Сабаққа қатысуды тіркеу

Информатика 3,0 x 2= 6,0

Физика 0,0 x 6 = 0,0

Туындылардың сомасы = 12 + 6 + 0 = 18.0

Кредиттің жалпы саны = 3+2+6 = 11

GPA = Туындылардың сомасы / кредиттің жалпы саны = 18,0/11 = 1,64

(Tutor)

(Forms of training)

(Advisor )

Қазіргі Академиялық саясат әл-Фараби атындағы ҚазҰУ-да кредиттік жүйе бойынша оқытуды, жоғары және жоғары оқу орнынан кейін білім беру бағдарламалары бойынша оқытуды ұйымдастырудың тәртібін анықтайды. Бұл құжатқа білім алушылардың сабаққа қатысуын тіркеу, ағымдағы, аралық және қорытынды бақылау жұмыстарын өткізу тәртібі, білім алушыларға мемлекеттік шәкіртақы төлеу тәртібі, білім алушыларды ауыстыру, оқуға қайта қабылдау, оқудан шығару, қорытынды аттестация ережелері және т.б. кіреді.

Академиялық саясат ҚР Білім және ғылым министрлігі нормативтік құжаттарына сәйкес даярланған.

3. 
   Жалпы ережелер
   

Курс бағдарламасын толық көлемде аяқтаған, бірақ қажетті ең аз балды жинай алмаған білім алушыға өз үлгерімінің орташа балын (GPA) көтеру мақсатында жазғы семестрде кейбір пәндерді (мемлекеттік емтихан тапсырылатын «Қазақстан тарихы» пәнінен басқа) ақылы негізде қайта оқуға және емтихандарды қайта тапсыруға мүмкіндік беріледі.

Жазғы семестрдегі оқу тек ақылы негізде ғана жүргізіледі.

Жазғы семестр білім алушының пән бойынша қанағаттандырарлықсыз бағасын жоюға, оқу жоспарындағы айырмашылықты жоюға, пререквизит-терді өз уақытында меңгеру есебінен өзінің жеке жоспарына түзетулер енгізуге, үлгерімінің орташа балын көтеруге (GPA) мүмкіндік береді. Жазғы семестр кезінде қажетті кредиттерді меңгеру үшін жазғы семестрге екі апта уақыт қалғанға дейін білім алушы 9 кредитке тіркеле алады.

Үлгерімнің орташа балын есептегенде оқу пәні бойынша соңғы бағалар есепке алынады.

Емтиханды қайта тапсырудың оң нәтижелерімен қоса білім алушының барлық қорытынды бағалары транскриптке жазылады.

3.5 Әр оқу жылының ұзақтығы мен уақыты оқу жылы басталардан 3 ай бұрын Академиялық күнтізбеде басылып, білім алушылар мен оқытушылардың назарына ұсынылады. Білім алушыларды факультет ұсынған элективті пәндер мазмұнымен кеңінен таныстыру мақсатында оқу жоспарының әр блогы бойынша элективті пәндердің Каталогы басылып шығарылады. Каталогты кафедралар дайындайды, оны академиялық мәселелер жөніндегі Департамент үйлестіреді, сөйтіп, білім алушылар назарына ұсынады.

4.4 Теориялық оқыту кезеңінің алдында «Универ» жүйесіне жұмыс-оқу бағдарламасына сәйкес пәннің толық оқу-әдістемелік кешені (ПОӘК) енгізілуі керек.

Базалық пәндерді таңдау білім алушының кәсіби бағдарын ескере отырып жүзеге асырылады, бірақ білім алушының ЖОЖ-ы басқа мамандықтар бойынша пәндердің блогында мәлімденген пәндерді қамти алады.

3 данада құрастырылған ЖОЖ-ға (1-қосымша) білім алушының қолы қойылып, келісу үшін куратор-эдвайзерге беріледі.

Ескерту болмаған жағдайда куратор-эдвайзер ЖОЖ-ға қол қояды, оны тіркеуші кеңсесінде келіседі. Бекітілгеннен кейін бір данасы білім алушыда қалады, екінші данасын аттестациялау үрдісінде пайдалану үшін куратор-эдвайзер тіркеуші кеңсесіне береді, ал үшінші данасы куратор-эдвайзерде сақталып, білім алушының оқу жоспарын орындауын бақылауды жүзеге асыру үшін негіз болады. ЖОЖ-ды тіркеушінің кеңсесіне өткізудің соңғы мерзімі семестрдің 1-аптасы. Білім алушының ЖОЖ-ы оның ІD жеке идентификациялық нөмірімен тіркеледі.

