Реферат kz Қазақша рефераттар сайты «Самұрық» мемлекеттік активтерді басқару жөніндегі қазақстандық холдингі» АҚ 2006 жылғы № бұйрығымен бекітілген

9–БАП. ҚОҒАМНЫҢ ОРГАНДАРЫ

1) жоғары органы	-	акционерлердің жалпы жиналысы (Жалғыз акционер);
2) басқару органы	-	Директорлар кеңесі;
3) атқарушы органы	-	Басқарма;
4) Қоғамның қызметін жетілдіру мақсатында Қоғамның қаржылық-шаруашылық қызметіне бақылауды, ішкі бақылау, қатерлерді басқару саласындағы бағалауды, корпоративтік басқару және кеңес беру саласындағы құжаттарды орындауды жүзеге асыратын орган	-	Ішкі аудит қызметі.

75. Қоғамда акционерлердің жалпы жиналыстары өткізілмейді. Қазақстан Республикасының заңнамасымен және Жарғымен акционерлердің жалпы жиналысының құзыретіне жатқызылған мәселелер бойынша шешімдерді акционер жалғыз өзі қабылдайды және олар жазбаша түрде ресімдеуге жатады.

76. Жалғыз акционердің айрықша құзыретіне мынадай мәселелер жатады:

1) Қоғамның Жарғысына өзгерістер мен толықтырулар енгізу немесе оның жаңа редакциясын бекіту;

2) корпоративтік басқару кодексін, сондай-ақ оған өзгерістер мен толықтыруларды бекіту;

3) Қоғамды өз еркімен қайта ұйымдастыру немесе тарату;

3-1) қоғамның құнды қағаздарын конвертациялау шарттары мен тәртібін белгілеу, сондай-ақ оларды өзгерту;

4) Қоғамның жарияланған акцияларының санын көбейту немесе Қоғамның орналастырылмаған жарияланған акцияларының түрін өзгерту туралы шешім қабылдау;

5) Директорлар кеңесінің сандық құрамын, өкілеттіктерінің мерзімін белгілеу, Төрағаны және оның мүшелерін сайлау және олардың өкілеттіктерін мерзімінен бұрын тоқтату, сондай-ақ Директорлар кеңесінің мүшелеріне төленетін сыйақылар мөлшері мен төлеу шарттарын белгілеу;

6) белгіленген тәртіппен Қоғам Басқармасының Төрағасын (Президентін) сайлау, сондай-ақ оның уәкілеттілігін мерзімінен бұрын тоқтату;

7) Қоғамның аудитін жүзеге асыратын аудиторлық ұйымды белгілеу;

8) жылдық қаржылық есебін бекіту;

9) есептік қаржылық жыл бойынша Қоғамның таза табысын бөлу тәртібін бекіту;

10) жай акциялар бойынша дивидендтер төлеу туралы шешім қабылдау және Қоғамның бір жай акциясына есептелген дивидендтер мөлшерін бекіту;

11) Заңмен көзделген жағдайларда Қоғамның жай акциялары бойынша дивидендтер төлемеу туралы шешімдер қабылдау;

12) сомасында Қоғамға тиесілі барлық активтердің жиырма бес және одан да артық пайызын құрайтын активтердің бір не бірнеше бөлігін беру жолымен Қоғамның басқа заңды тұлғаларды құруға не олардың қызметіне қатысуы туралы шешім қабылдау;

13) Заңға сәйкес акцияларды Қоғам сатып алған кезде олардың құнын белгілеу әдістемесіне (егер әдістемесі құрылтай жиналысында бекітілмесе, әдістемесін бекіту) өзгерістерді бекіту;

14) Жалғыз акционерге Қоғам қызметі туралы ақпарат беру тәртібін белгілеу, оның ішінде бұқаралық аппарат құралдарын белгілеу;

15) Жалғыз акционер белгілеген тәртіппен 5 жылға Қоғамның дамуының стратегиялық бағыттарын белгілеу;

16) қызметтік жеңіл машиналарды беру нормативтерін және әкімшілік аппаратты орналастыру үшін алаңдар нормаларын белгілеу;

17) іссапарға жіберілетін Қоғам қызметкерлерінің шығыстарының орнын толтыру тәртібі мен шарттарын белгілеу;

18) қызметкерлерге мобильді байланыспен пайдалану құқығын беру кезінде Қоғамның қаражаттары есебінен орны толтырылатын шығыстар лимитін, өкілдік шығыстар лимитін және өзге лимиттерді акционердің шешімі бойынша белгілеу;

19) Жалғыз акционердің қарауына енгізілетін мәселелереді бекіту;

20) олар бойынша шешімдер қабылдау Қазақстан Республикасының Заңымен және Жарғымен Қоғамның Жалғыз акционерінің айрықша құзыретіне жатқызылған өзге де мәселелер.

