-БАП ҚОҒАМНЫҢ ЛАУАЗЫМДЫ ТҰЛҒАЛАРЫ

1) өздеріне жүктелген міндеттерді адал орындайды және Қоғам мен Жалғыз акционердің мүдделерін неғұрлым жоғары деңгейде көрсететін тәсілдерді қолданады;

2) Қоғамның мүлкін пайдалануға немесе оның Жарғыға және Жалғыз акционер мен Директорлар кеңесінің шешімдеріне қайшы, сондай-ақ жеке мақсаттарда пайдаланылуына жол беруге және өздерінің аффилиирленген тұлғаларымен мәміле жасасу кезінде оларға қиянатшылық жасауға тиісті емес;

3) тәуелсіз аудит жүргізуді қоса алғанда, бухгалтерлік есепке алу мен қаржылық есеп беру жүйесінің тұтастығын қамтамасыз етуге міндетті;

4) Қазақстан Республикасы заңнамасының талаптарына сәйкес Қоғамның қызметі туралы ақпараттың жария болуын және берілуін бақылап отырады;

5) Қоғамның қызметі туралы ақпараттың, егер Қоғамның ішкі құжаттарымен өзгеше көзделмесе, соның ішінде Қоғамда жұмыс істеуін тоқтатқан сәттен бастап үш жыл ішінде құпиялығын сақтау.

122. Қоғамның лауазымды тұлғалары Қоғам және Акционер алдында олардың әрекеттерімен (әрекетсіздігімен) келтірілген зиян үшін Қазақстан Республикасының заңдарына сәйкес, соның ішінде:

1) қателесуге әкеліп соғатын ақпарат немесе көрінеу жалған ақпарат берудің;

2) Заңмен белгіленген ақпарат берудің тәртібін бұзудың нәтижесінде шеккен залалдар үшін жауапты болады.

123. Қоғам Акционердің шешімінің негізінде сотқа лауазымды тұлғаның Қоғамға келтірген зиянын не болмаса залалдарының орнын толтыруы туралы жүгінуге құқылы.

123-1. Қоғамның лауазымды тұлғалалары егер олар Қоғамның не болмаса Акционердің зиян шегуіне әкеліп соққан қоғамның органы қабылдаған шешімге қарсы дауыс берсе, немесе дауыс беруге қатыспаса, жауапкершіліктен босатылады.

15-БАП

ІШКІ АУДИТ ҚЫЗМЕТІ
124. Қоғамның қаржылық-шаруашылық қызметін бақылау, Қоғамның, ішкі бақылау жасау саласын бағалау, қатерлерді басқару, корпоративтік басқару саласында құжаттарды орындау және Қоғамның қызметін жетілдіру мақсатында консультация беруді жүзеге асыру үшін Ішкі аудит қызметі құрылады. Ішкі аудит қызметінің қызметкерлері Директорлар кеңесінің және Қоғамның Басқармасының құрамына сайлана алмайды.

125. Ішкі аудит қызметінің басшысы Қоғамның Директорлар кеңесі төрағасының ұсынысы бойынша Басқарма төрағасымен лауазымға тағайындалады.

126. Ішкі аудит қызметі Директорлар кеңесі белгілеген тәртіппен:

1) Директорлар кеңесіне Қоғамның қызметі туралы тәуелсіз объективті ақпарат береді;

2) бағалау жүргізеді, консультация береді және жүйелендірілген әрі бірізділік тәсілдеме қолданып тәуекелдіктерді басқару, ішкі бақылау мен корпоративтік басқару процестерін жетілдіруге септігін тигізеді;

3) Ішкі аудит қызметі туралы ережеге сәйкес оның құзырына кіретін өзге функцияларды жүзеге асырады.

127. Ішкі аудит қызметі тікелей Директорлар кеңесіне бағынады және оның алдында өзінің жұмысы туралы есеп береді. Ішкі аудит қызметіне жетекшілік етуді Қоғамның Директорлар кеңесінің Аудит жөніндегі комитеті жүзеге асырады. Ішкі аудит қызметінің міндеттері мен функциялары, оның құқықтары мен жауапкершілігі, сондай-ақ оның жұмыс тәртібі Директорлар кеңесі бекітетін Қоғамның Ішкі аудит қызметі туралы ережемен белгіленеді.