Білім алушы ЖОЖ-ды Академиялық күнтізбеде көрсетілгендей теориялық оқытудың басталуына дейін мамандық бойынша жұмыс оқу жоспарының шегінде тіркеу жүргізу кезеңінде немесе бағдарлау апталығы кезеңінде өзгерте алады.

4.6 Әл-Фараби атындағы ҚазҰУ-дың серіктестік бағдарламалары немесе халық-аралық алмасу білім бағдарламалары бойынша шетелдік ЖОО-да білім алып жатқан магистранттар мен бакалаврларға олардың шетелде оқыған кезеңде университет маман-дығының бекітілген оқу жоспарына сәйкес пәндер бойынша жинаған кредиттері есептелуі мүмкін.

4.7 Кредиттік оқыту жүйесі жағдайында білім алушыларға үй тапсырмалары, кейстерді талдау, курстық жұмыстар және басқа да зерттеу жобалары түріндегі өзіндік жұмыстың үлкен көлемі ұсынылады. Нақты тапсырмалар, бағалау критерийлері мен тапсырмаларды өткізу кестесі көрсетіліп, барлық өзіндік жұмыс түрлері міндетті түрде силлабус пен ПОӘК-де сипатталады.

4.8 Магистранттар мен докторанттар жеке оқу жоспарынан басқа, бүкіл оқу кезеңіне арналған жеке жұмыс жоспарын құрады.

4.9 Магистранттар мен докторанттар оқуға түскеннен кейін екі айдың ішінде диссертациялық жұмыстарына басшылық жасау үшін ғылыми жетекшілер/кеңесшілер тағайындалады.

4.10 Ғылыми жетекшілік пен зерттеу жұмысының тақырыбы Ғылыми кеңестің шешімі негізінде жоғары оқу орнының ректорының бұйрығымен бекітіледі.

4.11 Докторанттардың ғылыми жетекшілігін саны 2 адамнан кем емес, біреуі шетелдік жоғары оқу орнынан болатын ғылым докторлары мен ғылым кандидаттары, философия докторларынан (PhD) құрылған кеңес беру комиссиясы жүзеге асырады.

Университетке жаңа түскендер үшін мерзімдері академиялық кестеде көрсетілетін бағдарлау (ұйымдастыру) кезеңі ішінде кредиттік оқыту жүйесімен, пәнге тіркеу рәсімдерімен жалпы танысу жүзеге асырылады.

Бағдарлау кезеңінде әкімшілік өкілдерімен, факультет декандарымен, кафедра меңгеру-шілерімен, эдвайзерлермен кездесулер өткі-зіледі. Әрбір білім алушыға ІD идентифи-кациялық нөмірі (логин) беріледі, білім алушы сол бойынша жеке оқу жоспарын оқу пәндеріне он-лайн тіркеу жолымен тіркейді.

5.4 Әл-Фараби атындағы ҚазҰУ-ға жаңа түскендерді тіркеу бағдарлау кезеңінен өткен соң, бірінші семестр басталғанға дейін жүргізіледі. Білім алушылардың бұл катего-риясы үшін тіркеуге жіберуге университеттің білім алушы/магистранттары/РhD докторант-тары қатарына қабылдау туралы бұйрық және семестр үшін төлем (егер оқыту ақылы негізде жүргізілетін болса) негіз болып табылады.

Қалған білім алушылар келесі оқу жылының пәндеріне және пәнді қайта өтуге (Retake) академиялық кестеде көрсетілген тіркеу кезеңінің ішінде тіркеледі.

▪ белгілі бір пәндерді оқып-игеру үшін талап етілетін барлық пререквизиттерден өту;

▪ оқыту ақысы бойынша қаржылық қарыздың болмауы;

▪ білім алушының кешенді медициналық тексеруден (оқу жылының ішінде бір реттен кем емес) өтуі.

Пәнді қайта оқып-игеру үшін тіркеу (Retake) жалпы тіркеудің белгіленген мерзімдерінде жүзеге асырылады, бірақ оқыту үшін алдын ала төлем жасауды талап етеді, өйткені пәнді қайта оқып-игеру барлық мамандықтар мен оқыту түрлері үшін тек қана ақылы түрде жүргізіледі.