77. Заңмен және Қазақстан Республикасының басқа да заңнамалық актілермен өзгеше көзделмесе, олар бойынша шешімдер шығару Қоғамның Жалғыз акционерінің айрықша құзыретіне жатқызылған мәселелердің Қоғамның басқа органдарының, лауазымды тұлғаларының және қызметкерлерінің құзыретіне берілуіне жол берілмейді.

78. Жалғыз акционер Қоғамның ішкі қызметіне жататын мәселелер бойынша Қоғамның өзге органдарының кез келген шешімінің күшін жоюға құқылы.
12-БАП. ДИРЕКТОРЛАР КЕҢЕСІ
79. Директорлар кеңесі, Қоғамның Акционерінің айрықша құзыретіне “Акционерлік қоғамдар туралы” Қазақстан Республикасының Заңымен және Қоғам Жарғысымен жатқызылған мәселелерді шешуден басқа, Қоғамның қызметін жалпы басқаруды жүзеге асырады.

80. Егер өзгесі Заңмен белгіленбесе, Директорлар кеңесінің айрықша құзыретіне мынадай мәселелер:

1) Қоғам қызметінің басым бағыттарын белгілеу, сондай-ақ Қоғам дамуының 5 жылға арналған стратегиялық бағыттарын мақұлдау және кейіннен Қоғамның Жалғыз акционерінің қарауына ұсыну;

2) жарияланған акциялардың саны шегінде акцияларды орналастыру (өткізу) туралы, оның ішінде орналастырылатын (өткізілетін) акциялардың саны, оларды орналастыру (өткізу) тәсілі мен бағасы туралы шешім қабылдау;

3) орналастырылған акцияларды немесе басқа бағалы қағаздарды Қоғамның сатып алуы және оларды сатып алу бағасы туралы шешім қабылдау;

4) Қоғамның жылдық қаржылық есебін алдын ала бекіту;

5) Қоғамның облигацияларын және туынды бағалы қағаздарын шығару шарттарын белгілеу;

6) (6)-тарақша алынып тасталған);

7) атқарушы орган (Басқарма) мүшелерінің сандық құрамын белгілеу, оның басшысын қоспағанда, оның мүшелерін сайлау, сондай-ақ олардың өкілеттіктерін мерзімінен бұрын тоқтату;

8) Басқарма мүшелерінің, соның ішінде Қоғам Басқармасы төрағасының (Президентінің) лауазымдық жалақыларының мөлшерін және еңбекке ақы төлеу мен сыйлықаќы беру шарттарын белгілеу;

9) аудиторлық ұйымның, сондай-ақ Қоғамның акцияларына төлеуге берілген немесе ірі мәміленің мәні болып табылатын мүліктің нарықтық құнын бағалау жөніндегі бағлаушының көрсеткен қызметтеріне төленетін ақының мөлшерін анықтау;

10) Ішкі аудит қызметінің жұмыс істеу тәртібін, Ішкі аудит қызметі қызметкерлерінің еңбегіне ақы төлеу және сыйлықақы беру көлемі мен жағдайларын айқындау, сондай-ақ Ішкі аудит қызметінің қызметкерлеріне қойылатын біліктілік талаптарын бекіту;

10-1) Ішкі аудит қызметінің басшысы лауазымына кандидатураны мақұлдау;

10-2) Ішкі аудит қызметінің жылдық аудиторлық жоспарын бекіту;

10-3) корпоративтік хатшыны тағайындау, өкілеттіктері мерзімін белгілеу, оның өкілеттіктерін мерзімінен бұрын тоқтату, сондай-ақ корпоративтік хатшының лауазымдық жалақысының мөлшерін және сыйақы беру шарттарын белгілеу;

11) Қоғам қызметін ұйымдастыру мақсатында, Басқарма қабылдайтын құжаттардан өзге, Қоғамның ішкі қызметін реттейтін құжаттарды бекіту, соның ішінде Қоғамның құнды қағаздарының аукциондарын және жазылуларын жүргізу шарттары мен тәртібін белгілейтін ішкі құжатты;

