Сәулет, қала құрылысы және құрылыс қызметі, тұрғын үй қатынастары және коммуналдық шаруашылық саласындағы

- өзінің техникалық параметрлері бойынша қауіпсіздік талаптарына жауап беруге;

- техникалық жарамды жағдайда ұсталуға;

- мақсатына сай пайдалануға (олар арналған жұмыстардың түрлері үшін). Негізгі мақсатына сай пайдалану сонымен қатар жұмыстардың жауапты орындаушысының рұқсаты бойынша жүзеге асырылуы керек;

- сәйкес келетін дайындығы және олармен жұмыс істеуге рұқсаты бар жұмысшылармен пайдаланылуға;

- қорғаныс құрылғыларымен (қоршаулармен, қаптармен және с.с.) жабдықталған болуға.

12.9.2 Жабдықтарды, механизмдерді, шағын механикаландыру құралдарын, қол аспаптарын қауіпсіз пайдалану талаптары еңбекті қорғау жөніндегі нұсқаулықтарда бар болуы керек.

12.9.3 Жылжымалы жабдықтың, механизмдердің, шағын механикаландыру құралдарының, қол аспаптарының кабельдері, шлангтері ең қысқа ықтимал ұзындыққа ие болуы және қауіп-қатер төндірмеуі керек.

Биіктікке берілген шлангтер мен кабельдер құлаудан, шайқалудан және қажалудан сақтандырылуы керек. Шлангтер мен кабельдерді салу олар өзара, сақтандыру және көтеруші жіптермен қиылысуы болмайтындай жүзеге асырылуы керек.

12.9.4 Механикалық жетектері бар механизмдер және жабдықтар өздігінен іске қосылудың, пайдаланушы үшін құрылғыны жедел тоқтатудың жеңіл қол жетімді және анық көрінетін блоктауына ие болуы керек. Қауіпті қозғалмалы бөліктер қорғаныс қоршауына ие болуы керек.

12.9.5 Жұмыс органының өзгеретін айналу жылдамдығына ие жабдықтар, механизмдер, шағын механикаландыру құралдары, қол аспаптары іске қосу кезінде ең төменгі айналу жылдамдығымен іске қосылуы керек.

12.9.6 Биіктікте жұмыс істеу кезінде пайдаланылатын жабдықтар, механизмдер, шағын механикаландыру құралдары, қолдық механикаландырылған және басқа да аспаптар олардың құлауын (бекіту, байлау, биіктіктен құлау шекараларынан жеткілікті қашықтықта орнату немесе фалдар арқылы жұмысшының сақтандыру белдігіне бекіту және с.с.) болдырмайтын қауіпсіздік шараларын қамтамасыз етумен қолданылуы керек.

12.9.7 Жұмыс процесінде қоректендіруші сымдарды және кабельдерді созуға және майыстыруға, олардың металдан жасалынған арқандармен және арқанмен, кернеуі бар электр кабельдерімен және сымдарымен қиылысуына жол беруге, қолдық механикаландырылған аспапты қараусыз қалдыруға, оны пайдалануға құқығы жоқ тұлғаларға беруге болмайды.

12.9.8 Электр аспаптарына энергия беру үшін генераторлар пайдаланылған кезде генератор апат жағдайында қоректендіруді жылдам сөндіру үшін арналған қарапайым сөндіру құрылғысына ие болуы керек.

12.9.9 Ауа шлангтері 12 мм диаметрге ие пневматикалық аспаптарды пайдалану кезінде екпін кезінде ұштардың жалғанған жерлерінің «ұшуын» болдырмау үшін әрбір жалған жерде немесе бітікте шлангтің екі ұшына ілмектері бар сақтандырғыш металдан жасалынған арқан бекітілуі керек.

12.9.10 Қысыммен жұмыс істейтін жуу аппараттарын пайдалану кезінде жоғары қысымның соплосы оператордың жіптерімен байланысқа кірмейтініне кепілдік беру үшін қауіпсіздік шаралары қабылдануы керек. Шлангтердің салмақтарын ұстау үшін тәуелсіз жіптер мен анкерлер қажет болуы мүмкін.

