Оқулық «Федералдық білім беруді дамыту институты»
жүктеу/скачать 3.83 Mb. Pdf көрінісі
|
| 32
Сонымен қоса оқытушы мен студенттер арасындағы қарым- қатынастың кейбір аспекттері материалды баяндауды қысқарту үшін әдейі жеңілдетіледі. Операциялық жүйе ұсынатын әртүрлі механизмдердің жұмысы мен қолданылуын көрсететін сәттер ғана ерекшеленеді. Бұл қосымшаға арналған жиынтық мысал 1-Қосымшада келтірілген. Оқулықтың негізгі бөлімінде «Білімді тексеру» қосымшасын сипаттауға қатысты таңбасыз әріппен ерекшеленген және негізгі мәтінмен салыстырғанда сол жақтан үлкен бос жерден басталады (келесі абзацтағыдай). «Білімді тексеру» қосымшасы оқытушының студенттерге бақылау жұмыстарын тарату процесін және орындалған жұмыстарды қайтарып алу процесін автоматтандырады (сурет-1.4). Бұл қосымша негізгі пайдаланушының үш түріне арналған: ■ қолданбалы бағдарламалаушы — қолданбалы жүйе зерттемесін орындайды, оның қызметін кеңейтеді; ■ оқытушы — әртүрлі тақырыптар бойынша бақылау жұмысы нұсқаларының базасын қолдайды, студенттерге жұмыс нұсқаларын таратады, жазылған жұмыстарды жинайды да тексереді. Жұмыстарды талдау және баға қою жүйе шеңберінен шығарылған; ■ студент — бақылау жұмысының алынған нұсқалар тізімін қарайды, оларды орындайды да, орындалған жұмысты оқытушыға қайтарады. Сурет - 1.4. «Білімді тексеру» жүйесінің жұмыс жасау сұлбасы 33 «Білімді тексеру» Қосымшасы тақырып бойынша топтастырылған бақылау жұмыстардың нұсқалар базасын сақтауға арналған құралды ұсынуы қажет. Әр тақырыптың бірегей номері болуы керек, әр нұсқаның —тақырып айналасында бірегей болатын номері болады. Студенттердің жұмысы үшін оқытушы орындауға арналған жұмыс нұсқаларын орналастыратын жұмыс алаңы бөлінеді. Студенттің жұмыс алаңының ішінде арнайы бос алаң болуы қажет, ол жерге студент орындалған жұмыстарды салады. Дәл осы арнайы алаңнан оқытушы жұмыстарды тексеру үшін алады да өз жұмыс алаңына орналастырады. Осылайша, «Білімді тексеру» қосымшасында сақталған негізгі объекттерді анықтауға және жүйе пайдаланушылары ол қосымшамен жүзеге асыратын әрекеттерді білуге болады: ■ Бақылау жұмысының базасы — қолжетімді нұсқалар туралы ақпараттың негізгі қоймасы. Деректердің негізгі объекті — нұсқа. Нұсқалар тақырып бойынша топтастырылған, тақырыптар ортақ базаны құрайды; ■ студенттің жұмыс орны — студентке берілген бақылау жұмысы нұсқасын сақтау қоймасы. Әр студентте өзінің жеке жұмыс орыны бар. ■ Деректердің негізгі нысаны — бақылау жұмысының нұсқасы; ■ студенттің дайын жұмыс аймағы — студенттер орындаған, тексеруге дайын бақылау жұмысын сақтайтын орын; ■ мұғалімнің жұмыс аймағы — студенттерден жиналған бақылау жұмыстарын жинайтын орын; ■ бақылау жұмысының нұсқасы — сұрақтар мен жолақтар тізімі, студент жауаптарын жазуға арналған; ■ бақылау жұмысының орындалған нұсқасы — студент жауап үшін толтырған бақылау жұмысының нұсқасы. Жүйе пайдаланушының негізгі әрекеттерін автоматтандыруы қажет. Мұғалімнің жұмысы: ■ белгілі бір тақырып бойынша нұсқалар санын тексеру; ■ нақты бір студентке тақырып бойынша бір нұсқа беру; ■ барлық студенттерге берілген тақырып бойынша нұсқаларын |