▪ дәрістерде – 80 адамнан бастап;

▪ тәжірибелік сабақтарда – 20-25 адам;

▪ білім алушылары аз мамандықтарды санамағанда, тілдік, зертханалық сабақтарда – 12-ден кем емес адамды құрайды.

Білім алушылардың академиялық топ-тарының контингенті шағын білім алушылары мамандықтың элективті пәндері бойынша білім алушылардың барлығының бір пәнге жазылу ұстанымы бойынша құрылады. Мұндай жағдайда білім алушылардың жалпы саны 10-12 адамнан кем болмауы тиіс.

Білім алушылар саны бекітілген ең аз мөлшерден кем болған жағдайда пән ашылмайды. Осы пәнге жазылған білім алушыларға бұл туралы тіркеу аяқталғаннан кейін 3 күннің ішінде ескертіліп, пәнді қайта таңдаулары сұралады.

• 
  ағымдағы бақылау
  
• 
  аралық бақылау
  
• 
  қорытынды бақылау
  

Ағымдағы және аралық бақылауды өткізудің формасын пәннің ерекшелігіне байланысты оқытушы белгілейді. Ағымдағы және аралық бақылаулар коллоквиум немесе компьютерлік тестілеу, жазбаша бақылау жұмысы, білім алушылардың пікірсайыстарға, дөңгелек үстелдерге, іскери ойындарға қатысуын бағалау, жағдаятты тапсырмаларды шешу және т.б. түрде жүргізіледі. Ағымдағы және аралық бақылау формасы туралы толық ақпарат пән бойынша жасалған силлабуста көрсетіледі және семестрдің алғашқы екі аптасында білім алушыларды хабардар етеді.

Пәннің аралық бақылау бойынша үлгерімінің максималды көрсеткіші 60 балды құрайды, ағымдағы бақылаудың қоры-тындысын қосқанда әрбір аралық бақылау 30 балдан тұрады. Аралық бақылау қорытындысы аттестациялау апталығының дүйсенбісінен кешіктірілмей Универ жүйесіндегі аралық бақылау тізімдемесіне қойылады. Аралық аттестациялық аптада 15 балдан жоғары қою ұсынылмайды.

Емтихандағы максималды баға – 40 балл.

Сессияның ұзақтығы және емтихандардың саны мамандық бойынша бекітілген оқу-жұмыс бағдарламасына және академиялық күнтізбеге сәйкес анықталады. Соңғы емтиханды ұйым-дастыру және өткізу жауапкершілігі деканға, оқу үдерісі бөліміне, университеттің офис-тіркеушілеріне жүктеледі.

Білім алушылар барлық емтихандарды пәннің оқу бағдарламасы бойынша бекітілген жұмыс және жеке оқу жоспарына сай қатаң тәртіппен тапсырулары керек.

Егер алдыңғы курста ешқандай академиялық қарыздары болмаса ғана сырттай бөлімде білім алушылар сессияға жіберіледі. Оқытудың сырттай бөлімі бойынша сессия, олардың мерзімдері мен оқу жылындағы саны мамандық бойынша бекітілген оқу жоспарында анықталады.

ҚазҰУ-да емтихандар жазбаша түрде өткізіледі.

Пән бойынша білім алушының қорытынды бағасы семестр кезінде алған аралық және қорытынды бақылаудың балдарын жинақтау жолымен құралады. Пән бойынша аралық аттестацияның аяқталуының міндетті талабы соңғы емтихан бойынша жақсы баға болып табылады.

Семестрдегі оқу үлгерімінің ең жоғары бағасы пән бойынша қорытындылаудың 60%-ын құрайды, және емтихандағы жоғары баға қорытынды бағаның 40%-ын құрайды
(4-қосымша).

7.3 Емтихан нәтижесін оқытушы тізімдемеге сай емтихан аяқталғаннан кейін 48 сағат ішінде Универге енгізеді.