12.9.11 Альпинистік жүйенің синтетикадан жасалынған бөліктері жабдықтағы ыстық беттерімен және жанғыш майлау материалдарымен байланысқа түспеуіне шаралар қабылдануы керек.

12.9.12 Пайдаланушыны жарақаттауы мүмкін аспаптар қоректендіру қателік, оқыс оқиға немесе апаттық жағдайда сөнуі үшін апаттық ажыратқышпен жабдықталуы керек.

12.9.13 Ілінетін және аспалы алаңшаларда орнатылатын жабдықтар өздігінен аударылмауы және орынынан жылжымауы үшін бекітілуі керек.

12.9.14 Электр қондырғыларына және кернеуі бар басқа да жабдықтарға жақын жерлерде жұмыс істеген кезде оқшауланған немесе тоқ өткізбейтін слесарлық-жинақтау аспабы пайдаланылуы керек.

12.9.15 Тез тұтанатын немесе жарылу қауіпі бар заттарға жақын жерде, ауада осы заттардың булары немесе шаңдары бар кезде жұмыс істеу кезінде ұшқын шығармайтын слесарлық-жинақтау аспабы пайдаланылуы керек.

12.9.16 Соққылық, қысымдық және кескіш әрекетке ие слесарлық-жинақтау аспаптарындағы тұтқалар тегіс және қабыршықтануларының болмауы, қатты және тұтқыр түрдің ағаштарынан жасалынуы, аспапқа мықтап орнатылған және бандаждық (тартқыш) сақиналармен жабдықталуы керек.

12.9.17 Соққылық әрекетке ие слесарлық-жинақтау аспабымен жұмыс істеу кезінде жұмысшы әйнектері сынбайтын қорғаныс көзілдіріктерін (қалқаншасын) пайдалануы керек.

12.9.18 Металды қоларамен кесу кезінде табақ мықтап бекітілгенін және жеткілікті түрде тартылғанын қадағалау керек.

12.9.19 Слесарлық балғалар, ауыр балғалар ұратын бөліктің тегіс, кішкене дөңес бетіне ие болуы, сапқа мықтап орнатылуы керек.

12.9.20 Сомын кілттерінің көлемдері сомындардың немесе болттардың бастарының көлемдеріне сәйкес келуі және сызаттарға, жапырылған орындарға ие болмауы керек. Әрекеттің ұлғайтылған иінімен жұмыс істеуге есептелмеген кілттерді рычагтармен ұзартуға болмайды.

12.9.21 Қолдық пневматикалық аспапты іске қосу құрылғысы оператордың қолымен жасалынатын қысымды төмендету кезінде ауа жіберу клапанын автоматты түрде жабуды қамтамасыз етуі, ыңғайлы жерде орналастырылуы және кездейсоқ іске қосылу қауіпін барынша төмендететіндей етіп орналастырылуы керек.

12.9.22 Қолдық пневматикалық соққылық аспап жұмыс аспабының гильзадан кездейсоқ құлауын болдырмау үшін арналған сақтандырушы ысырмамен немесе құлпымен жабдықталуы керек.

12.9.23 Қолдық пневматикалық аспапты пайдалану кезінде келесі талаптар орындалуы керек:

- аспап паспортында және өндіруші-зауыттың нұсқаулығында көрсетілген мақсатқа сәйкес пайдаланылуы керек;

- аспаппен жұмыс істеу жұмысшының тұрақты қалыбы кезінде жүзеге асырылуы керек;

- ауаны жіберу аспапты жұмыс қалыбына орнатқаннан кейін жүзеге асырылуы керек;

- аспаппен жұмыс істердің алдында жабдықтардың комплектілігі; жекелеген тораптар мен бөлшектерді бекітетін бұрандалардың тартылуы; сүзгінің және жалғаушы штуцердің торының бар болуы және тазалығы; редуктордың жұмысқа жарамдылығы тексерілуі керек;

