Ведомствоаралық өзара іс-қимылға талдау

Қарыздарды сақтандыру және кепілдендіруге берілген бастапқы сома Қазақстан Республикасы Үкіметінің 24.12.2014ж. № 1380 қаулысына сәйкес басқа облыстарға қайта бөлінгендіктен қарыздарды сақтандыру және кепілдендіру жүйесі арқылы АӨК субъектілеріне берілген кредиттер бойынша тікелей нәтиже көрсеткіші орындалмады.

Республикалық бюджетті нақтылау кезінде инвестсубсидиялауға бөлінген бастапқы қаражат көлемі 1043 млн. теңгеден 689,1 млн.теңгеге дейін қысқартылуына байланысты ивестициялық субсидиялаудың есебінен тартылған инвестиция көлемі бойынша көрсеткіш орындалмады. Игерілген субсидия бойынша инвестиция сомасы 2,385 млрд. теңгені немесе 60% құрады. Комиссия мақұлдаған және өтінім бойынша міндеттемелер орындалды.

2-міндет. Өсімдік шаруашылығы өнімінің көлемін арттыру.

Өсімдік шаруашылығы өнімінің НКИ жоспардағы 101,5% орнына 97,9%. құрады. %, составил Жедел мәліметтер бойынша 2014 жылы күнбағыс, картоп және көкөніс өндіру 2% -ден 2,6%-ға өсті.

Алайда астық өндіру 2013 жылмен салыстырғанда 57 мың тоннаға немесе 7% азайды. Бұл өсімдік шаруашылығы өнімінің НКИ төмендеуіне әсер етті. Негізгі себеп – облыста дәнді дақылдар богарлы егіншілік жағдайында өсіріледі және 2014 жылғы қолайсыз жаз маусымы (ылғал жетіспеушілігі) кейбір аудандарда дәнді дақылдар шығымдылығын төмендетті. Субсидиялау түріндегі мемлкеттік қолдау толық көлемде пайдаланылды және барлық көрсеткіштерге қол жеткізілді.

3-міндет. Мал шаруашылығы өнімінің көлемін арттыру.

Мал шаруашылығы өнімінің НКИ жоспардағы 103% орнына 104,8% құрады немесе жоспармен салыстырғанда 1,8% және 2013 жылғы жоспармен салыстырғанда 1,9% артық (102,9%). 2014 жылы ет өндіру көлемі 2013 жылмен салыстырғанда 6,6 %, сүт 2,4 %, жұмыртқа 7,4% артты. Субсидиялау түріндегі мемлекеттік қолдау толық көлемде пайдаланылды. Шетел селекциясынан ірі қара мал сатып алу көрсеткіші «Агрофирма Приречное» ЖШС-ның Канададан ауру мал әкелінуіне байланысты орындалмады.

- тағам өнімдерінің НКИ жоспардағы 100,1% орнына алдын ала мәлімет бойынша 105,3% құрады немесе жоспардағы көрсеткіштен 5,2% артық. Негізгі өсім ет өндіру (116,1%) және өсімдік және мал майларын өндіруде (110,1%).

- Ішкі рынокты отандық тағам өнімдерімен қамтамасыз ету 100% орындалды.

Жалпы а/ш өнімдерін өндіру көлемі халықты тұтыну нормасына сәйкес толық қамтамасыз етеді. 2014 жылы етпен қамтамасыз ету 209%, сүтпен – 177,6%, ұнмен – 155,1%, күнбағыс майымен– 10 есе, картоппен – 1,8 есе және көкөніспен 2 есе құрады.

- соңғы статистикалық мәліметтер 2015 жылғы маусымда болады.

- ауыл шаруашылығындағы еңбек өнімділігінің өсімі 6,5% құрайды. Еңбек өнімділігі бойынша статистикалық көрсеткіштер 2015 жылғы екінші тоқсанда берілетін болады.

- АӨК өнімі экспортының үлес салмағы 1,6%, ал кеден статистикасының мәліметі бойынша 3,3% құрайды.

Облыстағы ауыл шаруашылығы өнімінің жалпы көлемі 294 млрд. теңге, бұл өткен жылғы тиісті кезеңдегі деңгейден 2,2% артық.

2014 жылы ауыл шаруашылығы өнімінің жалпы көлемі республиканың басқа облыстары арасында 3 орында тұр.

Қазақстан Республикасы Үкіметінің 2013 жылғы 18 қыркүйектегі №983 қаулысымен бекітілген, жергілікті атқарушы органдар көрсететін Мемлекеттік қызметтердің тізіліміне сәйкес, ауыл шаруашылығы басқармасы 14 қызмет түрін көрсетеді. Оның ішінде 9 түрі субсидия төлеу бойынша, 3 түрі лицензия беру және 2 түрі тұқым шаруашылығы субъектілерін аттестаттау бойынша.

2014 жылғы кезең ішінде 5351 қызмет көрсетілді. Барлық мемлекеттік қызмет белгіленген мерзімінде көрсетілді.

Өткізілген бақылау іс-шаралары

ШҚО бойынша қаржылық бақылау органдары өткен 2014 жылы 3 тексеру жүргізді, оның 2-ін қаржылық бақылау инспекциясы 1-ін облыстың тексеру комиссиясы жүргізді. Осы тексерулердің нәтижесінде 4249,5 мың теңге бюджетке қайтарылды.

АӨК-ні мемлекеттік қолдауға бөлінген қаражатты уақтылы және ұтымды пайдалану және АДБ көрсеткіштерін орындау мақсатында салалық министрлік мемлекеттік субсидия төлеу қағидаларын уақтылы әзірлеп, бекітулері тиіс деп санаймыз.