-
Технологиялық карта құрылысты құрылыстағы еңбек өнімділілігін және құрылыс-монтаждау жұмыстарының сапасын арттыруға, жұмыстарды жүргізу кезінде еңбекті және қоршаған ортаны қорғау талаптарын сақтай отырып, құрылыс-монтаждау жұмыстарын ұйымдастыру, технологиясы және механикаландыру бойынша ұтымды шешімдермен қамтамасыз ету үшін әзірленеді.
-
Технологиялық карта қазіргі заманғы механикаландыру құралдарын, технологиялық керек-жарақтарды, құралдарды, саймандарды және құрылғыларды, материалдық-техникалық ресурстарды барынша тиімді пайдалана отырып, еңбекті ұйымдастыру бойынша іс-шаралар кешенін қамтиды.
-
Технологиялық карталар мыналарды пайдалану үшін жасалады:
жұмыстардың – геодезиялық, жер, қадалық, тас, монтаждау, бетон, шатыр, едендерді орнату, санитарлық-техникалық, әрлеу және т.б. жеке түрлерін орындауға.
- жұмыстарды жүргізу жобасының құрамында – ғимаратты, құрылысты немесе олардың бөлігін (торабын) салуға;
-
Технологиялық картада құрылыс процесінің технологиялық операцияларының құрамы және жүйелілігі, құрылыс машиналарының және жабдықтардың, технологиялық керек-жарақтардың, құрал мен құрылғылардың құрамы және саны келтіріледі, материалдық-техникалық ресурстардың шығыны анықталады, жұмыстардың сапасына және қабылдауға қойылатын талаптар белгіленеді, еңбекті қорғау, қауіпсіздік және қоршаған ортаны қорғау бойынша іс-шаралар көзделеді.
-
Материалдық-техникалық ресурстар, еңбек және машиналы уақыт шығындары технологиялық процеске және операцияларына, жұмыстардың барлық көлеміне немесе соңғы өнімнің ірілендірілген өлшегіштеріне арналған технологиялық карталарда келтіріледі.
-
Технологиялық карталарды әзірлеу үшін нормативтік база қолданыстағы мемлекеттік стандарттар, құрылыс нормалары және ержелер, басқа да нормативтік-техникалық құжаттар, сондай-ақ, хронометраж немесе жұмыс күнінің фотосуреті болып табылады.
-
Технологиялық карталарды әзірлеу үшін пайдаланылған бастапқы деректерді сақтау Ұлттық қорлар және мұрағаттар туралы Қазақстан Республикасының заңнамасына сәйкес жүзеге асырылуға тиіс.
5 Технологиялық карталардың мазмұнына қойылатын талаптар
-
5.1 Технологиялық карталар мынадай бөлімдерді қамтуға тиіс:
Жалпы ережелер;
Қолдану саласы;
Нормативтік сілтемелер;
Негізгі қолданылатын материалдар мен бұйымдардың сипаттамалары;
Жұмыстарды жүргізуді ұйымдастыру және технологиясы;
Материалдық-техникалық ресурстар;
Жұмыстардың сапасына қойылатын талаптар;
Қауіпсіздік техникасы және еңбекті қорғау.
-
Егер Тапсырыс берушінің техникалық тапсырмасында еңбек шығындары және ресурстар нормаларын әзірлеу көзделген жағдайда технологиялық карталарда «Еңбек шығындарының калькуляциясы» бөлімі әзірленеді. Бұл ретте материалдық-техникалық ресурстарға қажеттілік «Материалдық-техникалық ресурстар» бөлімінде келтіріледі.
-
Бөлімдердің құрамы «Мазмұны» деген атаумен технологиялық картаның жеке парағында көрсетіледі.
-
«Жалпы ережелер» бөлімінде олар үшін осы технологиялық карта әзірленетін технологиялық процестің, ғимарат (құрылыс) типі (түрі), конструктивтік бөлшек немесе ғимарат бөлігінің сипаты және атауы көрсетіледі.