- аспапқа және ауа құбырына түтік құбырды жалғау, түтік құбырлардың өзара жалғануы жұмысқа жарамды бұрандасы бар штуцерлердің және ниппелдердің көмегімен жүзеге асырылуы керек, ал штуцерлерді түтік құбырларға бекіту үшін сақиналар немесе тартқыш қамыттар пайдаланылуы керек. Сыммен бұрауларды пайдалануға болмайды;

- ауа құбырының және аспаптың түтік құбырларын жалғау (ажырату) ауа жинағышта немесе негізгі ауа жинағыштың таралымдарында орнатылған жапқыш вентильдердің жабық тұрған кезінде жүргізілуі керек;

- жұмыстағы үзілістер кезінде немесе ақаулықтар кезінде аспапқа ауаның берілуін сөндіру, ауа вентилін жабу керек;

- жұмысты бастардың алдында 1 минут бос жүріс кезінде аспаптың жұмысқа жарамдылығын, іске қосу клапанының дұрыс жұмыс істеуін тексеру керек.

12.9.24 Қолдық пневматикалық аспаппен жұмыс істеген кезде пайдаланылған қысылған ауаның шығуы жұмысшының қолдарына үрлемеуін және жұмысшының тыныс алу аймағына бағытталмайтынына, аспап бос жүрісте жұмыс істемеуін қадағалау керек. Ақаулықтар анықталған жағдайда жұмысты дереу тоқтату және аспапты жөндеуге беру керек.

12.9.25 Қолдық пневматикалық аспаппен жұмыс істеген кезде келесілерді болмайды:

- аспапты жұмыс бөлігінен немесе түтік құбырынан ұстауға;

- түтік құбырларға ауаның берілуін тоқтатқанға дейін оларды жалғауға және ажыратуға;

- түтік құбырларды өтетін жерлерге және жолдарға, материалдарды қоймалау орындарына орналастыруға, оларды бұрауға және майыстыруға;

- түтік құбырлардың жалған жерлерін сымдармен бекітуге және ауаның жылыстауын қамыттың астына сына қағу арқылы тоқтатуға;

- аспапты вентилдерді пайдаланусыз түтік құбыр арқылы тікелей қысылған ауаның магистралына жалғауға;

- түтік құбырды майыстырып қысу арқылы ауаның берілуін тоқтатуға;

- ақаулықтары бар түтік құбырларды пайдалануға, сондай-ақ оқшаулағыш таспамен және басқа да материалдардан орауды орындауға;

- сүйелмелі баспалдақтарда, сондай-ақ бір уақытта бір тіктікте сәйкес келетін сақтандыру құрылғыларынсыз екі немесе одан да көп қабаттарда жұмыс істеуге.

12.9.26 Соққылық немесе айналу әрекетінің қолдық пневматикалық аспаптарын пайдаланумен жұмыс істеп жатқан жұмысшылар алақан жағынан дірілге қарсы астары бар қолғаптармен қамтамасыз етілуі керек.

12.9.27 Қолдық электрлендірілген аспап әдетте 42 В жоғары емес кернеуде қолданылуы керек.

І сыныпқа жататын қолдық электрлендірілген аспаптың корпусы (42 В жоғары кернеу кезінде қос оқшаулауға ие емес) жерлендірілуі (нольденуі) керек.

12.9.28 Қолдық электрлендірілген аспапты жұмысқа беру кезінде комплектілікті және бөлшектердің бекітілуінің сенімділігі, кабельдің, штепсельді ашаның, оқшаулаудың, қорғаныс қаптарының, сөндіргіштің жұмысының анықтығы және аспаптың бос жүріс кезіндегі жұмысы тексерілуі керек.

12.9.29 Қолдық электрлендірілген аспаппен жұмыс істеу кезінде болмайды:

- желіге қосылған аспапты қараусыз қалдыруға;

- аспаптың сымын (кабелін) созуға және майыстыруға, оның машиналардың болаттан жасалынған арқандарымен, кернеуі бар электр кабельдерімен, сымдармен немесе оттегін, ацетиленді және басқа да газдарды беруге арналған шлангтермен қиылысуына жол беруге;

- жұмыс орынының үстін қалқалаусыз жаңбыр немесе қар жауып тұрған кезде ашық алаңдарда жұмыс істеуге.

