Тақырыбы: Ерте жастағы балаларда жедел асқорытудың бұзылуы. Диареялар. Емшек жасындағы балалардың созылмалы тамақтануының бұзылыстары

Уытты (токсикалық) диареялар

Э к с и к о з белгілері – тері қабатының серпімділігі мен созылғыштығының төмендеуі, баланың көзі мен үлкен еңбегінің төмен түсуі, көз жасының, зәрінің азаюы, қатты шөлдеуі. Жоғалтқан судың мөлшеріне қарай дегидратацияның 3 дәрежесі анықталады: І дәреже – салмағының 5%, ІІ дәреже- 10%, ІІІ дәрежеде – 10% - тен жоғары кемуі. Су жоғалту 20% тен асса бала өлімі болады. Эксикоздың түрлері:

І – су дефициті (гипертониялық) түрі – бала өте мазасыз, Т⁰ жоғары, бұлшық ет тонусы да жоғары, қатты шөл қысады, елірмелейді, тер мен зәрі азаяды.

ІІ – тұз дифициті (гипотониялық) түрі – бала өте енжар, әлсіз, есін жоғалтады, рефлекстері мен бұлшық ет тонусы төмен, жүрек тондары күңгірт, әлсіз, қан қысымы төмендеген.

ІІІ–изотониялық түрі – организмнен жоғалтқан су мен тұздардың мөлшері бірдей, клиникалық белгілері зат алмасуының бұзылуының дәрежесімен байланысты.

Т о к с и к о з белгілері – дене қызуы көтерілу, барлық басқа ағзалардың қызметінің бұзылу белгілерінің пайда болуы. Жүрек, қан айналу жүйесі тарапынан – жүрек тондарының әлсіреуі, тахикардия не брадикардия, тері қабатының мрамор түске енуі байқалады. Орталық нерв жүйесі тарапынан – қатты мазасыздану, есін жоғалту, елірмелеу анықталады. Тыныс алу ағзалары тарапынан – дем алысының жиілеуі (т а х и п н о э), ретсіз болуы немесе ауыр түрлерінде патологиялық дем алысы түрлерінің байқалуы (Куссмауль, Чейн – Стокс сияқты).