АЗАМАТТЫҚ ҚОРҒАУДЫҢ МЕМЛЕКЕТТІК ЖҮЙЕСІ

1) Төтенше жағдайлар мен олардың салдарларының алдын алу және оларды жою;

2) Төтенше жағдайлар туындаған кезде адамдарды құтқару және бейбіт және соғыс уақытында авариялық-құтқару және кезек күттірмейтін жұмыстарды;

3) азаматтық қорғау күштерін құру, оларды даярлау және ұдайы әзірлікте ұстап тұру болып табылады;

4) орталық және жергілікті атқарушы органдардың, ұйымдардың мамандарын даярлау және оқыту;

5) қорғау құрылыстарының қажетті қорын, қорларын жинақтауға және әзірлікте ұстауға міндетті азаматтық қорғаныстың жеке қорғану құралдары мен басқа да мүліктері;

6) халықты, азаматтық қорғаудың басқару органдарын хабардар ету және құлақтандыру төтенше жағдайдың туындау қатері туралы болжам болған кезде алдын ала және (немесе) төтенше жағдай туындаған кезде жедел түрде;

7) азық-түлікті, су көздерін (шаруашылық-ауыз су мақсаттары үшін су жинау орындарын), тамақ шикізатын, жемшөпті, жануарлар мен өсімдіктерді радиоактивті, химиялық, бактериологиялық (биологиялық) жұқтырудан, эпизоотиядан және эпифитотиядан қорғау;

8) өнеркәсіптік және өрт қауіпсіздігін қамтамасыз ету;

9) құлақтандыру және байланыс жүйелерін құруды, дамытуды және ұдайы әзірлікте ұстап тұруды қамтамасыз етеді;

10) қазіргі заманғы зақымдау құралдарының қауіпті факторларының әсерін азайту немесе жою жөніндегі іс-шараларды мониторингтеу, әзірлеу және іске асыру;

11) Мемлекеттік резервті қалыптастыруды, сақтауды және пайдалануды қамтамасыз ету болып табылады.

Азаматтық Қорғаныс (АҚ) — мемлекеттік қорғаныс шаралары жүйесінің құрамдас бөлігі. Міндеттері: жергілікті халық пен халық шаруашылығын жау шабуылынан, жаппай қыру қаруынан, табиғат апаттарынан т.б. төтенше жағдайлардан қорғау және қорғану шараларын үйрету; су тасқыны, сел, жер сілкінісі, өрт болған аймақтарда құтқару жұмыстарын жүргізу; халыққа жау шабуылының немесе табиғат апатының қаупі туралы алдын-ала хабарлау,т.б. азаматтық қорғаныс бейбіт кезеңде және соғыс уақытында мынадай шараларды жүзеге асырады: жаппай қыру қаруынан сақтану үшін арнайы қорғаныс жайлары салынып, жеке бас қорғаныс жабдықтары дайындалады, ірі қалалар тұрғындары қауіпсіз жерге көшіріліп, оларға қорғану тәсілдері үйретіледі, ықтимал қауіп туралы халыққа егжей-тегжейлі түсіндіріледі, соғыс кезінде өндіріс орындары мен мекемелерде жұмыс тоқтамау үшін әртүрлі ұйымдастыру және инженер-техникалық шаралар жүргізіледі, нақты өндіріс орындары қорғалады, математика-техника құралдар, электр энергиясын шығару көздері, газбен, сумен қамтамасыз ету қорлары жасалады; қираған шаруашылықтарды қалпына келтіруге қажетті қосалқы жабдықтар жинастырылады, арнайы азаматтық қорғаныс топтары құрылады. Қазақстан Республикасында азаматтық қорғаныс барлық жерде аймақтық-өндірістік принциппен ұйымдастырылған. Оны Қазақстан Республикасы Төтенше жағдайлар жөніндегі мемлекеттік комитетінің төрағасы тікелей басқарады. Комитеттің облыстық, қалалық және аудандық бөлімдері бар. Жергілікті жерлерде мекеме, ұйым, оқу орындары, өнеркәсіп басшылары және азаматтық қорғаныс шараларын өткізуге жауапты болып табылады.