12.9.30 Келісі ақаулықтары бар қолдық электрлендірілген аспапты пайдалануға болмайды:

- штепсельдік қосылған жер, кабель немесе оның қорғаныс қабы, щетка ұстағыштың қақпағы зақымдалған;

- сөндіргіштің дәл емес жұмысы, бетінде шеңберлік оттың пайда болуымен бірге болатын коллектордағы щеткалардың ұшқын шығаруы;

- редуктордан немесе желдету арналарынан майдың ағуы;

- жанып жатқан оқшаулағышқа ұқсас түтіннің немесе иістің пайда болуы;

- жоғары шудың, тарсылдың, дірілдің пайда болуы, корпустық бөлшекте, сапта, қорғаныс қоршауында сызаттардың пайда болуы немесе сыну.

12.9.31 Қолдық электрлендірілген аспаппен жұмыс істеуге рұқсат берілген жұмысшыларда тұтынушылардың электр қондырғыларды пайдалану кезіндегі техника қауіпсіздігі ережелерінің талаптарына сәйкес электр қауіпсіздігі бойынша топқа ие болуы керек.

12.9.32 Қолдық электрлендірілген аспаппен жұмыс істеуге 18 жастан жас емес, арнайы оқудан өткен, сәйкес келетін емтихан тапсырған және осы туралы еңбекті қорғау жөніндегі куәлігінде жазбасы бар тұлғаларға ғана рұқсат беріледі.

12.9.33 Электр аспаптармен жұмыс істеу кезінде келесі талаптарды орындау керек:

- І сыныптың аспабымен жұмыс істеген кезде резеңкеден жасалынған диэлектрлік қолғаптарда, диэлектрлік галоштарда немесе диэлектрлік кілемшеде жұмыс істеу керек;

- егер қауіпсіз штепсельді қосылу жоқ болса аспапты таратқыш құрылғыға қоспау керек;

- электр аспапты қоректендіретін сымды механикалық зақымданулардан қорғау керек;

- электр аспапты сымынан ұстап тасымалдамау, бұл үшін тұтқаны пайдалану керек;

- жұмысшы электр аспаптың ешқандай жөндеу жұмыстарын жүргізбей, аспапты дереу жөндеуге беруі керек;

- электр қозғалтқыштың толық тоқтауына дейін кесу құралын ауыстыруды жүргізбеу керек;

- жұмыстағы үзілістер немесе электроэнергияны беру тоқтатылған кездерде аспапты желіден ажырату керек;

- сүйелмелі баспалдақтарда жұмыс істемеу керек;

- электр аспапты тіпті қысқа уақытқа басқа адамдарға бермеу керек;

- сымдарды және штепселді қосылған жерлерді жөндеуді жүзеге асырмау керек;

- аспап толық тоқтағанға дейін жоңқаларды немесе үгінділерді қолмен алмау керек.

12.9.34 Мүмкіндігінше жылдамдығы төмен пиротехникалық аспапты (жинақтау тапаншасы) пайдалану керек.

12.9.35 Қолдық пиротехникалық аспапта келесілер болуы керек:

- қорғаныс құрылғысы немесе экран;

- кездейсоқ атылудан қорғайтын құрылғы;

- егер тапаншаның саптамасы жұмыс бетіне тіреліп тұрмаса атылудан қорғайтын құрылғы.

12.9.36 Қолдық пиротехникалық аспаптың жұмысы кезінде қатты дыбыс (ату дыбысы), жинақтаушының қолына едәуір тебу, сондай-ақ бетонның, кірпіштің, металдан жасалынған қабыршақтың ықтимал ұшуы және дюбельдің тайқып тиюі немесе оның құрылыс құрылымын тесіп шығуы орын алуы мүмкін.