128. Қоғам мен Ішкі аудит қызметінің қызметкерлері арасындағы еңбек қатынастары Қазақстан Республикасының заңнамасымен және осы Жарғымен реттеледі.

130 (13-тармақ алынып тасталған);

131. Қоғамның бухгалтерлік есепке алуын жүргізу және қаржылық есеп беруін жасау тәртібі Қазақстан Республикасының бухгалтерлік есепке алу және қаржылық есептілік туралы заңнамасына сәйкес белгіленеді.

132. Басқарма Қоғамның Жалғыз акционеріне жыл сайын талқылау және бекіту үшін өткен жылғы жылдық қаржылық есептілікті, Қазақстан Республикасының аудиторлық қызмет жөніндегі заңдарына сәйкес жасалған аудитті табыс етеді. Қоғамның жылдық қаржылық есептілігі Жалғыз акционерінің бекіту датасынан кем дегенде 30 (отыз) күн бұрын Қоғамның Директорлар кеңесінің алдын-ала бекітуіне жатады.

Қаржылық есептіліктен басқа Басқарма Жалғыз акционерге аудитордың ұсыныстарын қоса (басшылыққа хат), аудиторлық есеп береді.

133. Қоғам Қазақстан Республикасының қолданыстағы заңнамасына сәйкес қаржылық жылдың нәтижелері бойынша жылдық аудит жүргізеді.

134. Қоғамның аудиті Директорлар кеңесінің, Басқарманың бастамасы бойынша Қоғамның есебінен немесе Жалғыз акционердің талабы бойынша оның есебінен жүргізіледі, бұл ретте Жалғыз акционер аудиторлық ұйымды өздігінен белгілеуге құқылы. Аудит Жалғыз акционердің талабы бойынша жүргізілген жағдайда, Қоғам аудиторлық ұйым сұратқан барлық қажетті құжаттаманы (материалдарды) беруге міндетті.

135. Егер Басқарма Қоғамның аудитін өткізуден жалтаратын болса, аудит кез келген мүдделі тұлғаның талабы бойынша соттың шешімімен тағайындалуы мүмкін.

136. Қоғам жыл сайын, өкілетті орган белгілеген мерзімдерде, жылдық бухгалтерлік теңгерімді, капиталдағы барлық өзгерістерді көрсететін есепті, ақша қаражаттарының қозғалысы туралы есепті және пайдалар мен залалдар туралы есеп бұқаралық ақпарат құралдарында жариялауға міндетті. Қоғам өзге қаржылық есептілікті қосымша жариялауға құқылы.

137. Қоғамның жылдық қаржылық есептілігінің шүбәсіздігін, сондай-ақ істердің ағымдық жай-күйін тексеру және растау үшін Қоғам жыл сайын қаржылық есептілік пен аудиттің халықаралық стандарттарына сәйкес қаржылық жылдың қорытындылары бойынша кем дегенде 90 күннен кейін Қазақстан Республикасының заңнамасымен және Жалғыз акционердің шешімдерімен белгіленген тәртіппен жыл сайын аудит жүргізуге міндетті.

Жалғыз акционердің мүддесін қозғайтын ақпарат болып:

1) Қоғамның Жалғыз акционері мен Директорлар кеңесі қабылдаған шешімдер және қабылданған шешімдердің орындалуы туралы ақпарат;

2) Қоғамның акциялар мен басқа да бағалы қағаздарды шығаруы және уәкілетті органның Қоғамның бағалы қағаздарды орналастыру қорытындылары туралы есептерін бекітуі, Қоғамның бағалы қағаздарды өтеу қорытындылары туралы есептерін бекітуі, уәкілетті органның Қоғамның бағалы қағаздарын жоюы;