7.4 Егер білім алушы қойылған бағамен келіспесе, емтихан нәтижесі «Универ» жүйесіндегі электрондық тізімдемеге қойылған күннің ертеңінен кешікпей факультет деканының атына апелляцияға өтініш бере алады. Деканның өкімі бойынша сессия кезінде біліктілігі пәннің профиліне сай келетін оқытушылардан құралған апелляциялық комиссия 24 сағат ішінде өтінішті қарап, бағаны қайта қарау немесе бастапқы алған бағасын қалдыру туралы комиссия отырысының хаттамасын жазуы керек. Апелляциялық комиссия білім алушының жазбаша жұмысын немесе қабылданған ауызша емтихан нәтижесін қайта қарау негізінде шешім қабылдайды. Егер білім алушы апелляция нәтижесінде емтиханда алған бағадан төмен баға алса, онда ол транскриптке енгізіліп, GPA-ны есептегенде соңғы баға есепке алынады. Оқу ісі жөніндегі проректор апелляциялық комиссияның шешімін бекіткеннен кейін офис-тіркеуші апелляция нәтижесін енгізеді.

7.5 “W” , “AU”, “F”, “AW” бағаларын пәнді қайта оқып өзгертуге болады, бірақ олардың бәрі транскриптке өзгертілген бағамен енгізіледі, бұл кезде GPA соңғы алынған бағамен есептеледі.

7.6 «F» бағасын алған жағдайда, білім алушының пәнді қайтадан оқуға (Retake) құқығы бар, бірақ ол 3 реттен артық
болмайды. Пәнді қайтадан оқу тек ақылы негізде жүргізіледі.

7.7 Таңдау пәнінен «қанағаттанарлықсыз» баға алған білім алушының белгіленген тәртіп бойынша осы пәнді қайта оқуына немесе осы блоктағы басқа пәнді таңдауына құқығы бар. Пәндерді ауыстыру эдвайзердің және офис-тіркеушінің келісімімен болады.

7.8 Егер білім алушы семестр ішінде аралық бақылаудан 30 балдан кем алмаса, емтиханға дәлелді себептермен (ауырғаны туралы құжаты Алматы қаласының студент емханасында куәландырылған және т.б.) келе алмаған жағдайда, оған оқытушы «І» бағасын қоя алады. Білім алушы «І» бағасын алу үшін емтихан өткеннен кейін екі күннен кешікпей оқу ісі жөніндегі проректорға оқытушысы, факультет деканы, оқу бөлімі және ДАВ директорының визаларын қойып, емтиханға келе алмаған себептерін көрсетіп және осыны дәлелдейтін құжаттардың (анықтама) түпнұсқасын тіркеп, өтініш береді. Егер емтиханға келмегені оқу ісі жөніндегі проректор келісімімен дәлелді деп танылса, білім алушыға «I» бағасы қойылады.

Оқытушы «І» бағасын стандартты («A», «B», «C», «D») бағаларға келесі семестр басталған соң 30 күннің ішінде, білім алушы силлабустың барлық талаптарын орындаған жағдайда, өзгерте алады. «I» бағасын стандарт бағаға өзгерту үшін білім алушы оқытушыға кездесіп, орындау үшін берілетін жұмыстың көлемі мен түрін анықтауға міндетті.

Оқытушының емтихан тапсыру үшін ұсынған кестесіне (өзге де жұмыстар) сәйкес офис-тіркеуші Универ жүйесіндегі бағаны өзгерту үшін емтихан парағын береді. Егер білім алушы көрсетілген уақыт ішінде барлық қойылған талаптарды орындамаса, офис-тіркеуші оқытушының қолы қойылған емтихан парағының негізінде «I» бағасын «F» (қанағаттанар-лықсыз) бағасына ауыстырады. «I» бағасын қойған оқытушы белгілі себептермен университетте болмаса, кафедра меңгерушісі «I» бағасын стандартты бағаға ауыстыруды басқа оқытушыға табыстайды. Егер білім алушы бағаны түзету мерзімі аяқталмай университеттен кетіп қалса, онда «I» бағасы транскрипте өзгеріссіз қалады.

7.9 «AU» бағасы қорытынды бағаны алмай-ақ пәнге қатысқысы келетін білім алушыларға қойылады. Мұндай пәнді өту ҚазҰУ-дың белгілеген бағасы бойынша толық көлемде төленеді. Оқытылатын пәнге тыңдаушы ретінде тіркелген білім алушы ол туралы офис-тіркеушіге хабарлауы тиіс. Мұндай білім алушының емтихан тізім-демесіне автоматты түрде «AU» бағасы қойылады.

7.10 Оқу пәнінің тыңдаушылары ретінде ҚазҰУ-дың білім алушыларымен қатар университетте білім алушы ретінде тіркелмеген, бірақ оқу ақысын төлеген тұлғалар да қатыса алады.

