Сабақты оқыту нәтижелері
жүктеу/скачать 81.48 Kb.
|
| Бақылау есебі: Үшінші аналитикалық топ катиондар қоспасына анализ
Анализдің жүйелік әдісі. Үшінші аналитикалық топ катиондарын жүйелік әдіс бойынша анықтағанда, ерттелінетін ерітіндіге сірке қышқылы қатысында калий дихроматының К2Сr2O7 ерітіндісін қосады. Осы кезде Ва2+ катионы Sr2+ және Са2+ катиондарынан бөлінеді (1-кесте), яғни Ва2+ катиондары тұнбаға ВаСrO4 түрінде өтеді, ал Sr2+, Са2+ катиондары мен хромат-иондарының СrO42- артық мөлшері ерітіндіде қалады. Тұнбаны центрифугалайды немесе сүзгі қағазында сүзеді және тұнбаның толық түзілгенін тексереді. Центрифугаттың (І) бір бөлігіне гипс суын құйып, су моншасында 7-10 минут қыздырады: егер біраз уақыттан кейін тұнба түзілсе, онда ерітіндіде Sr2+ катиондарының болғаны. Центрифугатта (І) (нефильтратта) аз мөлшерде (0,0022г-ион/л) Ва2+ катиондары бар болғанымен, гипс суы тек Sr2+ катиондарымен ғана тұнба береді. Са2+ катиондары гипс суымен тұнба бермейді. Егер ерітіндіде Sr2+ катиондары бар болса, онда центрифугатқа (гипс суы қосылмаған) натрий карбонатының ерітіндісін қосып, SrCO3 және СаСО3 тұнбаларын бөліп алады. Алынған тұнбаларды екі-үш реет дистилденген сумен шайып, сірке қышқылында ерітеді. Осы ерітіндіге аммоний сульфатының ерітіндісін қосады, бұл кезде Sr2+ катиондары сульфат (SrSO4) түрінде тұнбаға өтеді, ал Са2+ катиондары ерітіндіде комплекстік қосылыс (NH4)2[Ca(SO4)2] түрінде қалады. Ва2+ катионын ашу және оны бөліп алу. Пробиркаға 3-4 тамшы зерттелінетін ерітіндіден алып, үстіне 3-4 тамшы сірке қышқылын және 3 тамшы калий дихроматының К2Сr2O7 ерітіндісін қосады. Егер тұнба түзілсе, онда Ва2+ катионының бар болғаны және одан арылу үшін тұнбаны центрифугалап немесе фильтр қағазында сүзу арқылы бөліп алады. Sr2+ катионын ашу. Ва2+ катионы тұндырылған центрифугаттан (І) 2-3 тамшы алып, үстіне пипетка арқылы 2-3 тамшы гипс суын қосып, су моншасында 700С-қа дейін қыздырады. Онан кейін пробирканы 15-20 минутқа қалдырады. Тұнбаның түзілуі зерттелініп отырған ерітінді құрамында Sr2+катионының бар екендігін көрсетеді. Са2+ катионын ашу. Пробиркаға центрифугаттан (І) 4-5 тамшы алып, үстіне дәл сондай мөлшерде натрий карбонатын қосып, шыны таяқшамен араластырады. Түзілген стронций және кальций карбонаттарының тұнбасын сүзіп алып, дистилденген сумен (хромат-иондарының артық мөлшерінен арылу үшін) жуады. Осы тұнбаны сірке қышқылында ерітеді. Түзілген ерітіндіні (ІІ) екіге бөліп, оның бір бөлігінен Sr2+ катионын анықтау үшін гипс суын (қаныққан СаSO4 ерітіндісін) қосады. Сонда стронций катионы SrSO4 түрінде тұнбаға өтеді. Тұнбаны бөліп алып, жалын үстінде тексереді. Ерітіндінің (ІІ) екінші бөлігінен Са2+ катиондарын ашу үшін, алдымен ондағы Sr2+ катионының жұғынынан арылу керек. Осындай мақсатпен ерітіндіге аммоний сульфатын (NH4)2SO4 қосып, центрифугалайды. Тұнбаны бөліп алып, қалған центрифугатты (ІІІ) екіге бөледі. Бірінші жартысына аммоний оксалатының (NH4)2C2O4 ерітіндісін, ал екінші жартысына - ацетон немесе спирт қосады. Тұнбаның түзілуі Са2+ катионының бар екендігін көрсетеді. 1-кесте. Үшінші аналитикалық топ катиондар қоспасын жүйелік әдіс бойынша талдауға арналған сызбанұсқа (тұнбасыз ерітінді)
2 –кесте. Қышқылды-негіздік классификация бойынша ІІІ-ші аналитикалық топ катиондары түзетін реакция өнімдері
жүктеу/скачать 81.48 Kb. Достарыңызбен бөлісу:
| |||||||||||||||||||||||||||||||||||