С. А. Козлова, Т. А. Куликова

1. 
   Л.С.Выготскийдің мектеп жасына дейінгі баланың ойын барысында іс-қимыл жасаудан ойлауға, ал төрт жаста ойлаудан іс-қимыл жасауға баруға қабілетті деген сөздерін түсіндіріңіз. Пайымдауларыңызды өзінің бақылаған балалар ойындары мысалдарымен бекітіңіз.
   

2. 
   Ерте, орта және жоғары мектепке дейінгі жастағы балалар рөлді бейнелеудің қандай құралдарын падаланатынын сызба түрінде көрсетіңіз.
   

3. 
   Балалардың шартты, жалпыланған ойын іс-қимылдарын игеруі неге байланысты екеннін, бала ойын барысында сөзбен алмастыруға қандай мақсатта келетінін дәлелдеңіз.
   

4. 
   Балалардың жанұя ойынын ойнауын бақылаңыз және мұнда қазіргі өмір қалай көрінетінін анықтаңыз.
   

Өмірінің алғашқы жылдары ересектердің үйрету мақсатында ықпал ету барысында сәби сюжеттік-рөлдік және режиссерлық ойындардың алғышарттарын білдіретін ойын әрекетінің даму кезеңдерінен өтеді.

Алғашқы осындай кезең болып танысу ойыны табылады.ересек әртүрлі ойыншықтар, заттарды пайдалана отырып, сәбидің заттық-ойын әрекетін ұйымдастырады. Оның мазмұнын нәрестенің зат, ойыншық сапасы мен қасиеттерін зерттей отырып, ересекпен бірге жасайтын әрекет-манипуляциялары құрайды. 3-4 айынан бастап нәресте оның кеудесінің үстіне іліп қойған ойыншықтарға талпынады (сақиналар, ұсақ кішкене шардардан жасалған гирляндалар), оларға қарайды: затқа байқамай қолы тиіп кетіп, оған қуанады, қимылды қайталағысы келеді. 5-6 айында сәбиге әр түрлі материалдардан жасалған, пішіні, көлемі, түсіне қарай ажыратылатын ойыншықтарды ұсынады (резеңкелі, ағаш, пластмассалы). Оған ойыншықты ұстап алуды, қолдан екінші қолға беруді, оны бұлғауды, ұруды үйретеді. Сәбиге қосымша парақтар, сондай-ақ, дыбыс шығаратын түрлі ойыншықтарды береді. Ересек адам сәбиге атын атап шақыра отырып, ойыншықты және онымен әрекет етуді көрестеді. Ойыншықпен дербес манипуляциялар жасау барысында бала оның қасиеттерін тани бастайды. Таныстыру ойынында бала әрекеттерінің әдейі бағытталғандығы байқалады: сылдырмаққа тартылады, оны ұстайды, қарайды, манеждің шетіне соғып, ұрады, манеждің сыртына лақтырады, қалай сылдырлап құлағанын тыңдайды және т.б. Заттармен осылай әдейі әрекет етуі – сюжеттік-рөлдік ойындарға тән мақсатқа бағытталғандықтың дамуының алғышарттары.

Ойын әрекеті дамуының екінші кезеңінде бейнелеп көрсету ойыны пайда болады, мұнда баланың іс-қимылдары заттың ерекше қасиеттерін айқындауға және оның көмегімен белгілі