Құрметті ауылдастар! Қазақстан Республикасының Президенті Нұрсұлтан Әбішұлы Назарбаевтың 2014 жылдың қараша айының 15 жұлдызындағы «Нұрлы жол – болашаққа бастар жол»

Қазақстан Республикасының Президенті Нұрсұлтан Әбішұлы Назарбаевтың 2014 жылдың қараша айының 15 жұлдызындағы «Нұрлы жол – болашаққа бастар жол» атты жолдауында:

Біз Жалпы ұлттық идеямыз – Мәңгілік Елді басты бағдар етіп, тәуелсіздігіміздің даму даңғылын Нұрлы Жолға айналдырдық. Қажырлы еңбекті қажет ететін, келешегі кемел Нұрлы Жолда бірлігімізді бекемдеп, аянбай тер төгуіміз керек. Мәңгілік Ел – елдің біріктіруші күші, ешқашан таусылмас қуат күші.

(Мемлекет басшысының Қазақстан халқына Жолдауынан)

Қарағаш ауылдық округінің негізгі шаруашылығы мал шаруашылығына бағытталған. Қарағаш ауылдық округ бойынша жер көлемі 26,348 га құрайды. 31 шаруа қожалығы тіркелген. Биылғы жылы жаңа жұмыс орындарының ашылуына байланысты 21 адам жұмысқа тартылды. Оның ішінде 7 еуі «Өрлеу» бағдарламасы бойынша жұмысқа кірді.

Жылдан – жылға халық санында табиғи өсім бар. Барлығы 1111 адам тіркелген. Мысалы 2014 жылы 15 бала дүниеге келсе, 3 адам қайтыс болған. Ауылдан жаппай көшу үрдісі жоқ. Оның ішінде зейнеткерлер саны 78. Қызметкерлер мен жұмысшылар саны 70. Студенттер саны 34. Әскер қатарындағылар саны 3. Өзін-өзі жұмыспен қамтитын адамдар саны 493. Ауылымызда жұмыссыздар саны жоқтың қасы.

Ауыл халықына қызмет көрсетіп, жұмыс істейтін бір орта мектеп, 1 мәдениет үйі, 1ФАП, екі монша, екі дүкен, бір тойхана бар. Ж.Жабаев атындағы орта мектепте 27 ұстаз, 16 жұмысшы жұмыс істеп, қызмет көрсетеді. Мектепте 108 оқушы, дайындық тобында 16 бала, шағын бала-бақшада 53 бала. 2013-2014 оқу жылында ҰБТ көрсеткіші 83 пайызды көрсетті.

Кейінгі 4-5 жылда ауылымызға жергілікті облыстық, республикалық бюджеттерден қомақты қаражат бөлінді. Нақтылап айтсақ бір көшенің жолы жөнделіп, осы көшеге биылғы жылы 1 млн. 73 мың теңгеге 16 бағана орнатылып, көше жарығы тартылды.

Биылғы жылы 16 пәтерлік тұрғын үйдің төбесіндегі шатырдың жөндеу жұмыстарын мердігер «Бриг» ЖШС жүргізді. Жалпы құны – 1 749 000 теңге құрады.

Ауыл халқының әлеуметтік жағдайы жақсарып, мал басы жылдан –жылға артып келеді. Жылда 2 табын ірі қара, 3-4 отар қой ұйымдастырылып бағылуда. Оған 6 адам қосымша жұмысқа тартылды. Қой мен ірі қара малына жайлаудан жер бөлініп беріледі. Жылқы малы жайлауға кезекпен ұйымдастырылып бағылады.

«Жасталап» шаруа қожалығы басшысы Хасенов Даурен 2020 бағдарламасы бойынша үш кісі бірігіп 9 млн тенге несие алып мал басын арттырып, мал шаруашылығын нығайтуда. 2014 жылы лизинг арқылы МТЗ-82 маркалы трактор және шөп рулондайтын прес алды. Жиыны ауылға 5 жаңа трактор кірді. 3еуі МТЗ маркалы, 2еуі ҚХР шыққан трактор. Ауылымыздың басқа қожалықтарын да асыл тұқымды мал шаруашылығын, мал бордақылау аландарын ашуға , егістікпен айналысуға шақырамын.

Ауылдың мәдениет үйін күрделі жөндеуден өткізуге 10 млн 448 теңгенің жобалық сметалық құжаттары әзірленіп, сұраныс жасалды. Биылғы жылға «Али», «Сағындық» шаруа қожалықтары жиыны 2000 га жерге дәнді дақыл және көпжылдық шөп егуді жоспарлап отыр.