Реферат тақырыбы:«Қазақстан Республикасының инвестициялық климаты»

Шетелдік инвестициялар елдің бәсекеге қабілеттілігін арттыруға ықпал етеді және кірістердің өсуі, жұмыс орындарын құру, кәсіби даму, әлеуметтік жобаларды іске асыру және жергілікті компаниялармен әріптестік құру түрінде халыққа елеулі артықшылықтар әкеледі. Қазіргі уақытта елдегі шетелдік инвесторлардың әлеуетті рөлі әрқашан тиісті деңгейде таныла бермейді. Қазақстанды инвестицияларды жүзеге асыру бағыты ретінде позициялау үшін нысаналы топтарға, қызмет түрлеріне және секторларға сараланған көзқарас қажет. Тікелей шетелдік инвестициялардың ең сәтті модельдері агрессивті маркетингтік бағдарламаларға немесе арнайы салалық тәсілдерге негізделген (мысалы, Даниядағы Medicon және Ұлыбританиядағы қаржылық қызметтер секторы). Тікелей шетелдік инвестициялар саласындағы Стратегия экономикалық дамудың неғұрлым кең жоспарымен байланысты болуға тиіс. Бұдан басқа, Қазақстан оны инвестициялар алу үшін бәсекелесетін ұқсас көлемдегі және даму деңгейіндегі нарығы дамып келе жатқан басқа елдердің арасынан ерекшелейтін факторларды айқындауы қажет Қазақстан Үкіметі инвестициялық қоғамдастық бетпе-бет келіп отырған проблемалар туралы жақсы хабардар және оларды жою жөнінде дәйекті жұмыс жүргізуде. Үкіметтің елдің экономикалық әлеуетін ашудың нақты тұжырымдамасы бар. Осы мақсаттар үшін инфрақұрылымды, кадрлық әлеуетті, кәсіпкерлікті және экономиканың белгілі бір салаларын дамытуға қатысты тәсілді қоса алғанда, стратегиялық дамудың бірқатар бағдарламалары қабылданды. Шетелдік инвесторларға айқындық, дәйектілік және жауапты көзқарас, атап айтқанда: инвестициялар шарттарын айқындаудағы айқындық, инвесторлардың құқықтарына әділ қатынастағы дәйектілік және инвесторлар мен кәсіпкерлер үшін институционалдық ортаны жетілдіру саласындағы жауапкершілік қажет. Үкімет халықаралық іс-шаралар мен кәсіби семинарлар өткізу бағдарламалары шеңберінде Қазақстанның инвестициялық ахуалын жетілдіру жөнінде шетелдік инвесторлармен үнемі пікір алмасып отырады. Жұртшылықпен байланыс жөніндегі халықаралық іс-шаралар дамудың негізгі басымдықтарын және тікелей шетелдік инвестицияларды тартудың стратегиялық жоспарын ескере отырып жүргізілуге тиіс.