусия кезінде тынық дыбыс береді, оны жүректің абсолютті тығыздығы дейді. Жүректің өкпемен жабылып жатқан шет жақтары перкусия кезінде өкпе дыбысын тудырады - шала тұйықталған дыбыс, оны жүректің шартты тығыздығы дейді. жүктеу/скачать 250.6 Kb. Достарыңызбен бөлісу:
|