12) басқа заңды тұлғалар акцияларының (жарғылық капиталға қатысу үлестерінің) он және одан жоғары пайызын Қоғамның сатып алуы туралы шешім қабылдау, сондай-ақ олардың қызметі мәселелері бойынша шешімдер қабылдау;

13) Қоғамның филиалдары мен өкілдіктерін құру және жабу туралы шешімдер қабылдау және олар туралы ережелерді бекіту;

14) Қоғамның меншікті капиталы мөлшерінің он және одан артық пайызын құрайтын шамаға оның міндеттемелерін ұлғайту;

15) бұрынғы Қоғамның тіркеушісімен жасалған шарт бұзылған жағдайда Қоғамның тіркеушісін таңдау;

16) қызметтік, коммерциялық және заңмен қорғалатын басқа да құпияны құрайтын Қоғам немесе оның қызметі туралы ақпаратты белгілеу;

17) Қоғамның Директорлар кеңесі мүшелерінің Қоғам қызметі туралы ақпаратты, соның ішінде қаржылық ақпаратты алуының тәртібі мен мерзімдерін белгілеу;

18) ірі мәмілелерді және олардың жасалуына Қоғам мүдделі мәмілелерді жасасу туралы шешім қабылдау;

19) Қоғамның есепке алу саясатын бекіту;

20) Қоғамның орталық аппараты қызметкерлерінің және Қоғамның өкілдіктерінің штатын (жалпы санын) бекіту;

21) оларды бекітуді немесе келісуді Директорлар кеңесі жүзеге асыратын Қоғамның, сондай-ақ еншілес және тәуелді заңды тұлғалардың басшы қызметкерлері лауазымының тізбесін белгілеу;

22) Жалғыз акционер белгілеген тәртіппен Қоғамның Даму жоспарын (орта мерзімдік бизнес-жоспарын), Қоғамның бюджетін (1 жылға арналған бизнес-жоспарын) бекіту;

23) Қоғамның қатерлерді басқару жөніндегі ішкі рәсімдерін бекіту, осындай рәсімдердің сақталуын қамтамасыз ету және тиімділігін сақтау, сондай-ақ оларды жетілдіру;

23-1) Қоғам, Қоғамның Директорлар кеңесінің комитеттері, Қоғамның Басқармасы, Қоғамның Ішкі аудит қызметі қызметінің тиімділігін бағалау жүйесін бекіту;

23-2) Директорлар кеңесінің комитеттерін құру және құрамын белгілеу, олар туралы ережелерді бекіту;

23-3) Корпоративтік басқару кодексін алдын ала қарау және оны Жалғыз акционердің қарауына енгізу;

23-4) Қоғам Басқармасының Қоғамның қызметі туралы, соның ішінде қаржылық қызметі туралы, ақпаратты беру мерзімдерін және беру тәртібін белгілеу;

23-5) Қоғамның әкімшілік-басқару персоналының еңбегіне ақы төлеу туралы ережені және еңбегіне ақы төлеу схемасын бекіту;

24) Қоғамның Жалғыз акционерінің айрықша құзырына жатпайтын, Заңмен және Жарғымен көзделген өзге де мәселелер жатады.

81. Директорлар кеңесінің айрықша құзыретіне жатқызылған мәселелер Басқармаға шешу үшін берілуі мүмкін емес.

82. Директорлар кеңесінің Жарғымен Басқарманың құзыретіне жатқызылған мәселелер бойынша шешімдер қабылдауға, сондай-ақ Қоғамның Жалғыз акционерінің шешімдеріне қайшы келетін шешімдер қабылдауға құқығы жоқ.

82-1. Аса маңызды мәселелерді қарау және Директорлар кеңесіне ұсыныстар дайындау үшін Қоғамда:

1) аудит бойынша;

2) сыйлықақылар бойынша;

3) тағайындаулар бойынша;

4) Қоғамның ішкі құжатында көзделген өзге мәселелер бойынша Директорлар кеңесінің комитеттері құрылуы мүмкін.

Директорлар кеңесінің комитеттері Директорлар кеңесінің мүшелерінен тұрады, қажет болған жағдайда құрамына нақты комитетте жұмыс істеу үшін қажетті кәсіби білімі бар сарапшылар енгізілуі мүмкін. Басқарма төрағасы Директорлар кеңесі комитетінің құрамына кіре алмайды.