12.9.37 Әрбір атудың алдында қолдық пиротехникалық аспап қаралуы және тексерілуі керек:

- сақтандыру құрылғысы жұмысқа жарамды қалыпта екеніне;

- барлық жылжымалы бөлшектер жұмысқа жарамды қалыпта екеніне;

- патрондар сыналанбағанына.

12.9.38 Келесі жағдайларда патрондарды сақтауға және қолдық пиротехникалық аспапты пайдалануға болмайды:

- өздігінен атылу мүмкін жерлерде немесе қоршаған ортада;

- жарылу қауіпі бар ортада.

12.9.39 Оқталған қолдық пиротехникалық аспапты сақтауға болмайды.

12.9.40 Қолдық пиротехникалық аспапты пайдаланумен жұмыс істеуге тек оны қауіпсіз пайдалануға оқытылған жұмысшыларға ғана рұқсат беріледі.

12.9.41 Қолдық пиротехникалық аспаппен жұмыс істеуге рұқсат берердің алдында жұмысшылар пиротехникалық аспаптың әрбір түрін тәжірибелік пайдаланумен оқу курсынан өтулері және қолдық пиротехникалық аспаппен жұмыс істеу құқығына куәлік алулары керек.

12.9.42 Қолдық пиротехникалық аспапты қауіпсіз пайдалану ережелерін білуге өткізілетін тексерістің мерзімділігі – жылына бір реттен кем емес.

12.9.43 Поршеньдік түрдің қолдық пиротехникалық аспабымен өздігінен жұмыс істеуге 18 жастан жас емес, үшінші разрядтан кем емес жұмыс біліктілігіне ие, бекітілген бағдарлама бойынша оқу курсынан өткен, біліктілік комиссиясының емтихандарынан өткен поршеньдік түрдің қолдық пиротехникалық аспабымен жұмыс істеу құқығына куәлік алған жұмысшыларға ғана рұқсат беріледі.

12.9.44 Қолдық пиротехникалық аспапты пайдаланумен жұмыстарға басшылықты мамандар үшін арналған оқу курсынан өткен және осы жұмыстарды басқару құқығына куәлік алған тұлғалар ғана жүзеге асыруы керек.

12.9.45 Жұмыстарды бастардың алдында қолдық пиротехникалық аспаппен жұмыс істеуге рұқсат алған жұмысшы (оператор) келесілерді алуы керек:

- жұмыстарды жүргізу құқығына наряд-рұқсатты;

- пиротехникалық аспапты;

- патрондарды (белгіленген нормадан асырмай);

- жеке қорғаныс құралдарын (қорғаныс каскасын, шуға қарсы құлаққаптарды, қорғаныс қалқаншасын, былғарыдан жасалынған саусақты қолғаптар немесе қолғаптар).

12.9.46 Қолдық пиротехникалық аспаптың техникалық жағдайы (жұмысқа жарамдылығы) оны қоймадан алу кезінде тексерілуі керек.

12.9.47 Қолдық пиротехникалық аспаптың операторына рұқсат берілмейді:

- аспаптың блоктау-сақтандыру механизмін алып тастауға немесе ауыстыруға;

- аспап тіпті патронмен оқталмаған болса да өзіне немесе басқа адамдар жаққа бағыттауға;

- аспапты және оның патрондарын қадағалаусыз қалдыруға;

- аспапты және оның патрондарын басқа адамдарға, соның ішінде осы аспаппен жұмыс істеу құқығына куәлігі бар тұлғаларға да беруге;

- жұмыс орынын толық дайындағанға дейін аспапты оқтауға;

- егер ату орын алмаса ударникті жібергеннен кейін аспаптың оғын дереу алып тастауға; аспаптың оғын кем дегенде 1 минут өткеннен кейін алып тастауға болады;

- аспапты бөлшектеуді және тазалауды жүргізуге.

12.9.48 Оператор қолдық пиротехникалық аспапты жөндеуге берердің немесе қарауды жүргізердің алдында, сондай-ақ оны тасымалдау немесе қоймаға қайтарудың алдында аспапта оқталмағанына (патроны алып тасталынғанына) көз жеткізуге және тексеруге міндетті.

