Р. С. Касымова Әлеуметтік педагогтың ЖҰмыс технологиясы оқу құралы Алматы, 2020
жүктеу/скачать 3.67 Mb.
|
| «Қолдау хат»
Логотерапияда уақыт маңызды рөл атқарады. Виктор Франкл уақытты дәстүрлі үш негізгі өлшеммен көрсетеді: өткен шақ, осы шақ, болашақ. Өткен шақ қорқынышпен жұмыс жасау барысында маңызды ақпараттар көзі болып табылады. Тұлғаның қазіргі уақытта жиналған білімі, тәжірибесі, сезімдері мен ойлары өткеннің айнасы және ондағы тұлғаның іс-әрекеттері анық. Тұлғаның бұрыңғы уақыттағы поитивті және негативті тәжірибелерімен жұмыс жасауға болады. Мысалы, бұрыңғы жарыстарда жеңген сәтін позитивті тәжірибе ретінде пайдалана отырып, қорқынышпен күресте тірек ретінде қолдануға болады. Бұл тірек «бір рет қолымнан келді, екінші ретте қолымнан келеді» деген зәкірмен ұштасады. Зәкірдің қызметін хат орындайды, яғнибұрыңғы тәжірибелер жинақталған өткеннен келген хат болашақтағы іс-әрекетін мен шешімге негіз бола алады. Мақсаты:«Өткеннен хат» қалдыру болашақтағы-Менді қолдау үшін қажет. Жеңіліс пен жеңістерден құралған өтпелі кезеңдерден хат өзін-өзі қолдаудың маңыздылығын көрсетеді. Мұнда өткен шақ ресурстық рөл атқарады. Барысы:Қорқыныштарыңыз жеңгеннен кейін болашақ өзіңізге хат жазыңыз. «Болашақ-Мен» сезімін түсінуге тырысыңыз; Қазіргі өзіңізге сенімді, мықты, белсенді күйіңізбен бөлісіңіз; Қорқынышты жеңуге әсер еткен ойлар, іс-әрекет, сенімдер, әрекет немесе әрекетсіздіктерді еске түсіріңіз; Өзіңізді қолдап, алғыс айтыңыз! Хатты өзіңізге белгілі жерге сақтап қойыңыз, әр сәтсіздікте қолдау хат сізге демеу болады. Аталған әдістер кез-келген қорқынышты басқару мен жеңуге бағытталады. Арт-терапия Арт - терапия (ағылшын тілінен аударғанда art – өнер, therapy – терапия дегенді білдіреді) тұлғаның шығармашылық іс – әрекеттеріне негізделген психотерапияның саласы. Қазіргі таңда кең етек жая бастаған саланы алғаш рет тек сырқат, ауру адамдарды емдеуде ғана пайдаланды. Хилл бұл ұғымды туберкулез ауруына шалдыққан пациенттерімен жұмысын сипаттау үшін пайдаланған болатын. Ал, АҚШ пен Германияда екінші дүниежүзілік соғыстан кейін фашистік лагерлерде күйзеліске ұшыраған балалардың эмоционалды – тұлғалық мәселелерін түзету мақсатында қолданды. Заманауи арт-терапияның негізгі үш бағыты көрсетіледі: 1. Клиникалық арт – терапия медицинада көмекші терапия ретінде қолданылады. Қарым – қатынасқа түсуде қиындығы бар пациенттермен қолдануға тиімді. 2. Психологиялық мәселелері бар адамдармен жұмыс жасауда қолданылатын нақты өмірлік мәселелерді шешуге бағытталған арт – терапия . 3. Тұлғаның дамуы мен өзін – өзі жетілдіруге бағытталған арт – терапия. жүктеу/скачать 3.67 Mb. Достарыңызбен бөлісу:
|