Тошкент давлат иқтисодиёт университети
-савол. Бошқарувнинг «янги мактаби» (50—60-йй.)
жүктеу/скачать 1.42 Mb. Pdf көрінісі
|
|
11-савол. Бошқарувнинг «янги мактаби» (50—60-йй.) 1. Бошқарувнинг «янги мактаби» асосий қоидалари 2. Мактабнинг замонавий менежментга қўшган ҳиссаси 1.Бошқарувнинг «янги мактаби» (уни яна «миқдорий» ва «бошқарув» мактаби деб ҳам аташади) яратувчилари ва тадқиқотчилари орасида Л.Берталанфи, Д.Форестер, Р.Люс, А.Гольдбергер, М.Месарович, Л. Клейн, В. Леонтьев каби машҳур менежмент тадқиқотчиларининг номларини ёдга олиб ўтиш лозим. «Янги мактаб»нинг пайдо бўлиши бошқарувда ЭҲМ ва математик усулларни қўллашнинг натижаси ҳисобланади. Унинг бошқарув концепцияси улар ёрдамида менежернинг субъектив қарорлари ва математик таҳлил интеграцияланадиган иқтисодий- математик аппарат, тизимлар назарияси, кибернетика ва ҳисоблаш техникаси ютуқларига асосланади. Бошқарувнинг «янги мактаб»и учун хос хусусиятлар сўз орқали ифодаланадиган мулоҳазаларнинг моделлар, символлар ва миқдорий белгилар билан алмаштирилиши ҳисобланади. Бошқарувнинг «янги мактаб»и тадқиқотчилари саъй- ҳаракатлари қуйидаги муаммоларни ҳал қилишга йўналтирилган эди: ташкилотнинг ресурслар захирасини бошқариш, оптималлаштириш ва уларни тақсимлаш; қарор қабул қилишда ўйинлар назариясидан фойдаланиш; ташкилот мақсадларини тизимли таҳлил қилиш; ноаниқлик шароитларида хулқ-атвор стратегиясини танлаш; турли вазиятларни баҳолаш ва таҳлил қилишнинг статистик усуллари; тармоқда режалаштириш; башорат қилиш ва бошқалар. 2.Бошқарувнинг «янги мактаб»ининг замонавий менежмент шаклланишига қўшган ҳиссаси бошқарув фанига компьютерлар ва 18 аниқ фанлар аппаратини жорий қилиш йўли билан қарорларни асослаб беришнинг замонавий миқдорий усулларини ривожлантириш ва фойдаланишдан иборат. Бошқарувнинг «янги мактаб»и асосида бошқарув қарорлари назарияси ўқув фани шаклланди, у ҳозирги пайтда жамоаларда қарорлар ишлаб чиқиш жараёнлари, статистика назарияси, ўйинлар назарияси, иқтисодий ҳодисаларнинг миқдорий амалий ва мавҳум математик моделларини қўллаган ҳолда оптимал қарорлар ишлаб чиқиш ва математик моделлаштириш билан шуғулланади. Ҳозирги пайтда энг катта аҳамиятга эга бўлган бошқарувдаги тизимли ёндашувнинг негизи бошқарувнинг «янги мактаб»и қоидалари ташкил қилади. жүктеу/скачать 1.42 Mb. Достарыңызбен бөлісу:
|