12.9.49 Жарылыс- және өрт қауіпі бар үй-жайларда, сүйелмелі баспалдақтарда және сақтандыру белдігінсіз және сақтандыру арқанысыз, каскасыз биіктіктен құлау шекараларына жақын жерлерде, тірек беттерінің және құрылыстық құрылымдардың элементтерінің тұрақсыз қалыптары кезінде, наряд-рұқсатпен қарастырылған қауіпсіздікті қамтамасыз ету жөніндегі іс-шараларды жүзеге асырмай қолдық пиротехникалық аспаппен жұмыс істеуге болмайды.

12.9.50 Оператор ОДП-6 түрінің оқ-дәрілік жиектемесімен жұмыс істеу кезінде жиектеменің және зарядтық соташықтың осі және аспаптың тебу траекториясы оператордың денесімен қиылыспайтындай есеппен және жақын жерде орналасқан құрылымның бөлшектерін және заттарды қолмен соғу мүмкіндігін болдырмайтындай етіп ыңғайлы және тұрақты қалыпта тұруы керек.

12.9.51 Дюбельді беріктігі дюбельдің беріктігінен мықты құрылыстық негіздерге, сондай-ақ сынғыштыққа ие негіздерге қағуға болмайды.

12.9.52 УК-6 түрінің оқ-дәрілік соққылық бағанасымен жұмыс істеу кезінде оны тесу керек болған қабырғаға немесе жабынға (негізге) қатаң түрде перпендикулярлы ұстау керек.

12.9.53 Тесік тесу жөніндегі жұмыстарды бастағанға дейін бетондағы қуыстықтардың орналасқан жерлерін анықтап алу керек.

12.9.54 Зарядтау кезінде оқ-дәрілік соққылық бағанасының бағыттаушы цилиндрін кездейсоқ ату кезінде қолдардың жарақаттануы орын алмайтындай етіп цилиндрлік бөлігінен ұстау керек.

12.9.55 Атудың алдында оқ-дәрілік соққылық бағанасының тиегінің сенімділігін тексеру, ыңғайлы тұрақты қалыпқа тұру (ату кезінде қолға тебудің едәуір күштері берілетін болады), ал бетке қорғаныс қалқаншасын кию керек.

12.9.56 ППО-95 М және басқа да түрдің оқ-дәрілік престерімен жұмыс істеу кезінде нұсқаулықта көрсетілгенмен салыстырғанда үлкен қуатқа ие оқ-дәрілік зарядты (патронды) қолдануға болмайды.

12.9.57 Атудың алдында оқ-дәрілік пресс жабық екенін, ал кабельдің саптамасы немесе желісі толығымен матрицаның ұясында орналасқанын және қаптамамен қысылғанын тексеру керек.

12.9.58 Егер кабельдің саптамасы немесе желісі қаптамамен қыстырылмаған немесе онымен тығыз қысылмаса оқ-дәрілік пресстен атуға болмайды.

12.9.59 Оператор ату кезінде ыңғайлы және тұрақты қалыпта тұруы керек, егер ату орын алмаса прессті кем дегенде 1 минуттан кейін қайта оқтауға болады.

- электрлендірілген аспапты және жабдықты электр желісінен сөндіру, пневматикалық аспапты компрессордан сөндіру, жабдыққа қызмет көрсету жөніндегі регламенттік талаптарды орындау;

- жұмыстарды орындау аймағында қалатын жабдықтарды, аспаптарды және материалдарды бекіту және оларды ауа-райы әсерлерінен қорғау;

- наряд-рұқсатта көрсетілген жұмыстарды аяқтау жөніндегі өзге де іс-шараларды орындау;

- жұмыс орындарын тәртіпке келтіру, қоқыстарды, аспаптарды, жарақтарды, тетіктерді жинау;

- жұмыс алаңындағы бекітілген сақтандыру және жұмыс жіптерін таңдау немесе шешу; таңдау немесе шешу мүмкін болмаған жағдайда – желдік жүктемелердің әсерінен сақтану үшін жіптерді қосымша бекітуді жүзеге асыру;

