Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
| Тəуелсіздік – тұғырым
Қатысушының аты-жөні: Русланова Ділда Русланқызы Жетекшісінің аты-жөні: Кадырова Айтбубы Масалимовна «Бұл дүниеде əрбір ел өзінің тəуелсіздігі мен бостандығын ең басты байлығы деп есептейді» – деп, Бəйкен Əшімов айтқандай, халық үшін қай заманда да Отанының азаттығынан қымбат ештеңе жоқ. Қазақ халқы қаншама жылдар, ғасырлар бойғы ұлы арманы – тəуелсіздік пен бостандыққа ХХ ғасырдың соңында қол жеткізді. Сан ғасырлар бойы небір қасіретті бастан кешсе де, ақын Ж.Молдағалиев жырлағандай, «мың өліп, мың тірілсе де» мойымаған қазақ халқы ұрпағының бас бостандығы, тəуелсіздігі үшін жан аямай күресті. Əрине, тəуелсіздік бізге оңай келген жоқ. Сол тəуелсіздік жолында еліміздің басынан азап та, аштық та, сұм соғыс та өтті. Осы жолда ұлтымыздың аяулы тұлғалары, қайтпас қайсар батырлары жанын қиды. Біз үшін қай замандағы тарихымыз болмасын қымбат, айтулы кезеңдерде ту ұстаған бабаларымыздың барлығы да құрметті. Исатай, Махамбеттер патшалық Ресейдің озбыр саясатына қасқайып қарсы тұра білді. Сан зұлматты өткерген еліміз ұлт-азаттық көтеріліске келгенде де тосылып қарап қалған жоқ. Бұл күрестер азаттық үшін өткен сан күрестің соңы емес еді. Елін, жерін жау аяғына таптатпай, сол туған жері үшін басын өлімге тіккен аталарымыздың бойындағы ерен күш, биік рухқа əр кез таңданамын. Аталарымыздың сол қасиеті елге-мұра, ұрпаққа-ұран болып келе жатыр. Əрине, олар бұл күнге жете алмаса да, өздерінің күрескерлік рухын, асқақ арманын болашақ ұрпақ жүрегіне жалғап, алдағы күнге үміт артты. Баршамызды Тəуелсіздіктің Ұлы рухы жебейді, біріктіреді, бойымызға қуат беріп, сенімімізді нығайтады. Тəуелсіз Қазақстанның басты байлығының бірі – ұлтаралық ауызбірлік. Кең байтақ елімізде көптеген ұлт өкілдері бір үйдің баласындай, тату-тəтті өмір сүріп жатыр. Алуан түрлі ұлт, дін өкілдерінің басын бір шаңырақтың астына біріктіріп, оларды келешекке нық сеніммен бастай білу əрбір басшының тағдырына жазыла бермесі анық. Ұлттар бірлігін қамтамасыз ете отырып Елбасы өз халқына, ұлтына зор сенім жүктеді: «Өз ұлтын сүю, шын мəнінде нағыз қазақ болу – өзге ұлт өкілдеріне астамшылдықпен қарау деген сөз емес», – деп ескерте келе: «Мемлекетіміздің діңгегі – қазақ халқы. Ел де, жер де – қазақтікі. Ел болудың ұяты да біздің жұрттың мойнында», – деп өз халқының алдына ауыр міндет жүктеді. Міне, Елбасымыз айтқан осынау ойлардан шыға білу біздер үшін, əсіресе, жас ұрпақ үшін зор парыз деп ойлаймын. Тəуелсіздік тұғырым: Тəуелсіздік – ең алдымен Қазақ халқының бостандыққа ұмтылған асқақ арманы мен қайсар рухының жемісі; Тəуелсіздік – сан буын ата- «Жаңа Қазақстан» республикалық дарынды жастарды қолдау ұйымы - 12 - бабаларымыздың қасиетті жеріміздің əрбір қадамын қорғау үшін төгілген өлшеусіз қаны мен терінің өтеуі; Тəуелсіздік –өз тағдырымызды өзіміз айқындау, болашағымызды өз қолымызбен жасау таңдауы деп түйдім. Осы тəуелсіздігімізді қастерлеу, еліміздің егемендігін құрметтеу біздің парызымыз. Ендеше, тəуелсіз еліміздің көгеріп-көркеюі жолында күш-жігерімізді аямауымыз қажет. Тəуелсіздікке қол жеткізген осынау жарқын күндерде менің туған өлкемде, байтақ Қазақстанда, бүкіл əлемде тек бейбітшілік болса екен деймін. Мен тəуелсіз қазақ елінің ұрпағы болғанымды мақтан тұтамын. Себебі, тəуелсіздік бəрінен қымбат, бəрінен ұлы! жүктеу/скачать 2.87 Mb. Достарыңызбен бөлісу:
|