3) Қоғамның ірі мәмілелер және Қоғамның оны жасауға өзі мүдделі мәмілелер жасасуы;

4) Қоғамның меншікті капиталы көлемінің жиырма бес және одан да астам пайызын құрайтын көлемде Қоғамның қарыз алуы;

5) Қоғамның қандай да бір қызмет түрлерін жүзеге асыруға лицензиялар алуы, Қоғамның бұрын қандай да бір қызмет түрлерін жүзеге асыруға алған лицензияларының іс-әрекетін тоқтата тұруы немесе мүлде тоқтатуы;

6) Қоғамның заңды тұлғаны құруға қатысуы;

7) Қоғамның мүлкін пайдалануға тыйым салынуы;

8) нәтижесінде теңгерім құны Қоғам активтерінің жалпы көлемінің он немесе одан да астам пайызын құрайтын Қоғамның мүлкі жойылған төтенше сипаттағы жағдайлардың тууы;

9) Қоғамды және оның лауазымды тұлғаларын әкімшілік жауапкершілікке тарту;

10) Қоғамды еркінен тыс қайта ұйымдастыру туралы шешім;

11) Қоғамның Жарғысына сәйкес Жалғыз акционердің мүддесін қамтитын өзге ақпарат танылады.

139. Жарғының осы бабының 138-тармағында көрсетілген Қоғамның іс-әрекеті туралы ақпарат беру Қазақстан Республикасының заңнамасына сәйкес жүзеге асырылады.

140. Қоғамның оның қызметіне қатысты құжаттарын Қоғам Басқарманың орналасқан жері бойынша оның бүкіл қызмет ету мерзімі бойына сақтауы тиіс.

141. Сақтауға мынадай құжаттар жатады:

1) Жарғы, Жарғыға енгізілген өзгертулер мен толықтырулар;

2) құрылтайлық жиналыстардың хаттамалары;

3) Қоғамның заңды тұлға ретінде мемлекеттік тіркелгені (қайта тіркелгені) туралы куәлік;

4) Қоғамның статистикалық карточкасы;

5) Қоғамның белгілі бір қызмет түрлерімен айналысуға және (немесе) белгілі бір іс-әрекеттер жасауға лицензиялары;

6) Қоғамның өзінің балансында тұрған (бұрын тұрған) мүлікке деген құқығын растайтын құжаттар;

7) Қоғамның бағалы қағаздарын шығару проспектілері;

8) Қоғамның бағалы қағаздарды шығаруының мемлекеттік тіркелуін, бағалы қағаздардың жойылуын, сондай-ақ Қоғамның уәкілетті органға берілген бағалы қағаздарын орналастыру және өтеу қорытындылары туралы есептердің бекітілуін растайтын құжаттар;

9) Қоғамның филиалдары және өкілдіктері туралы ережелер;

10) қоса берілген материалдарымен бірге Қоғамның Жалғыз акционерінің шешімдері;

11) Директорлар кеңесі отырыстарының хаттамалары (сырттай өткізілген отырыстардың шешімдері), Директорлар кеңесінің күн тәртібіне қойылған мәселелер жөніндегі материалдар;

12) Басқарма отырысының хаттамалары (шешімдері);

13) корпоративтік басқару кодексі ол болған жағдайда.

142. Өзге құжаттар, соның ішінде Қоғамның қаржылық есебі Қазақстан Республикасының заңнамасымен белгіленген мерзім бойы сақталады.

143. Оған Жарғының осы бабында көрсетілген ақпарат пен құжаттарды беру туралы Жалғыз акционердің сұратуы бойынша Қоғам тиісті сұратуды алу күнінен бастап отыз күннің ішінде, егер сұратуда өзге мерзім көрсетілмеген болса, оларды Қоғамның ішкі басшылық құжаттарымен белгіленген тәртіппен және Қоғамның коммерциялық, қызметтік немесе заңмен қорғалатын өзге құпиясын қамтамасыз ету жөніндегі шектеулерін ескере отырып, өтінім берушіге ұсынуы міндетті.