Қоғамның Директорлар кеңесінің комитеттерін құру және олардың жұмыс істеу тәртібі, сондай-ақ олардың сандық құрамы Директорлар кеңесі бекітетін Қоғамның ішкі құжатымен белгіленеді.

83. Жеке тұлға ғана Директорлар кеңесінің мүшесі бола алады.

84. Қоғам Басқармасының төрағасынан (Президентінен) басқа, Басқарма мүшелері Директорлар кеңесіне сайлана алмайды. Қоғам Басқармасының төрағасы (Президенті) Директорлар кеңесінің төрағасы болып сайлана алмайды.

85. Директорлар кеңесі мүшелерінің саны алты адамнан кем болмауы тиіс. Директорлар кеңесінің мүшелері санының кем дегенде үштен бір бөлігі тәуелсіз директорлар болуы тиіс.

86. Мынадай:

1) жоғары білімі жоқ;

2) заңда белгіленген тәртіппен жойылмаған немесе алынбаған сотталғандығы бар;

3) банкроттық, консервациялау, санациялау, мәжбүр түрде тарату туралы шешім қабылданған күннен бастап бес жыл ішінде осы тұлға басшылық еткен кезде банкрот деп танылған немесе консервациялауға, санациялауға, мәжбүр түрде таратуға жатқызылған заңды тұлғаның бұрын басшы қызметкері болған тұлға Директорлар кеңесінің мүшесі бола алмайды;

4) Қазақстан Республикасының заңнамасымен белгіленетін Қоғамның Директорлар кеңесінің құрамына сайланатын тұлғаларға қойылатын өзге талаптар.

87. Қоғамның Директорлар кеңесінің құрамына сайланған тұлғалар, егер Қазақстан Республикасының заңнамасында өзгеше көзделмесе, шексіз рет қайта сайлана алады.

88. Директорлар кеңесі мүшелерінің өкілеттік мерзімін Қоғамның Жалғыз акционері белгілейді.

Директорлар кеңесі өкілеттіктерінің мерзімі жаңа Директорлар кеңесі сайланған күні аяқталады.

89. Қоғамның Жалғыз акционері Директорлар кеңесінің барлық немесе жекелеген мүшелерінің өкілеттіктерін мерзімнен бұрын тоқтатуға құқылы.

90. Қоғамның Директорлар кеңесі мүшесінің өкілеттіктерін өз өтініші бойынша мерзімінен бұрын тоқтату Директорлар кеңесіне жазбаша хабарлама беру негізінде жүзеге асырылады. Директорлар кеңесінің осындай мүшесінің өкілеттігі Директорлар кеңесі аталған жазбаша хабарламаны алған кезден бастап тоқтатылады.

91. Директорлар кеңесі мүшесінің өкілеттіктері мерзімінен бұрын тоқтатылған жағдайда, Директорлар кеңесінің жаңадан сайланған мүшесінің өкілеттігі Директорлар кеңесінің өкілеттіктер мерзімі жалпы аяқталуымен бір мезгілде аяқталады.

92. Директорлар кеңесінің төрағасын Жалғыз акционер сайлайды. Жалғыз акционер Директорлар кеңесінің төрағасын кез келген уақытта қайта сайлауға құқылы.

93. Директорлар кеңесінің төрағасы Қазақстан Республикасының Заңымен және Жарғымен белгіленген тәртіппен:

1) Директорлар кеңесінің жұмысын ұйымдастырады;

2) Директорлар кеңесінің отырыстарын шақырады және жүргізеді;

3) Қоғам атынан Қоғам Басқармасының төрағасымен (Президентімен) Қоғам Басқармасы төрағасының (Президентінің) материалдық көтермеленуі мен жауапкершілігінің Қоғамның Даму жоспарын (орта мерзімдік Бизнес-жоспары), Қоғамның бюджетін (1 жылға арналған бизнес-жоспар) орындау нәтижелеріне тікелей байланысты болуын қарастыратын еңбек шартын жасасады;

4) Қоғамның атынан аудиторлық ұйыммен жыл сайынғы аудитті жүргізу туралы шарт жасасады;

5) Қоғамның Президентіне (Басқарма төрағасына) Қоғамның Директорлар кеңесі мақұлдаған Қоғамның Ішкі аудит қызметі басшысына кандидатураны қызметке тағайындау үшін ұсынады;

5-1) Жалғыз акционерге Директорлар кеңесі және Қоғам Басқармасы мүшелерінің құрамы мен сыйақысының мөлшері туралы хабардар етеді;

6) Қазақстан Республикасының заңнамасымен және осы Жарғымен көзделген өзге де мәселелерді шешеді.

