Пайғамбарлар қиссасы арабшадан аударып, құрастырғандар: А. Кадыров, Қ. Спатай 2



жүктеу/скачать 1.53 Mb.
Pdf көрінісі
бет219/254
Дата19.03.2024
өлшемі1.53 Mb.
#496131
1   ...   215   216   217   218   219   220   221   222   ...   254
Пайғамбарлар қиссасы

 
 
Сүлеймен пайғамбар желдерге Құдыста отырып билік ететін. 
Құдыс қаласы желдердің орталығы еді. Осы аталмыш желдің 
көмегімен Сүлеймен алыс-шалғай жерлерге аз уақытта жетіп 
баратын. Бұл үшін оның бөрене, тақтайлардан біріктіріліп 
жасалған сал іспеттес үлкен кілемі бар еді. Егер ол бір алыс 
сапарға шығуды қаласа, бүкіл әскері осы кілемнің үстіне 
отыратын да, жел оны астынан көтеріп алып ұшып тиісті жерге 
жеткізетін. Бұл желдің жылдамдығы сондай, Сүлеймен әскерімен 
бір айлық жолды қажет ететін мекенге таң мен түс арасында 
барып, түс пен кеш арасында қайтып үлгеретін делінген.
Аллаһ тағала: «Сүлейменге таңертең бір айлық, кешке бір 
айлық (қашықтықты басып өтетін) желді (бағындырдық)»
1
, – 
деген. 
Сүлеймен пайғамбардың тағы бір мұғжизасы – Аллаһ тағала 
әкесі Дәуітке темір өңдеу қабілетін дарытқаны сияқты оған мыс 
көздерін берді. Аллаһ тағала бұл жайлы:
«Ол үшін еріген мыстан бұлақ ағыздық»
2
, – деген. 
Сүлейменнің қазылығы 
Аллаһ тағала жоғарыдағыларға қоса, Сүлейменге үкім 
шығаруда асқан даналық нәсіп еткен. Бір күні Дәуіттің алдына екі 
көрші кісі дауласып, төрелік сұрап келеді. Олардың бірінің 
қойлары, енді бірінің бау-бақшасы бар еді. Түнде қораның есігі 
ашық қалып, қой иесінің қойлары бақшаға кіріп, оны жеп қояды. 
Дәуіт бақшаның егесіне әлгінің қойларын алып береді. Екеуі 
тысқа шыққанда не үкім берілгенін білген Сүлеймен әкесіне 
кіріп: «Бұдан да жақсырақ үкім беруге болмас па еді, уа, 
Аллаһтың пайғамбары!» – дейді. Дәуіт ұлынан: «Ол қандай 
үкім?» – деп сұрады. Сонда Сүлеймен: «Бақшаның егесіне 
1
«Сәбә» сүресі, 12-аят. 
2
«Сәбә» сүресі, 12-аят. 

254
 
 
қойлар, ал қой иесіне бақша беріліп, қой иесі бақшаға егін егіп, 
оны қалпына келтіргенше бақша иесі қойдан пайдалана тұрса... 
Бүлінген бақша қалпына келтірілгеннен кейін екеуі қайта 
алмасады», – дейді. Әрине, бұл алдыңғыға қарағанда ұтымды 
шешім еді. Құранда Аллаһ тағала осы оқиғаға қатысты:

жүктеу/скачать 1.53 Mb.

Достарыңызбен бөлісу:
1   ...   215   216   217   218   219   220   221   222   ...   254



©dereksiz.org 2024
әкімшілігінің қараңыз
    Басты бет