Грамматикалық тапсырма:
1.Қарлығаш сөзіне фонетикалық талдау жаса.
2.Шылаулардың астын сыз.
3.Денесі, үңгірлерінде, қарлығаштарының, жұмыртқаны деген сөздерді сөз құрамына талдау
Диктант № 12
Мақсаты: Қазақ тілінің бағдарлама талаптарындағы білім, білік, дағдыларын тексеру, қаншалықты меңгергендерін бақылау.
Міндеті: -Ұсынылған тапсырмаларды талапқа сай орындау.
- қиын сөздердің мағынасын ашу,жазылу тәртібін түсіндіру.
Білім-біліктілігі: Дыбыстық талдау жүргізу.Сөз құрамында берілген сөзді талдау. Сөйлем мүшесіне талдау.
Аққу.
Аққу – салмағы жетіден он килограмға дейін, кейде он килограмм болатын ірі құс. Оның денесі керілген, мойны өте ұзын . Аяқтары қысқа .
Қауырсынының түсі аппақ қардай , тұмсығы мен үзбесі сары , аяқтары қара. Аққу - жыл құсы . Ерте көктемде ұя салатын жерлеріне екі – екіден ұшып келеді. Шөп – шаламнан үйілген науа сияқты ұясы көбінесе құрылықта, кейде таяз суда қамыс, құрақ арасына орналасады. Ұяға ақ немесе сарылау төрт, алты жұмыртқа салады. Ұрғашы аққу жұмыртқа басады, ал еркек аққу оны жанкештілікпен қорғайды. Балапандар қоректерін өз беттерінше табады.
(81 сөз).
Грамматикалық тапсырма:
1.Балапандар сөзіне фонетикалық талдау жаса.
2. Аяқтары, көктемде, жерлеріне, балапандар деген сөздерді сөз құрамына талдау
3. Бесінші, алтыншы сөйлемдерді сөйлем мүшесіне талдау
Қазақ тілі пәні бойынша
диктанттар жинағы
4-сынып
Достарыңызбен бөлісу: |