94. Қоғамның Директорлар кеңесінің Төрағасы болмаған жағдайда оның функцияларын Директорлар кеңесінің шешімі бойынша Қоғамның Директорлар кеңесі мүшелерінің бірі жүзеге асырады.

95. Қоғамның Директорлар кеңесінің отырысы оның Төрағасының немесе Басқарманың бастамасы бойынша не болмаса:

1) Директорлар кеңесінің кез келген мүшесінің;

2) Қоғамның Ішкі аудит қызметінің;

3) Қоғамның аудитін жүзеге асырушы аудиторлық ұйымның;

4) Жалғыз акционердің талабы бойынша шақырылуы мүмкін.

96. Қоғамның Директорлар кеңесінің отырысын шақыру туралы талап Директорлар кеңесінің Төрағасына Директорлар кеңесі отырысына ұсынылып отырған күн тәртібі бар тиісті жазбаша хабарламаны жіберу арқылы беріледі.

Директорлар кеңесінің Төрағасы отырысты шақырудан бас тартқан жағдайда, бастамашы Басқармаға аталған талаппен шығуға құқылы, ал ол Директорлар кеңесінің отырысын шақыруға міндетті.

Директорлар кеңесінің отырысын Директорлар кеңесінің Төрағасы немесе Басқарма, шақыру туралы талап келіп түскен күннен бастап, он күннен кешіктірмей шақыруы тиіс.

Директорлар кеңесінің отырысы аталған талапты қойған тұлғаны міндетті түрде шақыру арқылы өткізіледі.

97. Директорлар кеңесінің мүшелеріне Директорлар кеңесінің отырысын өткізілу туралы хабарлама жіберу тәртібін Директорлар кеңесі белгілейді.

98. Директорлар кеңесінің мүшесі Директорлар кеңесіне оның қатысуы мүмкін еместігі туралы күні бұрын Басқармаға хабарлауға міндетті.

99. Директорлар кеңесінің отырысын өткізу үшін кворум Директорлар кеңесі мүшелері санының жартысынан аз болмауы тиіс.

Директорлар кеңесі мүшелерінің жалпы саны осы тармақпен белгіленген кворумға қол жеткізу үшін жеткіліксіз болған жағдайда, Директорлар кеңесі Директорлар кеңесінің жаңа мүшелерін сайлау туралы Қоғамның Жалғыз акционеріне өтініш беруге міндетті.

100. Директорлар кеңесінің әр мүшесі бір дауысқа ие болады. Егер Заңмен өзгеше көзделмесе, Директорлар кеңесінің шешімі отырысқа қатысып отырған Директорлар кеңесі мүшелерінің жай көпшілік дауысымен қабылданады.

101. Директорлар кеңесі тек Директорлар кеңесінің мүшелері ғана қатыса алатын өзінің жабық отырысын өткізу туралы шешім қабылдауға құқылы.

102. Директорлар кеңесі төрағасының қарауы бойынша Директорлар кеңесінің шешімдері сырттай дауыс беру арқылы қабылдануы мүмкін.

Сырттай дауыс беру отырысқа қатысып отырған Директорлар кеңесі мүшелерінің дауыс беруімен бірге (аралас дауыс беру) немесе Директорлар кеңесінің отырысын өткізусіз қолданылуы мүмкін.

Директорлар кеңесі шешімдерді сырттай дауыс беру арқылы қабылдаған кезде Директорлар кеңесі отырысының күн тәртібін өзгертуге және (немесе) толықтыруға болмайды.

103. Сырттай дауыс беру бюллетені отырыс күн тәртібінің мәселелері бойынша материалдарды қоса, Директорлар кеңесінің мүшелеріне отырысты өткізу датасына дейін үш күннен кешіктірмей жіберілуі тиіс.

104. Сырттай дауыс беру бюллетенінде:

1) Қоғам Басқармасының толық атауы және орналасқан жері;

2) Директорлар кеңесінің отырысын шақыруға бастамашы туралы мәліметтер;

3) сырттай дауыс беру бюллетеньдерін берудің түпкілікті датасы;

4) Директорлар кеңесінің отырысын өткізу датасы, уақыты және орны;

5) Директорлар кеңесі отырысының күн тәртібі;

6) егер Директорлар кеңесі отырысының күн тәртібінде Басқарма мүшелерін сайлау туралы мәселе болса, сайлауға ұсынылып отырған кандидатуралардың есімдері;

7) дауысқа салынатын мәселелердің тұжырымдалуы;

8) “жақтаймын”, “қарсымын”, “қалыс қаламын” сөздерімен білдірілетін Директорлар кеңесі отырысы күн тәртібінің әрбір мәселесі бойынша дауыс беру варианттары;

9) күн тәртібінің әрбір мәселесі бойынша дауыс беру (бюллетеньді толтыру) жөніндегі түсіндірме болуы тиіс.

