Ихрамдағы адамға тыйым салынатын амалдар

Ер кісіге кәдімгі тігілген киімдердің бірін киюі. Сондай-ақ аяқ башпайлары көрініп тұратын шәркейден басқа аяқ киім киюі. Ихрам кезінде екі бөлек ақ матадан басқа киімдер тыйым салынады.

Ер кісіге бас пен бетті бүркеуі, ал әйел кісіге бетті бүркеуі. Алайда бөтен ер кісілердің қасында бетін көлегейлеуіне рұқсат етіледі.

Өз шашын да ихрамдағы басқа кісінің де шашын қырқу.

Хош иісті майлар мен әтірді денеге және ихрам матасына жағу. Ихрам киерден бұры деннеге сепкен әтірдің қалдығына рұқсат етіледі. Ал ихрам киімінде иіссуды қалдығы болса, оны міндетті түрде жуу қажет.

Тырнақ алу, денедегі түктерді жұлу не қыру.

Әйелімен жыныстық қарым-қатыасқа түсу әрі соған шақыраты сөздер мен қылықтар.

Шариғат талаптарын орындаудан бас бастартып, пасықтық іс-әрекетке бару.

Ихрамдағы кісі қасына еріп шыққан не бөтен адамдармен болсын, мүлде таласуына, дауласуына, ұрысуына болмайды.

Мекке мен Мадина қалаларының айналасындағы харам аймағыа кірген адам, ер болсын, әйел болсын өздігінен өсіп тұрған ағашты, басқа да өсімдіктерді кесуге, сындыруға, жұлуға болмайды.

Мекке Мадина қалаларының айналасындағы харам аумағына кірген адам аң аулауына және соған көмектесіп, жол көрсетуіне болмайды.