Қоғамның бағалы қағаздарын шығарудың, орналастырудың, айналымға шығарудың және конвертациялаудың жекелеген мәселелерін регламенттейтін, қызметтік, коммерциялық немесе өзге де заңмен қорғалатын құпиядан тұратын құжаттар Жалғыз акционерге танысуға оның талап етуі бойынша ұсынылуы тиіс.

144. Қоғам өзінің аффилиирленген тұлғаларының есебін осы тұлғалардың берген мәліметтерінің негізінде жүргізеді.

Қоғам өзінің аффилиирленген тұлғаларының тізімін құнды қағаздардың рыногын реттеу мен қадағалауды жүзеге асыратын мемлекеттік органға ол белгілеген тәртіппен береді.

145. Жалғыз акционер және Қоғамның лауазымдық тұлғасы өзінің аффилиирленген тұлғалары туралы ақпаратты Жарғы бекітілген күннен бастап 15 күннің ішінде, сондай-ақ аффилиирленгендік пайда болуы бойынша ол пайда болған күннен бастап 7 күннің ішінде ақпаратты Қоғам Басқармасының Төрағасына береді.

Бұрынырақта Жалғыз акционер немесе Қоғамның лауазымдық тұлғасы аффилиирленген ретінде көрсетілген тұлға ондай болудан қалған жағдайда Жалғыз акционер немесе Қоғамның лауазымдық тұлғасы бұл жөнінде Қоғам Басқармасының төрағасын 5 күндік мерзімде хабардар етеді.

Аффилиирленген тұлғалар жөніндегі ақпарат Қоғам Басқармасының Төрағасына құнды қағаздардың рыногын реттеу мен қадағалауды жүзеге асыратын мемлекеттік органның бекіткен нысанына сәйкес беріледі.
18-БАП

ҚОҒАМДЫ ҚАЙТА ҰЙЫМДАСТЫРУ
146. Қоғамды қайта ұйымдастыру Қазақстан Республикасының заңнамалық актілерімен белгіленген ерекшеліктер ескеріліп, Қазақстан Республикасының Азаматтық Кодексіне сәйкес жүзеге асырылады.

147. Егер қайта ұйымдастырған жағдайда Қоғам өз қызметін тоқтататын болса, оның акцияларын шығару Қазақстан Республикасының заңнамасымен белгіленген тәртіппен жойылуға жатады.

149. Қоғамды еркінен тыс таратуды Қазақстан Республикасының заңнамалық актілерімен көзделген жағдайларда сот жүзеге асырады.

Қоғамды тарату туралы талап, егер өзге Қазақстан Республикасының заңнамасымен қаралмаған болса, сотқа мүдделі тұлғалармен берілуі мүмкін.

150. Соттың немесе Қоғамның Жалғыз акционерінің шешімімен Қоғамды тарату туралы тарату комиссиясы тағайындалады.

Тарату комиссиясы Қоғамды тарату кезінде оны басқару және тізбесі Қазақстан Республикасының заңнамасымен белгіленген қызметтерді жасау жөніндегі өкілеттіктерге ие болады.

Өз еркімен тарату кезінде тарату комиссиясының құрамына Қоғам кредиторларының өкілдері, Жалғыз акционердің өкілдері, сондай-ақ Жалғыз акционердің шешіміне сәйкес өзге де тұлғалар енгізілуі тиіс.

151. Қоғамды тарату рәсімі және оның кредиторларының талаптарын қанағаттандыру тәртібі Қазақстан Республикасының заңнамасымен реттеледі.

152. Қоғамды тарату кезінде оның жарияланған, соның ішінде орналастырылған акциялары Қазақстан Республикасының заңнамасымен белгіленген тәртіппен жойылуға жатады.

155. Егер Жарғы ережелерінің біреуі жарамсыз болып шықса, онда ол қалған ережелердің жарамдылығына ықпалын тигізбейді.

Жарамсыз ереже құқықтық тұрғыдан рұқсат етілген, мағынасы жағынан жақын ережемен алмастырылады.