105. Толтырылған сырттай дауыс беру бюллетенінде Директорлар кеңесі мүшесінің қолы болуы тиіс.

Дауыстарды санаған кезде Директорлар кеңесінің мүшесі бюллетеньде белгіленген дауыс беру тәртібін сақтаған мәселелер бойынша және дауыс берудің тек бір ғана мүмкін вариантына белгі қойылған дауыстар есепке алынады.

106. Белгіленген мерзімде алынған бюллетеньдерде кворум болған жағдайда шешім сырттай дауыс беру арқылы қабылданған болып танылады.

Директорлар кеңесінің сырттай отырысының шешімі жазбаша түрде ресімделуге және оған Директорлар кеңесінің хатшысы мен төрағасының қолы қойылуы тиіс.

Шешім ресімделген күннен бастап жиырма күн ішінде Директорлар кеңесінің мүшелеріне жіберілуі тиіс, оған осы шешімді қабылдауға негіз болған бюллетеньдер қоса тіркеледі.

107. Қоғамның Директорлар кеңесінің тікелей тәртіппен өткізілген отырысында қабылданған шешімдер хаттамамен ресімделеді, хаттаманы отырыста төрағалық еткен тұлға мен Директорлар кеңесінің хатшысы отырыс өткізілген күннен санағанда үш күн ішінде жасауы және қолдарын қоюы тиіс және онда:

1) Басқарманың толық атауы және орналасқан жері;

2) отырыстың өткен датасы, уақыты мен орны;

3) отырысқа қатысқан тұлғалар туралы мәліметтер;

4) отырыстың күн тәртібі;

5) дауыс беруге қойылған мәселелер және олар бойынша дауыс берудің қорытындылары;

6) қабылданған шешімдер;

7) Директорлар кеңесінің шешімі бойынша басқа да мәліметтер болуы тиіс.

108. Директорлар кеңесі отырыстарының хаттамалары және сырттай дауыс беру жолымен қабылданған Директорлар кеңесінің шешімдері Қоғамның мұрағатында сақталады.

Директорлар кеңесінің хатшысы Директорлар Кеңесі мүшесінің талап етуі бойынша оған Директорлар кеңесі отырысының хаттамасын және сырттай дауыс беру жолымен қабылданған шешімдерді танысу үшін беруге және (немесе) Қоғамның уәкілетті қызметкерінің қолымен және Қоғам мөрінің бедерімен расталған хатамадан жасалған үзінді көшірмелер мен шешімдерді беруге міндетті.
13-БАП. БАСҚАРМА
109. Басқарма Қоғамның алқалық атқарушы органы болып табылады, оның құзырына Заңмен, Қазақстан Республикасының өзге де заңнамалық актілерімен және Жарғымен Қоғамның басқа органдары мен лауазымды тұлғаларының құзырына жатқызылмаған Қоғам қызметінің барлық мәселелерін шешу жатады. Басқарма Қоғамның Жалғыз акционерінің және Директорлар кеңесінің шешімдерін орындауға міндетті.

110. Басқарма мүшелерінің саны кем дегенде бесеу болуы тиіс.

111. Басқарма мүшелері Директорлар кеңесімен үш жыл мерзімге сайланады және әлденеше рет қайталама мерзімге қайта сайланылуы мүмкін.

112. Жалғыз акционердің өкілдері және Қоғамның қызметкерлері Басқарма мүшесі бола алады.

Басқарма мүшелері Қоғамның қызметін басқаруды Басқарманың отырыстарына қатысу арқылы жүзеге асырады.

Басқарма мүшесі басқа ұйымдарда тек Директорлар кеңесінің келісімімен ғана жұмыс істеуге құқылы.

Басқарма төрағасы атқарушы органның басшысы қызметі не болмаса басқа заңды тұлғаның атқарушы органының функцияларын жеке өзі жүзеге асыратын тұлға лауазымын атқаруға құқығы жоқ.

