университетінің қауымдастырылған профессоры,
ҚР Тарих және қоғамдық ғылымдар
академиясының академигі, ҚР үздік өлкетанушысы
Қазақ халқында өлмес мұралары мен тарихта
есімдері алтын әріппен жазылып қалған күй өнерінің
алыптары көп-ақ. Солардың бірі және бірегейі, ли-
рикалық күй жанрының негізін салушы Дәулеткерей
Шығайұлының атақ-даңқы тек Қазақстанда ғана емес,
бүкіл дүние жүзіне белгілі.
Өкінішке орай, ХХ ғасырда ұлы күйшінің туған
жері, туған және қайтыс болған жылдары туралы
әр түрлі деректер айтылып келді. Солардың
кейбіреулері мынадай: кезінде Дәулеткерей Шығай-
ұлы 1799 жылы туған деген пікір болған. Осы пі-
кір негізінде 1939 жылы күйші-композитордың ту-
ғанына 140 жыл, 1949 жылы оның 150 жылдығы
рес публикамызда кең түрде аталып өткен; 1961 жы-
лы Алматы қаласында басылып шыққан “Күйлер”
атты жинақтың алғысөзінде: “Д.Шығаев 1821 жылы
бұрынғы Бөкей хандығында Қарамола (қазіргі Бөкей
ордасы ауданы аумағында – А.Ш.) деген жерде
туған”,– деп жазылған. Тарих ғылымдарының док-
торы, профессор Е.Бекмаханов 1966 жылы шыққан
“Очерки истории Казахстана ХІХ века” деген кітабында
да “Дәулеткерей 1821 жылы Бөкей хандығында
туған”,– деп көрсетеді. Күйшінің туған жылы мен туған
жері туралы Б.Ерзакович, А.Жұбанов және басқа да
зерттеуші ғалымдардың пікірлері де бір-біріне қарама-
қайшы. Ал, Қ.Ахмедияровтың авторлығымен шыққан
“Жігер” атты кітапта Дәулеткерей 1814 жылы туған
делінген. Ж.Ақбай “Радуга Ақжайық” атты кітабында
ұлы күйші 1814 жылы туған деген пікірді қостайды.
Достарыңызбен бөлісу: | 