-
«Қолдану саласы» бөлімі: олар үшін осы технологиялық карта әзірленетін технологиялық процестің атауын, конструктивтік бөлшек немесе ғимараттың, құрылыстың бөлігінің атауын; жұмыстарды жүргізудің, оның ішінде температуралық, ылғалдық, метеорологиялық және және т.б шарттары мен ерекшеліктерін; жұмыстардың құрамын, еңбек режимін, технологиялық картаны қолдану бойынша ұсынымдарды қамтуға тиіс.
-
«Нормативтік сілтемелер» бөлімі оларға технологиялық картада сілтемелер берілген нормативтік және басқа да құжаттардың (нормалар, ережелер, стандарттар және т.б.), белгіленуін және атауын қамтуға тиіс.
-
«Негізгі қолданылатын материалдар мен бұйымдардың сипаттамалары» бөлімі құрылыс материалдары мен бұйымдарының атауын және белгіленуін; олар бойынша жүргізілетін стандарттау және сертификаттау құжаттарының (МЕМСТ, ҚР СТ, сәйкестік сертификаты және т.б.) атауын және белгіленуін; сауда маркаларына, белгілеріне және т.б. өнім өндірушілерге сілтемелерді қамтуға тиіс.
-
Импортталатын құрылыс материалдары мен бұйымдары, сондай-ақ, міндетті сертификаттауға жататын материалдар мен бұйымдар Қазақстан Республикасының сәйкестік сертификатына ие болуға тиіс.
-
Барлық технологиялық карталарда буып-ілу және қалап жинау схемаларын көрсете отырып, материалдар мен бұйымдарды тасымалдау, қалап жинау және сақтауға қойылатын талаптар келтірілуге тиіс.
-
«Жұмыстарды жүргізуді ұйымдастыру және технологиясы» бөлімі дайындық, негізгі, қосалқы және қорытынды жұмыстарға бөлінеді.
-
Бөлім мыналарды қамтуға тиіс:
бұрын орындалған (алдыңғы) жұмыстардың сапасына және аяқталғандығына қойылатын талаптар;
дайындық жұмыстарының сапасына және аяқталғандығына қойылатын талаптар, оларды өткізу тәртібі;
технологиялық операцияларды орындау кезінде жұмыс орындарын ұйымдастыру схемасы;
жұмыстарды орындаудың технологиялық жүйелілігінің сипаттамасы;
жұмыс аймағында материалдар мен бұйымдарды сақтаудың ұзақтығы және қоры бойынша нұсқаулар;
технологиялық қамтамасыз етудің қолданылатын құралдарын (технологиялық керек-жарақтар, құрал, саймандар және құрылғылар), машиналарды, тетіктерді, жабдықтарды және орындаушыларды (мамандығы, разряды, буын құрамы) технологиялық операциялардың атауы, олардың сипаттамасы және орындау жүйелілігі;
жұмыстарды жүргізу бойынша нұсқау және уақыттың қысқы кезеңіндегі олардың ерекшеліктері.
-
Технологиялық операциялардың атауы, олардың сипаттамасы және орындау жүйелілігі осы Мемлекеттік нормативке 1-қосымшада келтірілген нысан бойынша операциялық карта түрінде ресімделеді.
-
«Материалдық-техникалық ресурстарға қажеттілік» бөлімі мыналарды қамтуға тиіс:
осы Мемлекеттік нормативке 2-қосымшада келтірілген нысан бойынша жұмыстарды жүргізу кезінде пайдаланылатын материалдар мен бұйымдарға қажеттілік ведомосі;
осы Мемлекеттік нормативке 3-қосымшада келтірілген нысан бойынша технологиялық процесті орындау үшін қажетті технологиялық қамтамасыз ету құралдарының, машиналардың, тетіктер мен жабдықтардың тізбесі.
-
Материалдардың, бұйымдардың және жабдықтардың саны және номенклатурасы өндірістік нормалар немесе ресурстар шығынын нормалау негізінде белгіленетін жұмыс сызбалары, ерекшеліктер бойынша немесе физикалық көлемдері бойынша анықталады.