- пайдаланылмайтын жіптерді орамаға орау;

- керек-жарақтарды және жабдықтарды қарауды жүргізу;

- қауіпсіздік талаптарына жауап бермейтін керек-жарақтар мен жабдықтарды жарамсыз деп тану, пайдаланудан шығару, сәйкес келетін белгілеу құралдарымен таңбалау және жұмыс алаңынан алып тастау;

- керек-жарақтарды, арнайы киімді, арнайы аяқ киімді және қажет болған жағдайда жеке қорғаныс құралдарын тазалауды жүргізу;

- керек-жарақтарды, жабдықтарды және материалдарды қауіпсіз әдіспен сақтауға өткізу.

13.2 Жұмыстардың жауапты жетекшісі жұмыстарды аяқтау жөніндегі қажетті іс-шараларды орындауға бақылауды жүзеге асыруы керек.

Жұмыс аймағын ақырғы тексеру наряд-рұқсаттың қайтарылғанына дейін жүргізілуі керек.

13.3 Объектіні, жабдықтарды, материалдарды және керек-жарақтарды келесі ауысымға беру белгіленген процедураларға және ережелерге сәйкес жүргізілуі керек. Келесі ауысымға беру кезінде барлық маңызды ақпараттар хабарлануы керек.

13.4 Әрбір жұмыс ауысымы аяқталғаннан кейін жұмыстардың жауапты жетекшісінің, өнеркәсіптік альпинистер бригадасының бригадирінің, өнеркәсіптік альпинистер бригадасы бойынша тағайындалған қауіпсіздік үшін жауаптының, ауысымды аяқтаған өнеркәсіптік альпинистер бригадасының мүшелерінің, келесі ауысымға түсетін өнеркәсіптік альпинистер бригадасының мүшелерінің және қажет болған жағдайда объектідегі қауіпсіздік және еңбекті қорғау үшін жауап беретін тұлғалардың қатысуымен жиналыс өткізілуі керек.

Жиналыс барысында орындалған жұмыстарды және барлық болған немесе болайын деп қалған қателіктер, қауіпсіздік сұрақтары және жұмыстарды қауіпсіз орындаудың әдістерін жақсарту бойынша ұсыныстар талқылануы керек.

- ауа-райы жағдайларының кенеттен нашарлауы;

- жұмысшының ұстаушы түйінде немесе түсіру құрылғысында ілініп қалуы;

- сақтандыру жіптерінің зақымдануы;

- сақтандыру жібінде (жіптерінде) ілініп қалумен жұмысшының құлауы;

- жұмысшының жарақаттануы;

- ортостатикалық тұрақсыздық белгілерінің дамуы;

- жұмысшының денсаулығына немесе өміріне қауіп төндіретін технологиялық сипаттағы апат.

- апаттық жағдайларда әрекеттер жоспарының бар-жоқтығы;

- жұмыстардың жауапты жетекшісінің (құтқару операциясының жетекшісінің) біліктілігі (сәйкес келетін оқу және машықтарының бар-жоқтығы);

- кез келген уақытта құтқару процедураларының барлық аспектілеріне үйретілген, кем дегенде екі жұмысшының бар болуы;

- жұмысшылардың арасында анық және тұрақты байланыстың бар-жоқтығы;

- құтқару операцияларын және өзін өзі құтқаруды орындау үшін қажетті барлық керек-жарақтардың бар-жоқтығы;

- бригада мүшелерінің өзін өзі құтқаруға және құтқару операцияларына дайындығы (оқу, жаттығулар);

- апатты жағдайлардың барлық ықтимал сценарилерін бағалау үшін және сәйкес келетін құтқару операциялары қалай орындалуы керек екенін жоспарлау үшін уақыттың сәйкес келетін кезеңдерінде жұмыс орындарын тексеру, мысалы, күн сайын немесе жұмыстың әрбір ауысымында.

14.2.2 Арнайы құтқару керек-жарақтары жұмыс алаңында тұрақты түрде бар болуы керек.