113. Басқарманың құзыры:

1) Қоғамның Жалғыз акционерінің және Директорлар кеңесінің шешімдерін іске асырады;

2) Қоғамның дамуының 5 жылға арналған стратегиялық бағыттарын, Қоғамның даму жоспарларын (орта мерзімдік бизнес-жоспарын), Қоғамның бюджетін (1 жылға арналған бизнес-жоспарын) әзірлейді, мақұлдайды және Директорлар кеңесіне ұсынады;

3) Қоғамның даму жоспарлары (орта мерзімдік бизнес-жоспарларын) мен Қоғамның бюджетін дайындауды және іске асыруды жүзеге асырады, сондай-ақ олардың орындалуы үшін жауапты болады;

4) Қоғамда ішкі бақылау және қатерлерді басқару рәсімдерінің әзірленуі мен қолданылуы үшін жауапты болады;

5) Директорлар кеңесін Қоғамдағы қатерлерді басқару жүйесіндегі елеулі кемшіліктер туралы дер кезінде хабардар етеді;

6) Директорлар кеңесі бекіткен Қоғамның орталық аппараты мен Қоғам өкілдіктері қызметкерлерінің штатын (жалпы санын) ескере отырып, Қоғамның құрылымы мен штаттық кестесін бекітеді;

7) Қоғам қызметін ұйымдастыру мақсатында қабылданатын, Директорлар кеңесі бекітетін құжаттарға жатпайтын құжаттарды бекітеді;

8) еншілес және тәуелді ұйымдарға қатысты акционердің функцияларын жүзеге асырады;

9) Қоғамның жұмыс режимін белгілейді;

10) Қоғамның орталық аппаратын басқару құрылымын бекітеді;

11) Жалғыз акционерге жоспарланып отырған жылдың алдындағы наурыздың жиырмасына дейін Қоғамның акциялары бойынша дивидендтер мөлшерінің болжамдық көрсеткішін береді;

11-1) Директорлар кеңесі, Қоғамның Жалғыз акционері шешімдерінің, жылдық қаржылық есептіліктің аудитін жүзеге асырушы аудиторлық ұйым ұсынымдарының, сондай-ақ Ішкі аудит қызметі ұсынымдарының орындалуына бақылау жасауды жүзеге асырады;

11-2) Қоғамның меншігіне қатысты құқықсыз іс-әрекеттерді тудыратын себептер мен жағдайларды анықтау жөніндегі жұмысты ұйымдастырады;

12) Қоғамның Жалғыз акционерінің немесе Директорлар кеңесінің айрықша құзырына жатпайтын, Қоғамның қызметін қамтамасыз етудің өзге мәселелері бойынша шешімдер қабылдайды.

113-1. Қатерлерді басқару мәселелері бойынша шұғыл шешімдер қабылдау мақсатында Қоғамда Қоғам Басқармасының жанынан Қатерлер жөніндегі комитет құрылуы мүмкін. Қатерлер жөніндегі комитет Қоғамның басқармасы бере алатын өкілеттіктер шегінде қызмет етеді. Қатерлер жөніндегі комитетті қалыптастыру және жұмыс істеу тәртібі, сондай-ақ оның сандық құрамы Қоғамның ішкі құжаттарымен белгіленеді.».

114. Басқарма отырыстарындағы шешімдер отырысқа қатысып отырған Басқарма мүшелері санының жай көпшілік дауысымен қабылданады. Басқарма мүшелерінің кем дегенде жартысы қатысқанда ғана (кворум) Басқарма шешім қабылдауға құқылы.

115. Басқарманың әрбір мүшесі бір дауысқа ие. Басқарма дауыс берген кезде дауыстар тепе-тең болса, Қоғам Басқармасы Төрағасының дауысы шешуші болып табылады.

116. Басқармаға басшылық етуді Қоғамның Президенті жүзеге асырады, ол Басқарманың Төрағасы (бұдан әрі – Қоғам Президенті) болып табылады.