-
Технологиялық қамтамасыз ету құралдарының, машиналардың, тетіктер мен жабдықтардың саны және типтері жұмыстардың көлемдеріне, оларды орындау мерзімдеріне, ауысымдар санына және ЖЖР-ге сәйкес технологиялық картада қабылданған жұмыстарды ұйымдастыру схемасы бойынша анықталады.
-
«Жұмыстардың сапасына қойылатын талаптар» бөлімі құрылыс-монтаждау жұмыстарын жүргізу және қабылдау кезінде мынадай бақылау әдістері мен құралдарын қамтуға тиіс:
түсетін өнімді кіру бақылауы;
технологиялық операцияларды орындау кезеңдерінде операциялық бақылау;
орындалған жұмыстарды қабылдау бақылауы.
-
Бақылаудың барлық түрлері үшін мыналар көрсетілуге тиіс:
бақыланатын көрсеткіштер;
бақылау орны;
бақылау көлемі;
бақылау мерзімділігі;
бақылау әдісі және нормативтік құжатты белгілеу;
өлшем құралдары және сынақ жабдығы, маркасы (типі), техникалық сипаттамалары (өлшеу ауқымы, бөлу бағасы, дәлдік сыныбы және т.б.);
бақылауды орындаушы (бөлім, қызмет, маман);
бақылау нәтижелері тіркелетін құжат (жұмыс журналдары, жасырын жұмыстарды куәландыру актілері, сынақтар хаттамалары және т.б.).
-
«Сапаны бақылау және жұмыстарды қабылдау» бөлімі осы Мемлекеттік нормативке 4-қосымшада келтірілген нысан бойынша ресімделеді.
-
«Қауіпсіздік техникасы және еңбекті қорғау» бөлімі барлық жұмыс орындары үшін технологиялық операцияларды орындаудың қауіпсіз әдістерінің сипаттамасын қамтуға тиіс, оның ішінде:
еңбекті қорғау және қауіпсіздік техникасы бойынша шешімдер;
қауіпті аймақтарды, ескерту жазбалары мен белгілерін, жұмыс орындарын жарықтандыру тәсілдерін көрсете отырып, жұмыс орындарын қауіпсіз ұйымдастыру схемалары;
технологиялық қамтамасыз ету құралдарын, машиналарды, тетіктер мен жабдықтарды қауіпсіз пайдалану ережелері;
қолданылатын жеке қорғаныш құралдары және оларды пайдалану бойынша нұсқаулар;
дәнекерлеу жұмыстарын және ашық алау отты пайдаланумен байланысты жұмыстарды қауіпсіз орындау ережелері;
жұмыстарды жүргізуге қойлатын экологиялық талаптар (қалдықтарды жинау және жою шарттары; шу деңгейін шектеу; жұмыс аймағының ауасындағы зиянды заттардың, тозаңның шоғырлануы және т.б.).
-
Еңбекті және қоршаған ортаны қорғау бойынша талаптар қолданыстағы ережелерге және нормаларға сәйкес баяндалады.
-
Еңбекті қорғау бойынша шешімдердің құрамы мен мазмұны еңбек қауіпсіздігі жөніндегі қолданыстағы нормативтік құжаттардың талаптарына сәйкес келуге тиіс.
-
«Еңбек шығындарының калькуляциясы» бөлімі осы Мемлекеттік нормативке 5-қосымшаның нысаны бойынша еңбек шығындарының калькуляциялар кестесін қамтуға тиіс.
-
Технологиялық процестің негізгі операциялары оларды орындаудың технологиялық жүйелілігінде келтіріледі.
-
Калькуляцияға сондай-ақ, дайындық, қосалқы және қорытынды жұмыстар (жұмыс аймағында материалдар мен бұйымдарды түсіру және қалап жинау, материалдар мен бұйымдарды қалап жинау немесе монтаждау орнына әперу және т.б.) орындалатын технологиялық операциялар енгізіледі.
Достарыңызбен бөлісу: |