Құтқару жұмыстарын жүргізуге және зардап шеккен адамды эвакуациялауға арналған керек-жарақтар өзіне жеке құтқару жиынтығын және бригаданың құтқару жиынтығын, сондай-ақ резервтік керек-жарақтарды қосады.

14.2.3 Жеке құтқару жиынтығы. Кейбір негізгі құтқару операцияларын жүргізу үшін қажетті керек-жарақтар мен жабдықтар әрбір өнеркәсіптік альпинистте болуы керек және өзіне тек өте қажеттілерді ғана қосуы керек.

Өнеркәсіптік альпинистің стандартты жеке құтқару жиынтығы өзіне келесілерді қосады:

- үлкен емес бірлік немесе екілік блокты;

- ілмектер;

- екі ұстағыш немесе «прусик» ілмектері;

- қосалқы карабиндер (кем дегенде 2 тал);

- бір пышақ;

- таспа (жабысқақ лента немесе лейкопластырь).

Әрбір өнеркәсіптік альпинист өзінің дорбасына алғашқы көмекті көрсетуге арналған жеке жиынтықты салып жүруі керек.

14.2.4 Бригаданың құтқару жиынтығы өзіне күрделі құтқару операцияларын жүргізу және зардап шеккен адамды бекіту үшін арналған керек-жарақтарды және алғашқы көмек көрсету үшін арналған құралдарды қосады.

Бригаданың құтқару жиынтығы ықтимал қауіптерді, бригаданың үйретілу деңгейін және құтқару операцияларын жүргізу үшін арналған сыртқы ресурстарды есепке алуы керек және жұмыс алаңындағы кез келген жағдайда жұмыстағы жолдастарын құтқаруды жүргізу үшін жеткілікті болуы керек.

Бригаданың құтқару жиынтығы өзіне келесілерді қосуы керек:

- зардап шеккен адамға алғашқы көмек көрсету үшін арналған жиынтық;

- ұзындығы ең биік нүктеден жердің деңгейіне дейін, зардап шеккен адамды эвакуациялау керек болатын жабынға немесе жұмыс төсеміне дейін бекітілетін, тарқатылуға дайын, кем дегенде екі жіп;

- блоктар – екілік, бірлік және қосарланған;

- кем дегенде екі құтқару эксцентрикасы және/немесе «прусик» ілмектері;

- кем дегенде 10 карабин;

- ілмектер;

- жіптердің майысқан жерлердегі қорғаныстары (роликтік немесе пластиктік);

- пышақ;

14.2.5 Жұмысшылар сәйкес келетін құтқару техникаларын пайдалану машықтарына ие болулары керек.

14.2.6 Жұмысты бастардың алдында бригаданың әрбір мүшесіне жұмыс алаңының ықтимал қауіптері және құтқару жоспарының ерекшеліктері туралы нұсқау берілуі керек. Байланыс құралдары тексерілуі, құтқару жұмысының ықтимал сценарийі талқылануы, ықтимал құтқару операциялары үшін арналған анкерлер белгіленуі және (немесе) дайындалуы керек. Құтқару жабдықтарына оңай қол жету керек. Шұғыл әрекет ету қызметінің автомобильдері үшін жол тазалануы керек.

14.2.7 Әрбір жұмыс алаңында әрқашан алғашқы көмек көрсету үшін жауапты адам болуы керек.

14.2.8 Өнеркәсіптік альпинистер ортостатикалық тұрақсыздықтың белгілерін анықтай алуға қабілетті болулары керек.
ЕСКЕРТПЕ Ортостатикалық тұрақсыздықтың алдын алу үшін төменгі байламның аяқтық ілмектері (отырғыштар) ыңғай астарға ие болулары және жүктемені тең бөлу және аяқтағы тамырлардың кез келген ықтимал қысылуларын азайту үшін мүмкіндігінше кең болуы керек. Егер бір қалыптағы жұмыс ұзақ уақыт бойы жүргізілетін болса жұмыс орындығын (шабуылдау алаңшасын) пайдалану ұсынылады.