117. Қоғам Президенті:

1) Қоғамның Жалғыз акционерінің, Директорлар кеңесінің, Басқармасының шешімдерін орындауды ұйымдастырады;

2) Қоғамның қызметіне басшылықты жүзеге асырады;

3) Қоғамның Директорлар кеңесіне, Жалғыз акционеріне еншілес, тәуелді және бірлесіп бақыланатын ұйымдарды басқару жөнінде, сондай-ақ аталған ұйымдардың қаржылық-шаруашылық қызметі нәтижелерінің Қоғам қызметінің көрсеткіштеріне әсері жайында жарты жылдық есептер береді;

4) Қоғамның даму жоспарының (орта мерзімдік Бизнес-жоспардың) іске асырылуы туралы Қоғамның Директорлар кеңесі алдында жыл сайын есеп береді;

5) үшінші тұлғалармен қатынастарында Қоғамның атынан сенімхатсыз әрекет етеді;

6) (6) тармақша алынып тасталған);

7) Қазақстан Республикасының заңнамасына және Жарғыға сәйкес Қоғамның атынан мәмілелер, соның ішінде ірі мәмілелер жасасады;

8) оның үшінші тұлғалармен, соның ішінде мемлекеттік және сот органдарымен қатынастарында Қоғамға өкілдік ету құқығына сенімхаттар береді;

9) еңбек шарттарын жасасады, өзгертеді, бұзады, тоқтатады, соларға сәйкес Қоғам қызметкерлерімен еңбек қатынастары пайда болатын, өзгертілетін, тоқтатылатын, бұзылатын актілер қабылдайды; оларға көтермелеу шараларын қолданады және тәртіптік жазалар қолданады; Қоғам қызметкерлерінің қызметтік ақыларының және Қоғамның штаттық кестесіне сәйкес жалақыларына дербес үстемелердің мөлшерін белгілейді; Қоғам Басқармасының және Ішкі аудит қызметінің мүшелері болып табылатын қызметкерлерден басқа, Қоғам қызметкерлерінің сыйлықақы мөлшерін белгілейді;

10) Қоғамның атынан Басқарма мүшелерімен және Ішкі аудит қызметінің қызметкерлерімен еңбек шарттарын жасасады;

11) Басқарма мүшелерінің, Вице-президенттердің, Аппарат басшысының және Қоғамның өзге де қызметкерлері арасында міндеттерін, сондай-ақ өкілеттілік және жауапкершілік аясын бөледі;

12) наразылықтар мен қуынымдарды береді және қол қояды, қуынымдардан бас тартады, қуынымдық талаптарды өзгертеді, бітімгершілік келісімдерге қол қояды;

13) Қоғамның банктік шоттарын және басқа да шоттарын ашады;

14) Қоғамның ішкі қызметінің өндірістік мәселелері бойынша шешімдер қабылдайды;

15) Қоғам филиалдарының, өкілдіктерінің және тәуелді ұйымдарының қызметін үйлестіреді;

16) тәуелді акционерлік қоғамдардың акционері атынан шешімдер қабылдайды;

17) құзыретінің шегінде бұйрықтар мен өкімдер шығарады;

18) ұжымдық шарттар жасасады;

19) Қоғам Президенті мен Вице-президентінің шетелдік іссапарларын Директорлар кеңесінің төрағасымен келісуді қамтамасыз етеді;

20) Жалғыз акционерге:

Жалғыз акционер бекіткен нысандар мен мерзімдер бойынша Даму жоспарын (ортамерзімдік Бизнес-жоспарды) және Қоғамның бюджетін (1 жылға арналған бизнес-жоспарды) іске асыру туралы есептерді;

Жалғыз акционер бекіткен нысандар бойынша және мерзімдерде Қоғамның, оның еншілес, тәуелді және бірлесіп-бақылау ұйымдарындағы қаржы-шаруашылық қызметі туралы есептілікті береді;

118. Жалғыз акционер мен Директорлар кеңесінің айрықша құзыретіне жатпайтын, Қазақстан Республикасының заңнамасымен, Жарғымен әрі Жалғыз акционермен және Қоғамның Директорлар кеңесімен қабылданған өзге де құжаттармен белгіленген Қоғамның қызметін қамтамасыз ететін барлық мәселелер Қоғам Президентінің құзырына жатады.

119. Қоғам Басқармасы Төрағасының шешімі бойынша Қоғам Басқармасының мүшелеріне оның өкілеттіктерінің бірі белгіленген тәртіппен берілуі мүмкін.

120. Жарғының осы бабының 119-тармағына сәйкес Президенттің бұйрығымен өкілеттік берілген Қоғамның Вице-президенті:

1) оның құзырына жататын мәселелер бойынша үшінші тұлғалармен, соның ішінде мемлекеттік және сот органдарымен қарым-қатынаста сенімхатсыз Қоғамның мүддесін білдіруге;

2) қайта сеніп тапсыру құқығымен сенімхаттар беруге құқылы.