7.11 Білім алушы «Add/Drop» қайта тіркеу аяқталғанға дейінгі бірінші аптаның ішінде пәннен бас тартатын шешімін негіздеп факультет деканының атына өтініш жаза алады. Өтініш міндетті түрде эдвайзермен келісілуі тиіс. Мәселе оң шешілген жағдайда, деканның қолы қойылған өтініш офис-тіркеушіге жіберіледі. Білім алушының пән бойынша емтихан тізімдемесіне «W» белгісі қойылады. Бұл бағаны оқытушы өзгерте алмайды. Оқу пәніне төленген ақы білім алушыға қайтарылмайды.

7.12 Сабақ басталғаннан кейін 4 апта өткен соң білім алушы пәннен бас тарта алмайды, бас тарса, білім алушыға осы пән бойынша «F» бағасы қойылады.

7.13 «AU» мен «W» бағалары бар білім алушы несие ала алмайды.

«AU» мен «W» бағасы қойылған пәндер бакалавриаттың міндетті бағдарламаларына кірмейді және элективті пәндерді ауыстыра алмайды.

• 
  оқылып жатқан курсқа ешбір себепсіз жүйелі түрде қатыспау (36 сағат);
  
• 
  жеке тапсырмаларды, СӨЖ/МӨЖ орындамау, жұмыстарды тапсыру кестесін тұрақты түрде бұзу, әл-Фараби атындағы ҚазҰУ-дың басқа да оқу ережелерін бұзу;
  

Оқытушы академиялық себептер бойынша білім алушыны оқу пәнінен босатуға болатын қосымша шарттарды силлабуста көрсете алады.

Міндетті пәндердің қатарына енетін пәндерден әкімшілік жолмен шығарылған жағдайда білім алушы оны тек ақылы түрде қайта оқи алады. Пәннен босату оқытушы немесе әкімшілік тарапынан жүргізіледі, тізімдемеде «AW» бағасы қойылып, ол білім алушының транскриптіне енгізіледі. Оқу пәніне төленген ақы қайтарылмайды.

7.15 Қорытынды бақылау бойынша оң бағаны көтермелеу мақсатында қайта тапсыруға рұқсат берілмейді.

7.16 GPA деңгейіндегі балды жинаған білім алушы университет ректорының бұйрығымен келесі курсқа көшіріледі. Курстан курсқа көшірілу үшін талап етілетін GPA балы оқу жылының басында факультеттің Ғылыми кеңесінде белгіленеді. Белгіленген GPA балын жинамаған білім алушы курсты ақылы түрде қайта оқуға қалдырылады. Курсты қайта оқуға қалдырылған білім алушы бұрын қабылданған жеке оқу жоспарымен оқуға немесе белгіленген тәртіп бойынша жасалған жаңа жеке оқу жоспарын құруға құқылы.

Талап етілетін GPA балын жинап келесі курсқа көшірілген білім алушы академиялық қарызы болған жағдайда оқу пәндерін тек ақылы түрде ғана қайта оқи алады.

Оқудың қайталау курсына қалдырылған білім беру грантының иегері болған білім алушы білім беру грантынан айрылады да, ары қарай оқуды тек ақылы түрде жалғастыра алады.

Білім беру грантының иегері болған білім алушы GPA-ның көшіру балын жинағанда және келесі курсқа академиялық қарызбен көшірілгенде білім алушы білім беру грантынан айырылмайды. Мұндай жағдайда олар қарызы бар оқу пәнін тек ақылы түрде қайта оқи алады және олардан емтихан тапсырады. Мамандықтар кестесіндегі бір кредиттің бағасын қаржылық-экономикалық жұмыстар жөніндегі департаменті анықтайды.

Магистранттар мен докторанттар үшін диссертациялық зерттеулерге сатылы жинақтық бағалау жүйесі енгізілген. Оқудың барлық кезеңінде ғылыми-зеттеу жұмысының орын-далуының әр сатысы бойынша жинақтау тізімдемесіне балл қойылып отырады.

• 
  зерттеу тәжірибесін – философия доктор-лары (PhD) бағдарламасы бойынша білім алушылар үшін;
  
• 
  өндірістік тәжірибені – профильді док-торантура бағдарламасы бойынша білім алушылар үшін.